Hosia 2:2 - Ika

² “Ụmụ m, gwakwọ nị nnẹ ụnụ Izrẹlụ-o! Ẹlẹzidẹ nwan nwunyẹ m; ẹlẹzi m di ẹ! Rịọkwọ n'a n'o bu ẹnya che ụzọ ohu, rebehi ẹhụ a!

Hosia 2:2 Iomraidhean Croise

Azaya 11:12

O k'e weshi ahịma elu zinmẹni alị ichẹn-ichẹn, gi wegbama ndị Izrẹlụ wẹ kpụnrụn, welụa wẹ; o k'a gha ẹbamịn ẹnọ ụwa wegbama ndị Juda feyịyanị.

Azaya 50:1

Osolobuẹ sị ndị Izrẹlụ, “Elee ẹkụkwọ-mkpechan kẹ m ye nnẹ ụnụ wụ alị Izrẹlụ, omẹni mkpechan kẹ m kpechan a? Onyẹ kẹ m re ụnụ ye gi kụ ụgwọ — omẹni orire kẹ m re ụnụ? Njọ ụnụ haịn wẹ gi re ụnụ; eje-obibi ụnụ haịn wẹ gi chụpụ nnẹ ụnụ.

Azaya 58:1

Gi ẹ yi oro! Agbakwọlẹ nkịtịn! Yi ẹ n'ọ han — nọkẹ opi! Gwapụ ndị nke m nnupụ-isi wẹ, gwapụ ikpụlọ Jekọpụ njọ wẹ!

Jerimaya 19:3

Sị wẹ: Gọn ni ntịn ihiẹn Osolobuẹ ku, ụnụ ndị-nze alị Juda lẹ ụnụ ile bi obodo Jerusalẹm. Osolobuẹ ihiẹn ile rị okpuru ẹ, hụn wụ Chuku alị Izrẹlụ, sị: m jẹnkọ d'e tikpọ ebeni otikpọ hụn o mẹni onyẹ nụ a ọ dan a ntịn taị!

Jerimaya 2:2

“Jẹn d'a hị ihiẹnni nị ndị Jerusalẹm nụ a: Lee ni ihiẹn Osolobuẹ ku: ‘A nyanhan m kẹ ụnụ dọn wechanrịn enwẹn ụnụ kwanị m kẹ ụnụ rị okoro, kẹ ihiẹn m dọn sụọ ụnụ lekẹ nwunyẹ m lụ nke ọhụn, ụnụ nọ kweri sọn m gha imẹ atụ, alị wẹ kụnlẹni ihiẹn ọwụlẹ.

Jerimaya 3:1

“Okẹnnyẹ kpechan nwunyẹ ẹ, nị hụn okpoho a pụ, lụma okẹnnyẹ ọzọ, nị di ẹ mbụ lụmazị a? Alị a rụchanrịnkọ o mẹ ẹ? Kanị ị hụ e bi kẹ ịgbaraja ya lẹ ndị bu ọda rị a sụọ, nị ị buruhẹzi m nwan?” Ya kẹ Osolobuẹ ku.

Jerimaya 3:13

Ka kwerihụ nị y'e mẹọlẹ njọ, nị y'e nupụgụọ isi okpuru Osolobuẹ wụ Chuku i, y'e wegụọ enwẹn i kwanị mmọn alị ọzọ rị ichẹn-ichẹn okpuru osisi ọwụlẹ duni, y'e mẹni ihiẹn m sị ị mẹ.” Ya kẹ Osolobuẹ ku.

Jerimaya 3:18

O ru ogẹn ahụn, ikpụlọ Juda k'a bannị ikpụlọ Izrẹlụ. Wẹ ile k'a wị gha alị rị ẹbamịn-ugu lụaha alịnị m ye ndị nẹdi ụnụ kanị weri nị ya wụ ukuu wẹ.

