Hibru 1:3 - Ika

³ Ịya kẹ wẹ gi a hụn kẹ Osolobuẹ nọ. Ẹnya hụnn'a a hụngụọ Osolobuẹ. O gi oku-ọnụ a hụn nwọn ikẹn hi-ogbe e kwọndọn ụwa ile. Ogẹn o gi chụngụ ẹjan wẹ gi a chanchanpụ njọ, ọ nọdị alị ẹka-nni Onyẹ kachanrịnnị imẹ elu-igwee.

Hibru 1:3 Iomraidhean Croise

Ihiẹn Mẹni Nke Ibuzọ 29:11

Ịyụ kachanrịn, ikẹn wụzịkwọ nke i; ọghọ lẹ ikpẹn lẹ mgbaye wụchanrịn nke i — makẹni ihiẹn ile rị igwere lẹ ụwa wụ nke i. Alị eze wụ nke i, Osolobuẹ; ịyụ ka ihiẹn ile.

Jobu 37:22

Ọ gha ẹbamịn-ugu a bịa nọkẹ ebe ezigbo goru nọ e gbuke — ọghọ a tụ egun fihunmẹ Chuku.

Ẹbụ-ọma 110:1

Osolobuẹ sị di-nwọnni-m, “Nọdị alị ẹka-nni m, d'e ru mgbe m bugụ ndị-iṅẹnrẹn i che okpuru ụkụ ị.”

Ẹbụ-ọma 75:3

Ụwa lẹ ndị ile bi imẹ ẹ mẹhunmẹmẹ, mmẹ e kwọndọnsọnmẹ ebe ile gin'ẹ.” Sẹla

Ẹkịliziastisi 8:4

Ebe o mẹni eze wụ okusị-ọgụ, onyẹ k'a sa nwan ẹka sị a, “K'ị rịdẹ e mẹ?”

Lẹvitikọsụ 15:15

Onyẹ nchụn-ẹjan k'e gi wẹ chụn ẹjan: o gi ohu chụn ẹjan-njọ, o gi ohu chụn ẹjan w'a dụn ọkụn. Ẹrịra kẹ onyẹ nchụn-ẹjan hụ k'a dọn nọ ihun Osolobuẹ gbarị isi onyẹ hụ yeni ihiẹn hụ hupụha a ẹhụ.

Maịka 5:4

O k'a pụha nwan, gi ikẹn Osolobuẹ, ọghọ rị ẹfan Osolobuẹ wụ Chuku ẹ zụn atụnrụn a. Onwọnzini ihiẹn k'e mẹ wẹ, makẹni o k'a wụ okẹn ịhịan elu ụwa ile;

Matiu 22:24

sị, “Onyẹ-nkuzi, Mozizi sị, ‘Okẹnnyẹ nwụnhụn bụ ọ mụnị nwa, nwẹnẹ ẹ ya lụma nwunyẹ ẹ, kẹni ọ mụdọnni nwẹnẹ ẹ nwụnhụnnị ụmụ.’

Makị 16:19

Ogẹn Di-nwọnni-ẹnyi wụ Jesu gi kugụ oku ndịnị, Osolobuẹ nọ we ẹ shi elu-igwee d'a nọdị alị ẹka-nni Osolobuẹ.

Jọnụ 1:14

Oku Chuku nọ họnrin ịhịan, sọn ẹnyi biri elu-ụwa. Ẹfọma lẹ ezioku jun imẹ ẹ! Ẹnyi a hụnọlẹ ikpẹn ẹ, ikpẹn akpụ Nwa ohu Chuku-Nẹdi mụ rọ.

Jọnụ 1:29

Eki e fọn, Jọnụ nọ hụn Jizọsị k'ọ lala, Jọnụ nọ sị, “Lee n'ẹ! Ọnwan wụ Nwa-ebulu Osolobuẹ hụn e wepụ njọ ụwa!

Jọnụ 1:4

Imẹ ẹ kẹ ndụn rị; ndụn hụ wụ ukpẹ ịhịan ile.

