Hibru 3:1 - Ika

¹ Umunẹ m ndị rị nsọ, ndị wẹ kpọzị oku elu-igwee, e roni Jizọsị, onyẹ ozi pụ-ichẹn Osolobuẹ gi wẹhẹ okukweni ẹnyi rị imẹ ẹ, hụn wụzịkwọ onyẹ-isi nchụn-ẹjan ẹnyi.

Hibru 3:1 Iomraidhean Croise

Ẹbụ-ọma 110:4

Osolobuẹ e kungụọ enwẹn ẹ ku ẹ — o kuhutọkọ ọnụ: “Onyẹ nchụn-ẹjan k'ị wụ jẹnrin ejẹn, ụdị nke Mẹkizẹdẹkị.”

Azaya 1:3

Efin a marịnghọ onyẹ-nwọnn'ẹ; jaki nkẹ a marịnzịghọ ihiẹn di-nwọnn'ẹ gi e butọn'a ihiẹn-oriri, kanị Izrẹlụ amarịn, ndị nke m aghọtanị!”

Azaya 41:20

kẹni ịhịan ile hụn a, marịn — e ro w'ẹ, ghọta — nị ẹka Osolobuẹ mẹ ihiẹnni, nị Onyẹ-nsọ Izrẹlụ ke ẹ.”

Azaya 5:12

Wẹ hụ a kpọ ụbọ-hapụ lẹ ụbọ-layẹ imẹ oriri wẹ, a kụ ẹgede-chakachaka, e gbu ẹkpịrị, a ra manya, kanị, onwọnni ihiẹn wẹ kpọ ihiẹn Osolobuẹ rị e mẹ, w'a ra rodẹ ihiẹn ọ chọ n'o mẹ wẹ.

Izikẹlụ 12:3

“Nwa-ịhịan, kịkwama nwan ihiẹn i che ẹkpa nọkẹ onyẹ wẹ wepụkọ alị a, y'a nọ idẹnya wẹ buru ẹ pụ ebe eki rị elu; y'a gha ebe ị rị pụ lekẹ onyẹ wẹ wepụkọ alị a, shikọ ebe ọzọ. Ikẹnkwọ a ghọta we — ọsụọkwọn'a nị ebọn isi-ikẹn kẹ wẹ wụ.

Izikẹlụ 18:28

Makẹni o rogụọ eje-ihiẹn ile o mẹ, gbakitọ wẹ azụụn, o k'a rịrịrị ndụn; ọ nwụnkọ.

Hagaị 1:5

Osolobuẹ ihiẹn ile rị okpuru ẹ sị: Ụnụ ahụnnị nwan kẹ ọnọdị ụnụ rị?

Hagaị 2:15

Ka lemẹ ni nwan ihiẹn k'e mẹni gha tannị jẹnmẹ. “Nị ụnụ d'a tụndọnzimẹ Ụlọ-NSỌ Osolobuẹ,

Jọnụ 17:3

Ọnwan wụ ndụn itẹbitẹ: ịmarịnn'ị, Chuku hụn ya sụọ wụ Chuku nke-esi lẹ ịmarịn Jizọsị Kraịstị hụn i zihẹ.

Jọnụ 20:21

Ya Jizọsị nọzị nwan sị wẹ, “Udọn ya rịnị ụnụ. M rị nwan e zi ụnụ kẹ Chuku-Nẹdi dọn zi m.”

Jọnụ 20:27

Ya kẹ ọ nọ sị Tamọsị, “Wẹhẹ mkpịnsịn-ẹka ị n'i bu ẹ che ebeni; lee ẹka m ẹbụbụọ; wẹhẹ nwan ẹka ị n'i buche m ẹkụnkụn. Arụzịlẹ ụka; kweri!”