Izikẹlụ 16:20

“ ‘Y'e weridẹ ụmụ ị ikẹnnyẹ lẹ ikpoho hụn ị mụnị m, gi wẹ chụnyeni mmọn ndị hụ ị rị e fe ẹjan nị wẹ ri. Ịgbaraja ị gba ehini i?

Izikẹlụ 16:25

Y'a rụn ụlọ-mmọn ị ye isi-ụzọ ile, e mẹrụ mma-ẹhụ ị, a shịapụ ụkụ a tọnị onyẹ ọwụlẹ ghafekọnị, ịgbaraja ị hụ a waye.

Izikẹlụ 20:4

Y'a hangbukọ wẹ eṅẹn? Nwa-ịhịan, y'a hangbukọ wẹ eṅẹn? Nyanhannị wẹ arụ ile ndị nẹdi wẹ mẹ;

Izikẹlụ 23:43

M nọ sị ‘Wẹ sikọ nwan d'e sọnzi hụnnị ughẹrẹ gbugụ ranhịn.’

Izikẹlụ 23:45

Kanị, ndị ezi-omumẹ k'a ma wẹ ikpe w'a ma ikpoho zọ ụkụ ye ọfịa lẹ ndị gbu ịhịan, makẹni wẹ wụ ikpoho zọ ụkụ ye ọfịa lẹ ndị ẹdeke rị ẹka.

Hosia 1:2

Isi ibuzọ Osolobuẹ gi kumẹ oku ghahanị Hosia, ọ sị Hosia, “Jẹn d'a lụrụ ịgbaraja; o k'a gha ogbe mụhann'ị ụmụ. M k'e gi ẹ ghọsị nị ẹrịra kẹ ndị alịnị dọn wụrụ ịgbaraja ebe wẹ nọ latọ mmẹ wụ Osolobuẹ d'e femẹ mmọn.”

Hosia 2:1

“Ogẹn ahụn, ụnụ k'a rị a kpọ umunẹ ụnụ ikẹnnyẹ ‘Ami’ ya wụ onyẹ nke Osolobuẹ; a kpọ umunẹ ụnụ ikpoho ‘Ruhama,’ ya wụ ‘onyẹ wẹ mẹni omikẹn.’

Hosia 2:5

Nnẹ wẹ a gbaọlẹ ịgbaraja; nnẹ mụnị wẹ e mẹọlẹ ihiẹn ifẹnrẹn — o gi sị enwẹn ẹ, ‘M k'a gbasọnmẹ ndị mmẹ lẹ wẹ rị a sụọ, uwẹ e ye m ihiẹn m'e ri lẹ mirin m'a ra lẹ oruru lẹ ẹṅẹnrẹn-anụ m gi a kpa ẹwuru; uwẹ e ye m ofigbọn lẹ udẹn, e ye m manya m'a ra.

Hosia 4:5

Ọhanfie ọhanfie kẹ ụnụ a hanfiesọnmẹ ụkụ kẹ efinaị kẹ uhinhin; ndị-amụma hụzị e sọn ụnụ a hanfie; m sikọ nwan d'e tikpọ nnẹ ụnụ wụ alị Izrẹlụ.

Maịka 2:13

Onyẹ hụn e tikpọnị wẹ mgbọn sikọ d'e buruni wẹ ụzọ; wẹ k'a gha ọnụ-mgbọn alị gini wẹ zụnkpọpụha, la alị hụ tọ. Eze wẹ k'e buruni wẹ ụzọ, Osolobuẹ k'a rị wẹ ihun.

Ndị Kọrẹntị Nke Ẹbụọ 5:16

Onwọnzini nwan onyẹ ẹnyi e gi ẹnya-ịhịan mmaka e lee. Ọsụọn'a nị ẹnyi te gi ẹnya-ịhịan mmaka e lee Kraịstị mbụ, ẹnyi ara gizi ẹnya-ịhịan mmaka e lee ẹ.