Ọrụn Ndị-ozi 2:33

Osolobuẹ e weshigụọ a elu-igwee ebe ọghọ rị ẹka-nni Osolobuẹ; ọ nahangụọ Chuku-Nẹdi Mmọn-nsọ hụ Chuku-Nẹdi kwe nkwa a, ọ nọ nwan hupụha ihiẹnni ụnụ rị a hụn lẹ hụn ụnụ rị a nụ.

Ọrụn Ndị-ozi 7:56

Ọ nọ sị, “Lee ni! M rị a hụn elu-igwee k'o kpupụ: m rịzị a hụn Nwa nke Ịhịan ebe o turu ẹka-nni Osolobuẹ!”

Ndị Rom 1:16

Ifẹnrẹn oziọma arị e mẹ m, makẹni ya wụ ikẹn Osolobuẹ gi a zụọpụha onyẹ ọwụlẹ kwerini, ndị Ju wụ ibuzọ, o sọn ndị wụlẹni ndị Ju.

Ndị Rom 8:34

Onyẹ k'a ma wẹ nwan ikpe, ebe o mẹ ni Jesu Kristi rị nwan ẹka-nni Osolobuẹ a rịọdọnni ẹnyi — Jesu Kristi hụn nwụnnị ẹnyi ọnwụn, hụn gizidẹ ufiri ẹnyi gha ọnwụn lihi? N'ọ ma ẹnyi ikpe?

Ndị Kọrẹntị Nke Ẹbụọ 4:4

Mmọn rị a kị ụwanị e kẹnkingụọ ẹnya ndị kwerilẹni, amamgbe w'e legha ukpẹ oziọma rị a ghọsị wẹ banyeni onyẹ Kraịstị wụ; Kraịstị hụn o mẹ ni onyẹ hụnn'a a hụngụọ Osolobuẹ.

Ndị Kolosị 3:1

O mẹ nwan nị ụnụ e sọngụọ Kraịstị gha ọnwụn lihi, chọma nị nwan ihiẹn ndị hụn rị elu, ebẹhụ Kraịstị nọdị alị ẹka-nni Osolobuẹ.

Taịtọsụ 2:14

Jizọsị Kraịstị, hụn gi ufiri ẹnyi we enwẹn ẹ ye, n'ọ gbapụha ẹnyi imẹ njọ ile, gi ẹ chanchanpụhanị enwẹn ẹ ndị k'a wụchanrịn nke ẹ, ndị ihiẹn rị mma a dụ omumẹ.

Hibru 1:13

Elee mmọn-ozi kẹ Osolobuẹ sịtu, “Nọdị alị ẹka-nni m ebeni, d'e ru mgbe m gigụ ndị iṅẹnrẹn i mẹmẹn'i ihiẹn i gi a tụkwasị ụkụ”?

Hibru 10:12

Kanị nke Kraịstị, k'ọ chụngụ ẹjan njọ ohu hụ o gi chụnchanrịn ẹjan ile, o weri oche ẹka-nni Osolobuẹ.

Hibru 12:2

ẹnyi e bu ẹnya zinmẹ Jizọsị, onyẹ hụn bidọn okukwe ẹnyi, onyẹ hụn k'e mẹ ẹ zu oke, onyẹ hụn gi ufiri ịghọghọ rị e chen'ẹ dingbu obe, legberi ifẹnrẹn rịn'a. Ọ nọdịgụọ nwan alị ẹka-nni ukpo-eze Osolobuẹ.

Hibru 4:14

Ebe o mẹ ni ẹnyi e nwọnghọ okẹn onyẹ-isi nchụn-ẹjan wụ Jizọsị Nwa Osolobuẹ, hụn ghafegụ elu-igwere, banye ebe Osolobuẹ rị, nị ẹnyi kwọnkẹnmẹ nwan ihiẹn ẹnyi kweri.

Hibru 7:27

Ẹlẹ hụn o gi chụnsọnmẹ ẹjan ụhụọhịn-ụhụọhịn nọkẹ ndị-isi nchụn-ẹjan Iwu-Mozizi, ọ chụngụ nke njọ a, ọ chụnnị ndị alị nke njọ wẹ. Makẹni, o gigụọ enwẹn ẹ chụn ẹjan mgbe ohu, chụnchanrịn.

