Hibru 1:2 - Ika

² Kanị, ogẹn ikpanzụụnnị, ọ gwaọlẹ ẹnyi oku ghahanị Nwa a, onyẹ hụn o yechanrịn ihiẹn ile, onyẹ hụn ọ gha ẹka a ke ụwa ile lẹ ihiẹn ile rịn'a.

Hibru 1:2 Iomraidhean Croise

Jẹnẹsisi 49:1

Omẹgụ, Jekọpụ nọ kpọkikomẹ ụmụ a ile, sị wẹ, “Nọhunmẹni m, nị m gwa ụnụ ihiẹn jẹnkọ d'e mẹ imẹ igunrun ụnụ ihun.

Azaya 2:2

O ru ihun, ugu Ụlọ-nsọ Osolobuẹ k'a wụrụ ugu kachanrịn ugu ile mkpa; wẹ k'e mẹ ẹ nwọnnahịn òke ile ọghọ, ndị alị ile e rushi ebẹhụ.

Azaya 44:24

Lee ihiẹn Osolobuẹ ku — ihiẹn Onyẹ hụn gbapụhan'ị ku, Onyẹ hụn mẹmẹ i imẹ ẹfọ-nnẹ i: ọ sị: “Mmẹ wụ Osolobuẹ hụn ke ihiẹn ile; mmẹ sụọ setịnpụ igwere; gi ẹka m gbama ụwa kẹ ẹkwa.

Azaya 45:12

Mmẹ ke ụwa, mmẹ ke ịhịan butọ elu ẹ; mmẹ gi ẹka m shịshịapụ igwere, kịpụha ihiẹn ile rịn'a che ebe wẹ rịsọnmẹ nwan.

Azaya 45:18

Makẹni ọnwan kẹ Osolobuẹ ku — Osolobuẹ, onyẹ hụn ke igwere; ịya wụ Chuku hụn ke ụwa, mẹmẹ ẹ k'ọ rị. Ịya ke ẹ, ẹlẹ kẹni ọ gba okpokoro, kanị o ke ẹ nị wẹ bi imẹ ẹ. Ọ sị, “Mmẹ wụ Osolobuẹ, ọzọ arịa.

Jerimaya 30:24

Iwe Osolobuẹ hụn rị a dụn kẹ ọkụn arọkọ d'e ru n'o mẹchanrịngụ ihiẹn rị a obi. Ihun kẹ ụnụ jẹnkọ d'a ghọta ihiẹnni.

Jerimaya 48:47

“Kanị, o mẹgụ, m jẹnkọ d'e mẹ n'ọ rịzịnị alị Mụabụ mma. Mmẹ wụ Osolobuẹ ku ẹ.” Ebeni kẹ ikpe Chuku ma alị Mụabụ jẹndemẹ.

Izikẹlụ 38:16

Ụnụ jẹnkọ d'a maye ndị nke m wụ Izrẹlụ, rukpumẹ alị wẹ nọkẹ orukpu. Ihun-ihun k'o k'e mẹ. M k'e wẹhẹ i d'a maye alị m ọgụn, kẹni ndị alị ichẹn-ichẹn gi ihiẹn m k'e mẹ i marịn onyẹ m wụ ogẹn m'e gi nọ idẹnya wẹ gi i ghọsị nị m rị nsọ.

Daniẹlụ 10:14

M bịa nwan d'a gwa ị ihiẹn k'e mẹ ndị nke i ihun, makẹni ogẹn ihiẹn ị hụn imẹ ọhụnnị e gi mẹ eke ru.”

Daniẹlụ 2:28

kanị, o nwẹghọ Chuku rị elu-igwee hụn e wepụha ihiẹn zuerini ifọn. Ọ ghọsịgụọ yụ wụ Eze wụ Nebukadineza ihiẹn k'e mẹ ihun. Lee nwan nrọ ị, ihiẹn ị rọhụn ebe i dinẹ elu bẹdi i:

Hosia 3:5

Kanị, omẹgụ, ndị Izrẹlụ k'a lụahazị, chọmazị Osolobuẹ wụ Chuku wẹ lẹ onyẹ ebọn Defidi ahụn k'a wụ eze wẹ. Wẹ k'a ma piripiri bịa d'e kunrun Osolobuẹ lẹ ngọzi ẹ — ogẹn ikpanzụụn.

Maịka 4:1

Kanị o ru ogẹn ikpanzụụn, ugu ụlọ-nsọ Osolobuẹ sikọ d'e weri ọnọdị, nwọnnahịn ugu lẹ òke ile ọghọ; ndị alị ichẹn-ichẹn jẹnkọ d'a rị e rujẹn ẹ.

