Hosia 1:1 - Ika

¹ Ọnwan wụ ozi Osolobuẹ zi Hosia nwa Biẹri. Ozi ndịnị bịa ogẹn ndị-nze ẹnọnị gisọnmẹ kị Juda: Uzịa, Jọtam, Ahazị lẹ Hezikaya. Ogẹn ahụn, Jerobụam nwa Jehụashị wụ eze azụụn hụn-ẹbọ wụ Izrẹlụ Ẹbamịn-ugu.

Hosia 1:1 Iomraidhean Croise

Ndị-nze Nke Ẹbụọ 13:13

Jehụashị a nwụnhụn, la, rịkẹ ndị nẹdi ẹ, nwa a wụ Jerobụam nọ nọkin ẹnya a elu ukpo-eze, kịma; obodo Sameria kẹ wẹ liye Jehụashị, wẹ li ẹ ye ebe w'e liye ndị-nze hụn kị Izrẹlụ azụụn hụ.

Ndị-nze Nke Ẹbụọ 14:16

Jehụashị a nwụnhụn, laburu ndị nẹdi ẹ, nwa a wụ Jerobụam nọ họnrin eze nọkin ẹnya a; obodo Sameria kẹ wẹ liye Jehụashị, wẹ li ẹ ye ebe wẹ e liye ndị-nze Izrẹlụ.

Ndị-nze Nke Ẹbụọ 14:23

Hụn mẹ ẹ ahụa mmisẹn Amazia nwa Jụashị kịma Juda kẹ eze Izrẹlụ wụ Jerobụam nwa Jehụashị họnrin eze imẹ obodo Sameria, ọ nọ kị ahụa ohu kwasị ọgụnnaị.

Ndị-nze Nke Ẹbụọ 15:32

Hụn mẹ ẹ ahụa ẹbụọ Pẹka nwa Rẹmalịa kịma Izrẹlụ Ẹbamịn ugu kẹ Jọtam nwa Uzịa (Azaria) kịma Juda.

Ndị-nze Nke Ẹbụọ 15:5

Osolobuẹ tụ eze wụ Azaria emu-oti, ya sụọ nọ biri ụlọ ichẹn; oti ahụn kụ a d'e ru ụhụọhịn ọ nwụnhụn. Jọtam nwa eze nọ lepụma obi-eze ẹnya, a kị ndị alị hụ.

Ndị-nze Nke Ẹbụọ 15:7

Azaria a nwụnhụn, laburu ndị nẹdi ẹ, wẹ nọ li ẹ ebe wẹ liye wẹ imẹ Obodo hụ Defidi tụn. Ya Jọtam nwa a nọ nọkin ẹnya a, kịma.

Ihiẹn Mẹni Nke Ẹbụọ 27:1

Jọtam rị nwa ahụa isẹn kwasị ọgụn k'o họnrin eze; Jerusalẹm k'ọ nọ kị; ahụa mmisin k'ọ kị. Nnẹ ẹ wụ Jerusha nwa Zadọkụ.

Ihiẹn Mẹni Nke Ẹbụọ 28:1

Ahazị rị nwa ahụa ọgụn họnrin eze. Ahụa mmisin k'ọ kị; imẹ Jerusalẹm k'ọ nọ kị. O mẹ ihiẹn rịlẹni mma ẹnya Osolobuẹ, o mẹni kẹ nẹdi ẹ kanị wụ Defidi dọn mẹ.

Ihiẹn Mẹni Nke Ẹbụọ 29:33

Anụ wẹ wẹhẹ w'e gi chụn ẹjan ichẹn-ichẹn wụ okẹn-efin ọgụn-iri kwasị nnụ (600), atụnrụn lẹ ewu rịn'a wụ nnụ-uku ẹtọ (3,000).

