Hibru 8:2 - Ika

² onyẹ hụ rị ọrụn Ebẹhụ Kachanrịn Nsọ imẹ Ọdụ-ofufe ezigbo ẹ hụ, hụn rị elu-igwee, Ọdụ-ofufe ahụn Osolobuẹ lẹ enwẹn ẹ mẹmẹ, ẹlẹ hụn ịhịan mẹmẹ.

Hibru 8:2 Iomraidhean Croise

Ọpụpụ 25:9

I sikọ d'e mẹmẹ Ọdụ-nsọnị lẹ ihiẹn ile jẹnkọ d'a rịn'a n'ọ rịchanrịn kẹ m k'a dọn ghọsị ị.

Ọpụpụ 28:1

“Gha imẹ ndị Izrẹlụ weri Ẹrọnụ nwẹnẹ i tumẹ, n'ọ hụn ụzọ rụnmanị m ọrụn ịchụn-ẹjan, ya lẹ ụmụ a ikẹnnyẹ, Nadabụ lẹ Abihu, lẹ Ẹliẹza lẹ Itama.

Ọpụpụ 28:35

Ẹrọnụ k'e yirịrị a ọ gha a rụn ọrụn onyẹ nchụn-ẹjan. K'ọ bankọ ihun Osolobuẹ imẹ Ebẹhụ rị Nsọ abankọ k'ọ pụkọ apụkọ, wẹ k'a gha a nụ ukwere mgbịrịgban-goru ndị hụ mẹsọnmẹ ẹkẹrẹ-ẹkẹrẹ, makẹ ọ gha a nwụnhụn.

Ọpụpụ 33:7

Ogẹn hụ, Mozizi a pụ ebe wẹ ziẹntọ e jẹnzụkazị d'e tumẹ ọdụ; ọ kpọ a “Ọdụ-ozuzu”. Onyẹ chọ n'ọ marịn uche Osolobuẹ, ọ pụ ebẹhụ wẹ ziẹntọ, shi ọdụ ahụn.

Luku 24:44

Ya ọ nọ sị wẹ, “Ihiẹn ndịnị kẹ m gwa ụnụ ogẹn mmẹ lẹ ụnụ gi rị: nị ihiẹn ile wẹ de banyeni m imẹ Iwu Mozizi lẹ imẹ ihiẹn ndị-amụma de lẹ imẹ Ẹbụ-ọma jẹnkọ d'e mẹrịrị.”

Ndị Rom 15:8

Makẹni Kraịstị bịa d'a wụrụ odibo ndị Ju, kẹni ọ ghọsị nị Osolobuẹ wụ onyẹ ezioku ghahanị imẹzu nkwa Osolobuẹ kwe ndị nẹdi wẹ kanị;

Ndị Kọrẹntị Nke Ẹbụọ 5:1

Makẹni ẹnyi a marịnghọ nị wẹ tikpọ ẹhụ ẹnyini, ọdụnị ẹnyi bi imẹ ẹ imẹ ụwanị, ẹnyi e nwọnghọ ụlọ Osolobuẹ tụn, ụlọ wẹ gilẹni ẹka tụn hụn rị imẹ elu-igwee, ụlọ hụn k'a rị jẹnrin ejẹn.

Ndị Kolosị 2:11

Imẹ Kraịstị, a kwagụọ wẹ ụnụ ezigbo ugun hụn wẹ gilẹni ẹka kwa — ghahanị ibepụ onyẹ ahụn ẹnyi te wụ, ịkwa-ugun hụn wụ nke Kraịstị.

Hibru 10:11

Onyẹ nchụn-ẹjan gi Iwu Mozizi a rụn ọrụn a ụhụọhịn-ụhụọhịn, a chụnsọnmẹ ẹjan ohu ahụn ghalẹni asaẹka e wepụ njọ.

Hibru 10:21

Ọzọzị, ẹnyi nwọn okẹn onyẹ nchụn-ẹjan hụn ụlọ Osolobuẹ rị ẹka a.

Hibru 11:10

Ebraham mẹ ẹrịra makẹni obi ẹ rịchanrịn obodo ahụn k'a rị jẹnrin ejẹn, obodo ahụn Osolobuẹ gi ẹka a ropụha, tụn.

Hibru 9:1

Nkwerigbama ibuzọ ahụn nwọnsọnmẹ iwu sọnn'ẹ lẹ Ọdụ-ofufe hụn rị elu-ụwanị.

Rẹvẹleshọnụ 21:3

M nọ nụ okẹn olu gha ukpo-eze hụ a sị, “Lee ẹ, ebe-obibi Osolobuẹ rị nwan imẹ igunrun ịhịan; o k'e bi imẹ igunrun wẹ, wẹ k'a wụ ndị nke ẹ; ya nwẹn k'a nọyeni wẹ, o k'a wụ Chuku wẹ.