Ọrụn Ndị-ozi 1:15

Ogẹnni kẹ Pita gi lihi ọtọ imẹ igunrun ndị kwerini, gwama wẹ oku. Wẹ rị ihiẹn nọ kẹ mmadụ ọgụn-isin gbakikomẹ ebẹhụ. Ọ sị wẹ,

Ndị Rom 11:17

Omẹni wẹ kwapụsọnmẹ agala olivu wẹ kụn, we ụnụ wụ agala olivu-ọfịa che olivu hụ d'e sọn agala ndị họdụnị ri erere rị olivu hụ,

Ndị Rom 15:27

Uwẹ gi uche wẹ mẹ ẹ. O rughọ wẹ e mẹ, makẹni wẹ gi ndị kwerini rị Jerusalẹm ụgwọ. Makẹni, omẹni ndị wụlẹni ndị Ju e rinarịngụọ ndị Ju ihiẹn imẹ-mmọn, o furu nị ndị wụlẹni ndị Ju gizi ihiẹn ụwanị wẹ nwọn yeni wẹ ẹka.

Ndị Rom 15:8

Makẹni Kraịstị bịa d'a wụrụ odibo ndị Ju, kẹni ọ ghọsị nị Osolobuẹ wụ onyẹ ezioku ghahanị imẹzu nkwa Osolobuẹ kwe ndị nẹdi wẹ kanị;

Ndị Rom 9:24

ya wụ ẹnyi ndị hụn ọ kpọ — kẹ ndị rị imẹ ẹnyi wụ ndị Ju ndị wụlẹni ndị Ju.

Ndị Kọrẹntị Ibuzọ 1:2

Ẹnyi rị e dejẹnni ndị ụka Osolobuẹ rị obodo Kọrẹntị, ndị ahụn Osolobuẹ dọn nsọ imẹ Kraịstị wụ Jizọsị, ndị ahụn wẹ kpọ d'a wụrụ ndị-nsọ. Ẹnyi rị e dejẹnni uwẹ lẹ ndị ile rị ebe ọwụlẹ hụn a kpọku ẹfan Di-nwọnni-ẹnyi wụ Jesu Kristi hụn Nwọn ẹnyi lẹ wẹ.

Ndị Kọrẹntị Ibuzọ 10:17

Ebe o mẹ ni brẹdi ohu sụọ rọ, ẹhụ ohu kẹ ẹnyi ile wụ, ọsụọn'a nị ẹnyi bu ọda, makẹni ẹnyi ile gba e ri brẹdi ohu hụ.

Ndị Kọrẹntị Ibuzọ 9:23

M'e mẹ wẹ ile nị m kwadọn oziọma, kẹni m rị ndị k'e ri erere ẹ.

Ndị Kọrẹntị Nke Ẹbụọ 1:7

Ẹnyi egibehikwọn'a nwan dọn nị ụnụ k'e mẹ ọhụnma imẹ ihiẹn Osolobuẹ. Makẹni, ẹnyi a marịnghọ nị kẹ ụnụ dọn e sọn ẹnyi a ta afụnfụn, ẹrịra kẹ ụnụ dọnzi e sọn ẹnyi e nwọnhẹn nkasị-obi.

Ndị Kọrẹntị Nke Ẹbụọ 9:13

Okukwe ụnụ gi ẹ ghọsị jẹnkọ d'e ye Osolobuẹ ọghọ, makẹni ọ ghọsị ndị bu ọda k'e rin'ẹ nị ụnụ e humẹni oziọma Kraịstị ụnụ kweri isi ebe ụnụ nọ ye wẹ lẹ ndị ọzọ ọda.

Ndị Ẹfẹsọsụ 3:6

Ihiẹn nzuzueni wụ nị, ndị alị ndị ọzọ a bangụọzịnị ndị ihiẹn Osolobuẹ e ru ẹka makẹni wẹ gi oziọma dọn, wụrụ mkpamkpa imẹ ẹhụ ohu ahụn, wụrụzịkwọ ndị wẹ ile gba nwọn ihiẹn Osolobuẹ kwe nkwa n'o k'e mẹni ndị rị imẹ Kraịstị wụ Jizọsị.

Ndị Ẹfẹsọsụ 4:1

Mmẹ hụn wụ onyẹ-ngan makẹni m rị e jẹnni Di-nwọnni-ẹnyi ozi rị nwan a rịọ ụnụ nị ụnụ bi obibi furu ọkpụkpọ Osolobuẹ kpọ ụnụ.