Azaya 1:1

Lee ihiẹn ndị Azaya nwa Emọzụ hụnsọnmẹ banyeni alị Juda lẹ obodo Jerusalẹm isi-alị Juda. Ogẹn ndị-nze wụ Uzịa, Jọtam, Ahazị lẹ Hezikaya gisọnmẹ kị Juda k'o gi hụn ihiẹn ndịnị.

Azaya 7:1

Ogẹn Ahazị nwa Jọtam nwa Uzịa gi wụ eze Juda, Rẹzini wụ eze Aram lẹ Pẹka nwa Rẹmalịa eze Izrẹlụ nọ bịa d'a lụsọn obodo Jerusalẹm agha. Kanị omẹgụ, asanị wẹ ẹka maye wẹ.

Jerimaya 1:2

Hụn mẹ ẹ ahụa mmẹtọ ogẹn Josaya nwa Amọnụ gi wụ eze Juda kẹ Osolobuẹ zimẹ Jerimaya ozi ndịnị,

Jerimaya 1:4

Osolobuẹ sị m,

Izikẹlụ 1:3

Ụhụọhịn hụ kẹ Osolobuẹ gwa mmẹ wụ Izikẹlụ onyẹ nchụn-ẹjan nwa Buzi oku mkpẹnrẹn Iyi Kẹba ebẹhụ, imẹ alị ndị Kal'di wụ Babilọnụ. Ebẹhụ kẹ Osolobuẹ nọ mẹtụ m ẹka.

Juwẹlụ 1:1

Hụnnị wụ ozi Osolobuẹ zi Juwẹlụ nwa Pẹtuẹlụ.

Emọsụ 1:1

Ọnwan wụ ihiẹn Emọsụ ku. Emọsụ wụ onyẹ ohu imẹ ndị e du anụ imẹ obodo Tẹkụa. Ihiẹn Osolobuẹ ghọsị a banyeni Izrẹlụ k'o ku. Ogẹn ahụn, Uzịa wụ eze Juda, Jerobụam nwa Jụashị wụ eze Izrẹlụ. Ọ rị ahụa ẹbụọ o ku ihiẹn ndịnị nị alị hụ mẹhunmẹni d'e mẹhunmẹ.

Jona 1:1

Ụhụọhịn ohu, Osolobuẹ nọ gwa Jona nwa Amitaị oku,

Maịka 1:1

Ọnwan wụ oku Osolobuẹ, hụn bịanị Maịka onyẹ obodo Morẹshẹti ogẹn Jọtam lẹ Ahazị lẹ Hezikaya gisọnmẹ kị alị Juda; ihiẹn ndịnị kẹ Maịka hụn banyeni obodo Sameria lẹ obodo Jerusalẹm.

Zẹkaraya 1:1

Ifọn nke ẹsatọ imẹ ahụa ahụn mẹ ẹ ẹbụọ eze-kanị wụ Dariọsụ kịma kẹ Osolobuẹ gwa onyẹ-amụma wụ Zẹkaraya nwa Bẹrẹkia nwa Ido oku, sị,

Jọnụ 10:35

Ọ kpọgụọ ndị ahụn wẹ zijẹnni oku Osolobuẹ mbụ ‘mmọn’ bụ w'a ra hutọ oku rị imẹ Ẹkụkwọ-nsọ,

Ndị Rom 9:25

Ọnwan k'o ku imẹ Ẹkụkwọ-nsọ, imẹ ẹhụhụọ Hosia, sị, “Ndị te wụlẹni ndị nke m kẹ m jẹnkọ nwan d'a kpọ ‘Ndị nke m.’ Alị m te nwọnlẹni ihiẹn-ọsụsụọ a kẹ m jẹnkọ nwan d'a kpọ ‘alị m nwọn ihiẹn-ọsụsụọ a.’

Pita Nke Ẹbụọ 1:21

makẹni, onwọnni ihiẹn rị imẹ Ẹkụkwọ-nsọ gha uche ịhịan pụha. Kama, Mmọn-nsọ nu ndị kuni, wẹ nọ ku ihiẹn gha ebe Osolobuẹ rị bịa.