Ọgụngụn 24:14

“M laburukọ nwan ndị nke m; ka gọn nwan ntịn nị m gwatọ ị ihiẹn ndị Izrẹlụ jẹnkọ d'e mẹ ndị nke i ihun.”

Matiu 13:39

Eṅẹnrẹn ahụn kụn ata wụ Ekwensụ; ogẹn ihiẹn-ugbo hụ wụ ọgụgụ ogẹnni; ndị ahụn jẹnkọ d'a ghọn'a wụ ndị mmọn-ozi.

Matiu 17:5

Ebe ọ rị e ku ihiẹnni, orukpu rị e gbukeni nọ kpumẹ wẹ idẹnmizi. Olu nọ gha imẹ orukpu hụ sị, “Ọnwan wụ ezi Nwa m hụn ihiẹn ẹ a sụọ m; gọn n'ẹ ntịn!”

Matiu 21:38

Kanị, ogẹn ndị hụ ugbo hụ rị ẹka gi hụn nwa a, wẹ nọ sị ibe wẹ, ‘Onyẹni wụ hụn jẹnkọ d'e nwọnrin ebeni omẹgụ; nị ẹnyi gbupụn'a nwan weri ihiẹn ẹ!’

Matiu 26:63

Kanị Jizọsị a gba nkịtịn. Onyẹ-isi nchụn-ẹjan nọ sị a, “E gi m ẹfan Osolobuẹ rị ndụn sị ị gwa ẹnyi omẹni ịyụ wụ Kraịstị Nwa Osolobuẹ.”

Matiu 28:18

Jizọsị nọ jẹnzụnhan, sị wẹ, “E yeọlẹ wẹ m ikẹn ile rị elu-igwee lẹ elu-ụwa.

Matiu 3:17

Ya kẹ olu nọ gha elu-igwee sị, “Ọnwan wụ ezi Nwa m, hụn ihiẹn ẹ a sụọ m ọhụnma-ọhụnma.”

Makị 1:1

Ẹnịna kẹ oziọma Jizọsị wụ Kraịstị Nwa Osolobuẹ dọn bidọn:

Makị 12:6

“O nwọnzighọ onyẹ ohu o k'e zi: ezi nwa a. Omẹgụ, ọ nọ zi nwa a jẹnni wẹ, sị, ‘Wẹ jẹnkọ d'a gbaye nwa m.’

Makị 12:7

Kanị ndị hụ o buche ugbo hụ ẹka nọ sị ibe wẹ, ‘Onyẹni ya k'a kwarị ukuu ẹ. Nị ẹnyi gbu ẹ nwan kwarị ukuu ẹ!’

Jọnụ 1:10

Ọ rị imẹ ụwa, hụn Osolobuẹ gi ẹ ke, kanị ụwa amarịnn'a.

Jọnụ 1:14

Oku Chuku nọ họnrin ịhịan, sọn ẹnyi biri elu-ụwa. Ẹfọma lẹ ezioku jun imẹ ẹ! Ẹnyi a hụnọlẹ ikpẹn ẹ, ikpẹn akpụ Nwa ohu Chuku-Nẹdi mụ rọ.

Jọnụ 1:3

Chuku ke ihiẹn ile rịnị ghahan'a; onwọnni ihiẹn Chuku ke hụn o kelẹni ghahan'a.

Jọnụ 13:3

Jizọsị a marịngụọ nị Chuku-Nẹdi e bugụọ ihiẹn ile che ẹ ẹka; ọ marịnghọ nị ebe Chuku-Nẹdi rị k'ọ gha bịa lẹni Chuku-Nẹdi k'ọ laburukọ:

Jọnụ 13:32

Osolobuẹ gi ẹ ye enwẹn ẹ ọghọ, Osolobuẹ sikọ d'e ye ya nwẹn ọghọ imẹ Osolobuẹ; o jẹnkọ d'e ye ẹ ọghọ ozigbo-ozigbo.

Jọnụ 15:15

Arịzị m a kpọ ụnụ igbọn, makẹlẹ igbọn amarịn ihiẹn di-nwọnn'ẹ rị e mẹ. Ọwụ kẹ m kpọ ụnụ, makẹni a gwagụọ m ụnụ ihiẹn ile m nụ ọnụ Nẹdi m.

Jọnụ 16:15

Ihiẹn ile Nẹdi m nwọn wụ nke m; ya haịn m gi sị nị Mmọn-nsọ jẹnkọ d'e weri ihiẹn m k'e ye ẹ, gwa ụnụ.

Jọnụ 17:2

nọkẹ kẹ i dọn bu ịhịan ile che okpuru ẹ kẹni o ye ndị ile i ye ẹ ndụn itẹbitẹ.