Ndị Ẹfẹsọsụ 4:4

Ẹhụ ohu lẹ Mmọn-nsọ ohu rọ nọkẹ k'o dọn mẹni olilẹnya ohu kẹ Osolobuẹ kpọ ụnụ d'e nwọn.

Ndị Filipi 3:14

M'a lịlịma, e buchanrịn ihun e zinmẹ ebe m gbakọ, kẹni m nwọnhẹn ihiẹn hụn Osolobuẹ kpọnị ẹnyi oku elu-igwee rị imẹ Kraịstị wụ Jizọsị.

Ndị Kolosị 1:12

a kpanmịn Nẹdi ẹnyi hụn mẹ nwan ụnụ ru ogo ụnụ gi rị ndị nwọn ihiẹn o butọnị ndị-nsọ a makẹni wẹ rị imẹ ukpẹ.

Ndị Kolosị 1:22

Kanị Kraịstị e gigụọ nwan ẹhụ o gi bi elu-ụwanị dọnzi ẹgbata ụnụ lẹ Osolobuẹ, ghahanị ọnwụn a, kẹni o wepụha ụnụ ihun ẹ kẹ ndị rị nsọ, nwọnlẹni nkarụ mọbụ nkọrịanị,

Ndị Kolosị 3:12

Nọkẹ ndị Chuku họrị, ndị rị nsọ, ndị rị a obi, yiri ni nwan omikẹn lẹ ẹfọma, iwelụa enwẹn ụnụ alị, imẹ-jụụ lẹ ndidin.

Ndị Tẹsalonika Ibuzọ 2:12

a dụn ụnụ ọdụn, a gba ụnụ umẹ, a rịọ ụnụ, nị ụnụ e bi obibi furu Osolobuẹ hụn kpọbanhan ụnụ Alị-eze ẹ lẹ ọghọ a.

Ndị Tẹsalonika Ibuzọ 5:27

M rị e gi ẹfan Di-nwọnni-ẹnyi wụ Jesu a sị ụnụ gụnnị ndị ile kwerini ẹhụhụọ-ozini.

Ndị Tẹsalonika Nke Ẹbụọ 1:11

Ya haịn ẹnyi gi e mẹni ụnụ ekpere ogẹn ile, a rịọ Osolobuẹ ẹnyi n'o mẹ ụnụ a ghọsị nị oku ọ kpọ ụnụ alanị iwi; n'o gi ikẹn ẹ mẹ ihiẹn-ọma ile ụnụ chọ lẹ ọrụn ọwụlẹ ụnụ gi okukwe a rụn;

Ndị Tẹsalonika Nke Ẹbụọ 2:14

Ịya kẹ Osolobuẹ kpọnị nwan ụnụ ghahanị oziọma ẹnyi zi ụnụ, kẹni ụnụ sọn Di-nwọnni-ẹnyi wụ Jesu Kristi nwọnrin ọghọ a.

Timoti Ibuzọ 6:12

Lụ ezigbo ọgụn ahụn okukwe ẹnyi chọ; kwọnkẹnmẹ ndụn itẹbitẹ hụn Osolobuẹ gi ufiri ẹ kpọ ị, hụn i gizi ufiri ẹ nọ idẹnya ndị bu ọda ku ẹ n'i kwerichanrịnnị Jizọsị.

Timoti Ibuzọ 6:2

Omẹni onyẹ kwerini kẹ ịhịan rị e fe, y'e gilẹ ufiri nị wẹ wụ umunẹ imẹ okukwe legberi ẹ. Kama, ya fedẹ ẹ karị, makẹni onyẹ rị e ri erere ọrụn a wụ onyẹ kwerini lẹ onyẹ rị Osolobuẹ obi. A kuzi wẹ ihiẹn ndịnị, e nu wẹ e mẹ wẹ.

