Hibru 1:7 - Ika

⁷ Nke ndị mmọn-ozi, ihiẹn Osolobuẹ ku wụ nị “Chuku e mẹ ndị mmọn-ozi ẹ e họnrin ufere; o mẹ idibo ẹ e họnrin ọkụn rị e nwunni.”

Hibru 1:7 Iomraidhean Croise

Jẹnẹsisi 3:24

Osolobuẹ a chụpụgụ ịhịan, ọ nọ bu Chẹrobu ẹbụọ nwọn nku lẹ ọpịa-agha rị e nwun ọkụn e fehunmẹ ohi-ohi che azụụn ọwụwa-ẹnyanwụn ugbo ahụn, gi chekin ebe wẹ gha e jẹn ukun osisi ahụn e ye ndụn.

Ndị-nze Nke Ibuzọ 22:19

Ya Maịkaya nọ kumẹzi, sị, “Gọn nwan ntịn n'ị nụ ihiẹn Osolobuẹ ku. M hụn kẹ Osolobuẹ nọdị elu ukpo eze ẹ, ndị mmọn-ozi ile rị elu-igwee turuhunmẹ ẹ ẹka-ihiẹn lẹ ẹka-ekpẹn.

Ndị-nze Nke Ẹbụọ 2:11

Hụn ahụn wẹ ẹbụọ shikọ inyẹnrẹn jẹnkọ, idẹnmizi, ụgbọ-ẹshin wụchanrịn ọkụn lẹ ẹshin ndị dọkpụnkọn'a wụzị ọkụn nọ pụha, gha ẹgbata wẹ ẹbụọ, kebe wẹ. Ufere-ohiohi nọ buru Ẹlaịja lashi elu-igwee.

Ndị-nze Nke Ẹbụọ 6:17

Ẹlaịsha nọ mẹ ekpere sị, “Osolobuẹ, dodo shịapụ a ẹnya, n'ọ hụn ụzọ.” Ya Osolobuẹ nọ shịapụ odibo hụ ẹnya. O lee ẹnya, ọ nọ hụn ẹshin lẹ ụgbọ-ẹshin ọkụn jun elu ugu ndị hụ, fihunmẹ Ẹlaịsha.

Ẹbụ-ọma 104:4

Y'e gi ufere e họnrin ndị-ozi i, e gi ọkụn rị e nwunni e họnrin ndị-ọrụn ị.

Azaya 6:2

Ndị mmọn-ozi w'a kpọ Sẹrafụ rịsọnmẹ elu ibe isi ẹ; wẹ nwọnsọnmẹ nku isin-isin: wẹ gi ẹbụọ-ẹbụọ kpumẹ ihun wẹ, gi ẹbụọ-ẹbụọ kpumẹ ụkụ wẹ, gizi ẹbụọ-ẹbụọ e fe.

Daniẹlụ 7:10

Iyi nọ kẹ ọkụn hụ e hu — a gha ebe onyẹ hụ dịnọ ukpo hụ rị a pụha. Mmadụ nnụ-uku ole-lẹ-ole hụ e jẹnn'ẹ ozi; ijẹri ole-lẹ-ole rị ihun ẹ e che. Ọgwa e zugụọ nị wẹ kinmẹ ikpe, wẹ nọ shịapụsọnmẹ ẹkụkwọ.

Zẹkaraya 6:5

Mmọn-ozi hụ nọ sị m, “Ndịnị wụ mmọn ẹnọ rị elu-igwee hụn gha ihun Osolobuẹ nwọn ụwa ile pụla kẹ wẹ jẹngụ n'ọ hụn wẹ!

Hibru 1:14

Ẹlẹ mmọn e jẹn ozi kẹ ndị mmọn-ozi wụhụ? Ẹlẹ mmọn Osolobuẹ zihẹ d'e yeni ndị jẹnkọ d'e nwọn nzụọpụha ẹka kẹ wẹ wụ?