Jọnụ 3:16

“Makẹni Osolobuẹ nwọn ihiẹn-ọsụsụọ ndị rị ụwa ọda-ọda, ya haịn o gi we akpụ Nwa ohu o nwọn ye, n'ọ wụrụ nị onyẹ ọwụlẹ kwerinin'ẹ alakọ iwi, kama o nwọn ndụn itẹbitẹ.

Jọnụ 3:25

Ya k'o gi mẹni ebe ndị nsọnmazụụn Jọnụ lẹ onyẹ Ju rị a dọ oku ẹhụ w'a chan wẹ gi e fe ẹhụ,

Jọnụ 5:26

Kẹ Chuku-Nẹdi dọn nwọn ndụn imẹ enwẹn ẹ, ẹrịra k'o dọnzikwọ ye Nwa ikẹn o gi e nwọn ndụn imẹ enwẹn ẹ.

Jọnụ 5:27

O yegụọzị Nwa a ikẹn o gi kin ịhịan ile ikpe makẹni ịya wụ Nwa nke Ịhịan.

Jọnụ 9:29

Ẹnyi a marịnghọ nị Osolobuẹ gwa Mozizi oku, kanị o mẹ nke okẹnnyẹni, ẹnyi amarịndẹ ebe ọ gha bịa!”

Ọrụn Ndị-ozi 10:36

Ụnụ a marịnghọ ozi o zijẹnni ndị Izrẹlụ: oziọma ya lẹ ịhịan gi e dọn ghahanị Jesu Kristi Onyẹ nwọn ihiẹn ile lẹ ịhịan ile.

Ọrụn Ndị-ozi 2:17

‘Osolobuẹ sị, “Ogẹn ikpanzụụn, m jẹnkọ d'e hu Mmọn-nsọ m kpu ịhịan ile. Ụmụ ụnụ ikẹnnyẹ lẹ ikpoho k'e bu amụma; ikorọbịa ụnụ k'a hụn ọhụn; ikẹnnyẹ-ọba ụnụ k'a rọ nrọ.

Ndị Rom 1:4

Osolobuẹ nọ gi ikẹn Mmọn-nsọ a ghọsị n'ọ wụ Nwa Osolobuẹ ebe ọ nọ gha ọnwụn weli ẹ: Jesu Kristi Di-nwọnni-ẹnyi rọ.

Ndị Rom 8:17

O mẹ nwan nị ẹnyi wụ ụmụ, ihiẹn nẹdi ẹnyi wụ nke ẹnyi, ihiẹn Osolobuẹ wụ nke ẹnyi: ẹnyi lẹ Kraịstị gba nwan nwọn ihiẹn Osolobuẹ, omẹkwọnị ẹnyi e sọn nwan Kraịstị ta afụnfụn kẹni ẹnyi sọnzi ẹ nwọnrin ọghọ.

Ndị Kọrẹntị Ibuzọ 2:7

Mba, ẹnyi rị e ku oku amamihiẹn Osolobuẹ, ịmarịn-ihiẹn nzuzue hụ Osolobuẹ kwademẹtọ n'o d'e ke ụwa n'o k'e gi ẹ ye ẹnyi ọghọ.

Ndị Kọrẹntị Ibuzọ 8:6

Kanị, nke ẹnyi wụ nị Chuku ohu sụọ rị; ịya wụ Nẹdi ẹnyi; ihiẹn ile gha ẹka a a bịa; ịya kẹ ẹnyi rị a rịnị. Nna ohu rịzị, ya wụ Jesu Kristi; Osolobuẹ ke ihiẹn ile ghahan'a; ẹnyi rị a rị ghahan'a.

Ndị Galeshịa 4:4

Kanị ogẹn e zu, Osolobuẹ nọ zihẹ Nwa a: okpoho mụ a; wẹ mụ a ye okpuru Iwu.

Ndị Ẹfẹsọsụ 1:10

Ihiẹnni k'o rotọ: nị ogẹn zu, o wegbama ihiẹn ile che okpuru Kraịstị — kẹ ihiẹn rị elu-igwee kẹ ihiẹn rị elu-ụwa.

Ndị Ẹfẹsọsụ 3:9

lẹni m ghọsị ịhịan ile kẹ Chuku hụn ke ihiẹn ile dọn nwan rị a rụnpụha ihiẹn-omimi ahụn o zuemẹ ketekete,

Ditrọnọmi 18:15

Osolobuẹ wụ Chuku ụnụ k'a gha imẹ umunẹ ụnụ wepụhanị ụnụ onyẹ-amụma nọ kẹ mmẹ; ụnụ k'e gọnrịrị onyẹ-amụma ahụn ntịn.

