1 Ẹnyi k'e kwọnkẹnmẹrịrị ihiẹn ẹnyi nụ, amamgbe ẹnyi a kpahu.
Ya kẹ ihiẹn e gi ghan'ị — omẹkwọ nị y'e dọnringhọ ẹnya sọnchanrịn uhi lẹ iwu ile Osolobuẹ ye Mozizi ye Izrẹlụ. Kakẹnmẹ; rikin obi. Atụkwọlẹ egun mọbụ nị ndụn gụ ị.
Nanị kẹ okoro a dọn bigha? Ghahanị i gi ihiẹn i ku e bi.
Nwa m, anịkwọlẹ ihiẹn ndịnị nahịn ị; kwọnkẹnmẹ amamihiẹn lẹ igi ezigbo uche e mẹ ihiẹn.
M rị nwan a kpọli ndị Kal'di alị Babilọnụ, ndị hụ ẹfọ jọ, hụn e mẹ ikẹn-ikẹn; hụn rị a kpa ikẹn elu ụwa ile, e werisọnmẹ obodo wụlẹni nke wẹ.
Ụya k'i k'a hụn hụnjun ẹfọ, ẹlẹ ọghọ; razị nwan ụya nke i tụ nị wẹ hụn ọtọ ị! Mkpu afụnfụn hụn rị ẹka Osolobuẹ k'e ru yụ nwẹn ẹka, e gi wẹ ifẹnrẹn nọkin ẹnya ọghọ ị ahụn.
Ụnụ eke ghọtakwọ nwan? Ụnụ anyanhannị ogbe brẹdi isẹn hụ madụ nnụ-uku isẹn (5,000) ri lẹ ụkpalị ole ụnụ kpọnjun ifunfun ẹ?
Ụnụ nwọn ẹnya bụ ụnụ ara gi ẹ legha ụzọ? Ụnụ nwọn ntịn bụ ụnụ ara gi wẹ nụ ihiẹn? Ụnụ anyanhannị?
“Ezigbo alị hụ mkpụrụ ndị hụ danye wụ ndị ahụn nụ oku-Chuku, gi obi wẹ ile nabanhan a, kwọnkẹnmẹ ẹ, din ndidin, mị mkpụrụ.
“Azọkwọlẹ ni ihiẹnni m jẹnkọ d'a gwa ụnụ kikẹnni: Wẹ sikọ d'e re Nwa nke Ịhịan ye wẹ.”
Ya wẹ nọ tụtụrụ ọmụma nị wẹ magbu ẹ, kanị Jesu nọ gi nzuzue, gha imẹ Ụlọ-nsọ gepụ.
Wekwọ nị ẹnya ru alị makẹ ụnụ gha a zọ Iwu Osolobuẹ wụ Chuku ụnụ gi kwọngbama ụnụ lẹ ịya; akpụrụkwọlẹ ni ihiẹn ọwụlẹ femẹ — makẹni Osolobuẹ wụ Chuku ụnụ a gwagụọ ụnụ emẹlẹ ẹ.
Ka we ni ẹnya ru alị! Kpachanpụ ẹnya: hụn a nị y'a zọnị ihiẹn ndị ahụn ẹnya ị hụn mọbụ nị wẹ gha ị obi pụ y'e we bigụ. Kuzi ụmụ ị lẹ ụmụ-oyẹ i ya.
Ụnụ a zọgụọdẹ nwan oku Osolobuẹ gi a gba ụnụ umẹ kẹ ụmụ a ra? Ọ sị, “Nwa m, elegberilẹ afụnfụn Osolobuẹ gi a zụn ị; anịlẹ ndụn gụ ị makẹni ọ jụgbọ ị;
Ẹghẹẹ, m k'a lịlịma ụzọ ile gi hụn a nị ụnụ a nyanhanzị ihiẹn ndịnị m ghagụ ụwanị pụ.
Ndị nke m, ọnwan wụ ẹkụkwọ-ozi nke ẹbụọ m dejẹnni ụnụ kẹni m nyanhannị ụnụ ihiẹn, gi ẹ kpasu ezigbo iroro ụnụ,