Timoti Nke Ẹbụọ 1:9

Makẹni, Osolobuẹ wụ onyẹ zụọpụhanị ẹnyi, kpọ ẹnyi oku rị nsọ. Ẹlẹ ọrụn-ọma ẹnyi rụn haịn o gi kpọ ẹnyi, kanị uche ẹ lẹ ẹfọma a haịn. O mẹgụọnị ẹnyi ẹfọmanị imẹ Kraịstị wụ Jizọsị nị ụwa d'e bidọn,

Timoti Nke Ẹbụọ 2:7

Romi ihiẹnni m ku, nị Di-nwọnni-ẹnyi mẹghọ ị ghọta ihiẹn ile.

Hibru 10:19

Umunẹ m, nị ẹnyi saghọ nwan ẹka banye Ebẹhụ Kachanrịn nsọ, ebahụn Osolobuẹ rị, ghahanị ẹdeke Jizọsị,

Hibru 10:21

Ọzọzị, ẹnyi nwọn okẹn onyẹ nchụn-ẹjan hụn ụlọ Osolobuẹ rị ẹka a.

Hibru 10:23

Nị ẹnyi kwọnkẹnmẹ ni nwan olilẹnya ẹnyi, e ku ẹ, e kushi ẹ ikẹn, makẹni Onyẹ hụn kwe ẹnyi nkwa furu wẹ gi e dọn ẹnya.

Hibru 13:22

M rị a rịọ ụnụ umunẹ m, dodo, nabanhan nị oku nkasị-obini m deni ụnụ, n'o suekẹni.

Hibru 2:11

Kẹ onyẹ hụn e dọn wẹ nsọ wụ Jesu kẹ ndị ọ rị e dọn nsọ a wụrụgụọ nwan ụmụ onyẹ ohu. Ịya haịn ifẹnrẹn gilẹni e mẹ ẹ ịkpọ wẹ umunẹ ẹ.

Hibru 2:17

Ya haịn Osolobuẹ gi mẹ ẹ n'ọ rịchanrịn kẹ ẹnyi wụ umunẹ ẹ ụzọ ile, kẹni ọ hụn ụzọ wụrụ onyẹ-isi nchụn-ẹjan hụn e mẹ omikẹn lẹ hụn furu wẹ gi e dọn ẹnya imẹ ọrụn Osolobuẹ, n'ọ hụn ụzọ chụnnị ịhịan ẹjan w'e gi wepụ njọ wẹ lẹ afụnfụn njọ te k'e buhẹ.

Hibru 3:12

Umunẹ m, kpachanpụkwọ nị nwan ẹnya makẹ ọ gha enwọn onyẹ rị imẹ igunrun hụn nwọn eje-obi, obi ghalẹni e kweri, hụn k'e mẹ ịhịan latọ Chuku rị ndụn.

Hibru 3:14

Makẹni ẹnyi lẹ Kraịstị k'a rịsọnmẹ omẹni ẹnyi e kwọnkẹnmẹ ẹka ahụn ẹnyi gi bidọn d'e ru njẹndemẹ.

Hibru 6:20

ebẹhụ Jesu burugụnị ẹnyi ụzọ banye makẹ ọrịrịmma ẹnyi, makẹni ọ wụrụgụọ onyẹ-isi nchụn-ẹjan jẹnrin ejẹn, ụdị nke Mẹkizẹdẹkị.

Hibru 7:26

Onyẹ-isi nchụn-ẹjan nọ ẹnịna furu ẹnyi: onyẹ-isi nchụn-ẹjan hụn rị nsọ, nwọnlẹni njọ, nwọnlẹni ebe ọ nọ rụ, hụn ya lẹ ndị-njọ wụlẹni ohu, hụn Osolobuẹ bushigụ elu ghafedẹ igwere.

Hibru 7:28

Ịhịan-mmaka zulẹni oke kẹ iwu Mozizi e tumẹ ndị-isi nchụn-ẹjan; kanị Osolobuẹ e gigụọ oku-ọnụ a lẹ enwẹn ẹ o kun tumẹ Nwa Osolobuẹ zu oke onyẹ-isi nchụn-ẹjan jẹnrin ejẹn. O ku oku hụ ọsụọn'a nị Iwu Mozizi a rịgụọlẹ.