Ditrọnọmi 31:29

Makẹni, a marịnghọ m nị m nwụnhụngụ, nị ụnụ jẹnkọ d'a rụchanrịn, la ụzọ m sị ụnụ gha tọgbọ. O ru ihun, ihiẹn-ikẹn sikọ d'a bịanị ụnụ makẹni ụnụ jẹnkọ d'e mẹ ihiẹn rịlẹni mma ẹnya Osolobuẹ, gi ife-mmọn, ihiẹn ẹka ụnụ mẹmẹ, kpasu ẹ iwe.”

Ditrọnọmi 4:30

Ẹghẹẹ, ụnụ hụngụ ụya ndịnị ile ogẹn hụ, rogharị buru Osolobuẹ wụ Chuku ụnụ, mẹ ihiẹn o ku,

Hibru 1:5

Ẹghẹẹ, elee mmọn-ozi kẹ Osolobuẹ sịtu, “Nwa m kẹ ị wụ; a ghọsịgụọ m tannị n'ị wụ nwa m.” Elee mmọn-ozi k'ọ sị, “M k'a wụ nẹdi ẹ, o k'a wụ nwa m”?

Hibru 1:8

Kanị, nke Nwa a, ihiẹn Osolobuẹ ku wụ, “Euu, Osolobuẹ! Ukpo i k'a rị jẹnrin ejẹn; ọkpọ ọkịkị kụrụ ọtọ k'i gi a kị alị-eze i.

Hibru 11:3

Okukwe kẹ ẹnyi gi a ghọta nị oku-ọnụ kẹ Osolobuẹ gi ke ụwa, ya wụ nị ihiẹn ẹnya ghalẹni a legha kẹ wẹ gha mẹmẹpụha ihiẹn ẹnya e legha.

Hibru 2:3

nanị ẹnyi a dọn nwan wanahịn omẹni ẹnyi a jụ okẹn nzụọpụhanị nọ ẹnịna, hụn Di-nwọnni-ẹnyi lẹ enwẹn ẹ bu ụzọ zimẹ ozi ẹ; hụn ndị gha ọnụ a nụ a shịa ẹri, ghọsị ẹnyi nị ezioku rọ,

Hibru 3:6

Kanị Kraịstị rụn ọrụn ọhụnma nọkẹ Nwa hụn ụlọ Osolobuẹ rị ẹka. Ụlọ Osolobuẹ hụ kẹ ẹnyi wụ, o mẹkwọ nị ẹnyi a tọ e kushi ikẹn, e nwọn olilẹnyanị, e nwọnshi ẹ ikẹn.

Hibru 4:14

Ebe o mẹ ni ẹnyi e nwọnghọ okẹn onyẹ-isi nchụn-ẹjan wụ Jizọsị Nwa Osolobuẹ, hụn ghafegụ elu-igwere, banye ebe Osolobuẹ rị, nị ẹnyi kwọnkẹnmẹ nwan ihiẹn ẹnyi kweri.

Hibru 5:8

Ọsụọn'a nị nwa a rọ, afụnfụn k'o gi mụrụn ihumẹ-isi.

Hibru 7:28

Ịhịan-mmaka zulẹni oke kẹ iwu Mozizi e tumẹ ndị-isi nchụn-ẹjan; kanị Osolobuẹ e gigụọ oku-ọnụ a lẹ enwẹn ẹ o kun tumẹ Nwa Osolobuẹ zu oke onyẹ-isi nchụn-ẹjan jẹnrin ejẹn. O ku oku hụ ọsụọn'a nị Iwu Mozizi a rịgụọlẹ.

Hibru 7:3

O nwọn nẹdi; o nwọn nnẹ; o nwọn ẹbozo. O nwọn mbidọn; o nwọn ọgụgụ. Ọ nọhụ kẹ nwa Osolobuẹ. Ọ wụ onyẹ nchụn-ẹjan jẹnrin ejẹn.

Hibru 9:26

Omẹni nke Jizọsị te rị ẹrịra, nkẹ ọ hụ a nwụn a nwụndọnzi kete wẹ kelẹ ụwa! Kama, ọ bịalẹ mgbe ohuni sụọ imẹ ọgụgụ-ogẹnni d'e wepụchanrịn njọ ghahanị igi enwẹn ẹ chụn ẹjan.

Pita Ibuzọ 1:20

hụn Osolobuẹ họtọ n'o d'e ke ụwa, gi ufiri ụnụ wepụha a ogẹn ikpanzụụnnị.

Pita Nke Ẹbụọ 3:3

Nke ibuzọ, ghọta nị nị ndị-nlelịa hụn e bi k'ọ sụọ wẹ k'a pụha ogẹn ikpanzụụn, a mụ ẹmụ,

Judu 1:18

Wẹ gwa ụnụ nị “Ndị-nlelịa k'a pụha ogẹn ikpanzụụn, ndị e mẹ ihiẹn rị a gụnnị wẹ.”