Hibru 4:2 - Ika

² Makẹni, oziọma wẹ nụ kẹ ẹnyi nwẹn nụ, kanị ozi wẹ nụ abannịnị wẹ erere, makẹni wẹ nwẹn egini okukwe nabanhan a.

Hibru 4:2 Iomraidhean Croise

Ọrụn Ndị-ozi 13:46

Kanị Pọlụ lẹ Banabasị hụ e ku e kushi ẹ ikẹn, a sị, “O te rị mkpa nị wẹ gwagụ ụnụ ndị Ju oku Osolobuẹ. Kanị, ebe o mẹ ni ụnụ a jụgụọ a, gi ẹ sị ụnụ efuruni ndị e nwọn ndụn itẹbitẹ, lee n'ẹ, ẹnyi wejẹnkọnị nwan ndị wụlẹni ndị Ju ya.

Ọrụn Ndị-ozi 3:26

Ogẹn Osolobuẹ gi wepụha odibo ẹ, ọ nọ bu ụzọ zihẹni ụnụ ya, n'ọ gọzi ụnụ, ghahanị imẹ onyẹ-onyẹ imẹ ụnụ pụha imẹ njọ a.”

Ndị Rom 2:25

Nị ịhịan kwa ugun a banghọ erere omẹni ị hụ e dọnmẹ Iwu Osolobuẹ. Kanị, omẹni y'e nupụ isi okpuru Iwu ẹ, ugun ị kwa ẹlẹzi ugun nke-esi.

Ndị Rom 3:3

Omẹni ụfọdụ egin'ẹ dọn, ya kẹ ẹnyi e gi nwan sị nị Osolobuẹ ẹlẹ onyẹ wẹ e gi dọn ẹnya?

Ndị Kọrẹntị Ibuzọ 13:3

Ọsụọn'a nị m wechanrịn ihiẹn ile m nwọn ye ndị igbẹnnyẹ, ọ sụọkwọn'a nị e kweridẹ m nị wẹ kpọ m ọkụn yeni okukwe m kẹni m gi ẹ nyan isi, omẹni enwọn m ihiẹn-ọsụsụọ, onwọnni erere o bannị m!

Ndị Galeshịa 3:2

Ihiẹn ohuni sụọ kẹ m chọ nị m marịn: gwadẹleni m, nanị kẹ ụnụ dọn nwọnhẹn Mmọn-nsọ? Ghahanị idọnmẹ Iwu ra ghahanị ikweri oziọma ụnụ nụ?

Ndị Galeshịa 3:8

Ẹkụkwọ-nsọ e kutọgụọ a nị Osolobuẹ jẹnkọ d'e gi okukwe ndị wụlẹni ndị Ju kuni wẹ ọhụnma; ọ sị nị Chuku zi Ebraham oziọma ẹdẹi, sị, “Ẹka ị kẹ Osolobuẹ k'a gha gọzi ndị alị ile.”

Ndị Galeshịa 4:13

Ụnụ a marịnghọ nị emu rị a kụnị m ogẹn ahụn wẹhẹni m oghere m gi zi ụnụ oziọma isi-ibuzọ ahụn.

Ditrọnọmi 1:32

Kẹ ihiẹnni ile o mẹ, ụnụ egikwọnị nwan Osolobuẹ wụ Chuku ụnụ dọn ẹnya,

Ndị Tẹsalonika Ibuzọ 1:5

Makẹni, oziọma ẹnyi zi ụnụ ẹlẹ oku-ọnụ sụọ, kama, o gizi ikẹn lẹ ihiẹn Mmọn-nsọ e mẹ bịanị ụnụ; ọ nọ ruchanrịn ụnụ akpakalị obi, wechanrịn ụnụ ẹnya nị ezioku k'ọ wụ; ụnụ a marịnzịghọ kẹ ẹnyi dọn bi imẹ igunrun ụnụ kẹni ọ rịnị ụnụ mma.

Ndị Tẹsalonika Ibuzọ 2:13

Ẹnyi a kpanmịnzị Chuku ogẹn ile, nị, ụnụ anabanhannị oku-Chuku ụnụ nụ ọnụ ẹnyi nọkẹ oku ịhịan, kanị nọkẹ oku-Chuku hụ ọ wụ nke-esi, hụn rị nwan a rụn ọrụn imẹ ndụn ụnụ ndị kwerini.

Timoti Ibuzọ 4:8

Ịzụn ẹhụ a banghọ erere, kanị ife-Osolobuẹ ka erere a ban ụzọ ile, makẹni w'e ri erere ẹ imẹ ndụnnị lẹ ndụn lalanị.

Hibru 11:6

bụ ịhịan as'ẹka mẹ ihiẹn a sụọ Osolobuẹ mmanị o nwọn okukwe. Makẹni, onyẹ ọwụlẹ bịa d'e kunrun Osolobuẹ k'e girịrị a dọn nị Osolobuẹ rị arị lẹ nị ọ kụ ndị e gichanrịn obi wẹ a chọ a ụgwọ.

Hibru 3:12

Umunẹ m, kpachanpụkwọ nị nwan ẹnya makẹ ọ gha enwọn onyẹ rị imẹ igunrun hụn nwọn eje-obi, obi ghalẹni e kweri, hụn k'e mẹ ịhịan latọ Chuku rị ndụn.

Hibru 4:6

Ebe o mẹ ni oghere ịhịan e gi banye d'e zu ikẹn hụ hụzị a, bụ ndị hụ bu ụzọ nụ oziọma abanyeni makẹni wẹ nupụ isi,

Jemisi 1:21

Wepụ nị nwan ihiẹn ile ru unyin lẹ eje-ihiẹn ile ụnụ rị e gi e mẹkarị enwẹn ụnụ; ụnụ e welụa enwẹn ụnụ alị nabanhan oku Osolobuẹ wẹ kụnye imẹ obi ụnụ, hụn k'a saẹka zụọpụha umẹ-ndụn ụnụ.

Pita Ibuzọ 1:12

Osolobuẹ nọ ghọsị wẹ nị ẹlẹ wẹ, nị ụnụ kẹ wẹ rị e zitọnị ozi. Ụnụ a nụgụọ a nwan ọnụ ndị wẹhẹni ụnụ oziọma ghahanị ikẹn Mmọn-nsọ ahụn Osolobuẹ gha elu-igwee zihẹ. Ndị mmọn-ozi nkẹ a chọka nị wẹ leghadẹ ihiẹn ndịnị!