Hibru 9:11

Kanị, Kraịstị a bịagụọ nwan d'a wụ onyẹ-isi nchụn-ẹjan ihiẹn ndị ahụn rị mma — makẹni o wẹhẹgụọ wẹ nwan. Ọ banyegụọ Ọdụ-ofufe kanị, zu oke, wẹ gilẹni ẹka mẹmẹ, Ọdụ-ofufe wẹ gilẹni ihiẹn wẹ ke eke rụn.

Hibru 9:15

Ya wụ nị Jizọsị wụ onyẹ e wegbamanị imẹ nkwerigbama ọhụn, hụn ndị wẹ kpọ oku e gi nwọnhẹn nkwa itẹbitẹ Osolobuẹ kwe, ebe o mẹni o nwọngụọ onyẹ nwụnhụnnị wẹ gi ndụn a gbapụha wẹ amamgbe njọ wẹ mẹ okpuru nkwerigbama ibuzọ e ri isi wẹ.

Pita Ibuzọ 2:9

Kanị, ụnụ nwẹn wụ agbọ wẹ họrị ahọrị; ndị nchụn-ẹjan Eze; ebọn rị nsọ; ndị nke Osolobuẹ kẹti-kẹti, kẹni ụnụ a ghọsị ẹka-ọrụn Onyẹ hụn kpọpụha ụnụ imẹ ishi bu ụnụ che imẹ ukpẹ ẹ rịgbu enwẹn ẹ mma.

Pita Ibuzọ 3:5

Ẹnịna kẹ ikpoho rị nsọ gi Osolobuẹ dọn ẹnya dọn chọ enwẹn wẹ mma mbụ-mbụ, e humẹni di wẹ isi.

Pita Ibuzọ 5:1

M rị nwan a rịọ ndị-isi rị imẹ ụnụ, nọkẹ onyẹ-isi ibe ụnụ lẹ onyẹ gi ẹnya a hụn afụnfụn Kraịstị ta lẹ onyẹ rị ndị k'e nwọnhẹn ọghọ ahụn lalanị: dodo ni,

Pita Ibuzọ 5:10

Kanị, ụnụ tagụ afụnfụn ẹkẹrẹ ogẹn, Osolobuẹ onyẹ okẹn ẹfọma, hụn kpọ ụnụ d'e du ẹ nwọnrin ọghọ-itẹbitẹ ẹ hụn rị imẹ Kraịstị Jizọsị, k'e dọnzichanrịn nị ụnụ ihiẹn wiwini, mẹ ụnụ turu, mẹ ụnụ ze, mẹ ukun ruchanrịn ụnụ alị.

Jọnụ Ibuzọ 1:3

Ẹnyi rị nwan a gwa ụnụ ihiẹn ẹnyi hụn lẹ ihiẹn ẹnyi nụ, kẹni ụnụ hụn ụzọ bannị ẹnyi — makẹni Nẹdi ẹnyi lẹ Nwa a wụ Jesu Kristi kẹ ẹnyi lẹ wẹ rị.

Judu 1:1

Mmẹ wụ Judu de ẹkụkwọ-ozini. M wụ igbọn Jesu Kristi. M wụzịkwọ nwẹnẹ Jemisi. M rị e dejẹnni ndị ahụn Osolobuẹ họrị, ndị ahụn rị Chuku-Nẹdi obi, ndị ahụn Jesu Kristi dọnmẹ:

Rẹvẹleshọnụ 17:14

Wẹ k'a lụsọn Nwa-ebulu hụ agha, kanị Nwa-ebulu hụ k'e mẹri wẹ, makẹni ịya wụ Nna ndị wụ nna lẹ Eze ndị-nze lẹzi makẹni ndị ya lẹ wẹ wị wụ ndị ọ kpọ oku, ndị ọ họrị, ndị furu wẹ gi e dọn ẹnya.”

Rẹvẹleshọnụ 18:20

Elu-igwee, ghọghọma nwan! Ndị-nsọ lẹ ndị-ozi pụ-ichẹn lẹ ndị-amụma, ghọghọma nị nwan, makẹni Osolobuẹ e gigụọ ufiri ụnụ ma a ikpe!”