Hibru 7:2 - Ika

² Ebraham nọ kebe ihiẹn ile ọ bulụa agha ụzọ iri, we ụzọ ohu ye Mẹkizẹdẹkị. Nke ibuzọ, ẹfannị wụ Mẹkizẹdẹkị wụ “Eze Ezi-omumẹ”. Ọzọzị, Mẹkizẹdẹkịnị wụzị eze Salẹm, ya wụ “Eze Udọn.”

Hibru 7:2 Iomraidhean Croise

Jẹnẹsisi 28:22

ebeni m tumẹ ọmụma-nnyanhannị k'a wụrụ ụlọ Chuku; m sikọ d'e kebe ihiẹn ile i ye m ụzọ iri, ye i ụzọ ohu.”

Samuẹlụ Nke Ẹbụọ 23:3

Chuku Izrẹlụ ku oku, Ọmụma Izrẹlụ sị m: Onyẹ hụn gi ezi-omumẹ a kị, e gi egun Chuku a kị,

Samuẹlụ Nke Ẹbụọ 8:15

Defidi hụ a kị ndị Izrẹlụ ile, e mẹni ndị nke ẹ ihiẹn rị mma lẹ ihiẹn furuni.

Ihiẹn Mẹni Nke Ibuzọ 22:9

Kama, ị k'a mụ okẹnnyẹ, hụn k'e mẹ onyẹ udọn. M k'e mẹ ndị-iṅẹnrẹn ẹ ile rị azụụn ọwụlẹ yen'ẹ efe. Ẹfan a k'a wụ Solomọnụ hụn wụ “Udọn”. M k'e ye Izrẹlụ udọn ogẹn ẹ, mẹ Izrẹlụ mẹ jụụ.

Ẹbụ-ọma 72:7

Ezi-omumẹ ya ghachanrịn ihun ogẹn nke ẹ; ihiẹn ya rị mma ọhụnma-ọhụnma, d'e ru mgbe ifọn tibehi.

Lẹvitikọsụ 27:32

Ohu imẹ iri imẹ efin ile lẹ atụnrụn ile ịhịan nwọn, anụ ọwụlẹ pụha ube iri ebe onyẹ ndu anụ nọ a gụn anụ a, k'a rịchanrịn nsọ, wụrụchanrịn nke Osolobuẹ.

Maịka 5:5

O k'e mẹ udọn rị. Ndị Asiria a banhan alị ẹnyi; ụkụ wẹ ru ụlọ-uku ndị rị alị ẹnyi, ẹnyi e wepụhanị wẹ ndị-ndu ẹsa zu ọnụ, madụ ẹsatọ-dẹ hụn ru ogo.

Ọgụngụn 18:21

“Nke ndị Livaị, m rị e we ụzọ-ohu imẹ ụzọ-iri ile rị Izrẹlụ e ye ndị Livaị, n'ọ wụrụ nke wẹ hụn wẹ gi a kụ wẹ ụgwọ ọrụn wẹ rị a rụn imẹ Ọdụ-ozuzu.

Matiu 1:23

“Lee ẹ, okpoho kelẹni marịn okẹnnyẹ jẹnkọ d'a tụ imẹ, mụ okẹnnyẹ; wẹ k'a kpọ nwa hụ ‘Imanuẹlụ’, ya wụ, ‘Osolobuẹ rị imẹ igunrun ẹnyi.’ ”

Luku 2:14

“Ịja-mma ya rịnị Osolobuẹ ebẹhụ kachanrịn elu ejẹn; udọn ya rịnị ndị rị imẹ ụwa, ndị ọ rị e mẹni ọhụnma!”

Ndị Rom 3:26

Ya k'o gi mẹ ihiẹnni ogẹnni, gi ghọsị n'ọ wụ onyẹ ezioku, n'ọ wụ onyẹ ezi-omumẹ lẹ n'o furughọ n'ọ nabanhan onyẹ kwerini Jesu rịkẹ onyẹ ezi-omumẹ.

Hibru 7:1

Mẹkizẹdẹkịnị ẹnyi rị e ku wụ eze alị Salẹm; ọ wụzịkwọ onyẹ nchụn-ẹjan Osolobuẹ, Chuku Kachanrịnnị. O kunrun Ebraham kẹ Ebraham kinla ogẹn Ebraham gi mẹrigụ ndị-nze hụ imẹ agha, ọ nọ gọzi Ebraham.

Hibru 7:3

O nwọn nẹdi; o nwọn nnẹ; o nwọn ẹbozo. O nwọn mbidọn; o nwọn ọgụgụ. Ọ nọhụ kẹ nwa Osolobuẹ. Ọ wụ onyẹ nchụn-ẹjan jẹnrin ejẹn.

Samuẹlụ Nke Ibuzọ 8:15

O k'e weri ohu-ohu imẹ ọka lẹ mkpụrụ-osisi iri ọwụlẹ ụnụ rụnpụha, we ẹ ye ịhaịmẹ ẹ lẹ ndị ọrụn a;

Samuẹlụ Nke Ibuzọ 8:17

o k'e weri atụnrụn lẹ ewu ohu-ohu imẹ iri ọwụlẹ ụnụ nwọn; ọnụ nwẹn jẹnkọ d'e họnrin igbọn ẹ.