Hibru 8:1

Ihiẹn ẹnyi rị e ku wụ nị ẹnyi nwọn nwan onyẹ-isi nchụn-ẹjan hụn nọdị alị ẹka-nni Ukpo-eze ahụn kachanrịn ọghọ e nwọn hụn ri imẹ elu-igwee —

Hibru 9:16

Makẹni, ịhịan kugụ kẹ wẹ k'e mẹ ukuu ẹ, wẹ sikọ d'a ghọsịgụ nị hụnyẹ a nwụnhụngụọ wẹ kebe mẹmẹ ihiẹn hụn o ku.

Hibru 9:26

Omẹni nke Jizọsị te rị ẹrịra, nkẹ ọ hụ a nwụn a nwụndọnzi kete wẹ kelẹ ụwa! Kama, ọ bịalẹ mgbe ohuni sụọ imẹ ọgụgụ-ogẹnni d'e wepụchanrịn njọ ghahanị igi enwẹn ẹ chụn ẹjan.

Pita Ibuzọ 1:21

Ụnụ a ghagụọ nwan ẹka Kraịstị kwerini Osolobuẹ hụn gha ọnwụn weli Kraịstị, ye Kraịstị ọghọ. Ya wụ nị Osolobuẹ kẹ ụnụ kwerini; Osolobuẹ kẹ ụnụ gi dọn ẹnya.

Pita Ibuzọ 3:22

Jesu rị nwan ẹka-nni Osolobuẹ imẹ elu-igwee ebe ọ lashi; ndị mmọn-ozi ile lẹ ọkịkị ile lẹ ikẹn ile rị nwan okpuru ẹ.

Pita Nke Ẹbụọ 1:16

Makẹni ẹlẹ akịkọ ndị ma kọ akịkọ mẹmẹ kẹ ẹnyi sọnkọ ogẹn ẹnyi gi gwa ụnụ oku ikẹn hụn Osolobuẹ ẹnyi wụ Jizọsị Kraịstị gi bịa ụwanị. Mba; ẹnyi gi ẹnya ẹnyi hụn ọghọ a.

Pita Nke Ẹbụọ 1:17

Chuku-Nẹdi ye Jizọsị ọghọ lẹ ikpẹn ogẹn hụ Chuku-Nẹdi gi gha elu-igwee gi olu ẹ ku oku. Olu ahụn nwọn Ọghọ ahụn Kachanrịnnị hụn sị, “Ọnwan wụ ezi Nwa m; ihiẹn ẹ a sụọka m!”

Jọnụ Ibuzọ 1:7

Kanị, omẹni ẹnyi hụ e bi imẹ ukpẹ kẹ ya nwẹn dọn rị imẹ ukpẹ, ya wụ nị ẹnyi lẹ ịya rị nke-esi, ẹdeke Nwa a wụ Jizọsị hụ a chanchanpụ ẹnyi njọ ile.

Jọnụ Ibuzọ 3:5

Ụnụ a marịnghọ nị Kraịstị bịa d'e wepụ njọ; ụnụ a marịnzịghọ nị njọ arị imẹ ẹ.

Judu 1:25

Onyẹ ahụn ịya sụọ wụ Chuku, Onyẹ nzụọpụha ẹnyi, ọjịja-mma ya rịn'a ghahanị Jizọs Kraịstị Di-nwọnni-ẹnyi — ọjịja-mma lẹ ikpẹn lẹ ikẹn lẹ ọkịkị ya rịn'a: k'ọ rịn'a nị ogẹn d'e bidọn, ya rịn'a kikẹnni, rịn'a jẹnrin ejẹn! Isẹẹ.

Rẹvẹleshọnụ 3:21

Onyẹ mẹri, a nị m'a sọn m nọdị ukpo-eze m, kẹ mmẹ nwẹn dọn mẹri, sọn Nẹdi m nọdị ukpo-eze ẹ.

Rẹvẹleshọnụ 4:11

“Chuku-nwọnni ẹnyi, i furu onyẹ w'a ja mma makẹni ọghọ lẹ mgbaye lẹ ikẹn wụ nke i. Makẹni, ịyụ ke ihiẹn ile. Ịyụ chọ nị wẹ rị; ịyụ chọ n'ị ke wẹ.”