Ẹkwan 2:4 - Ika

⁴ O kwọngụọ ụta a nọkẹ eṅẹnrẹn, ẹka-nni ẹ a dọgụọ ụta a. O mẹgụọ kẹ onyẹ-iwe gbuchanrịn ndị ile rị mma ẹnya, o hugụọ ọnụma a kẹ ọkụn kpu Nwagbọọ wụ obodo Zayọnụ.

Ẹkwan 2:4 Iomraidhean Croise

Ihiẹn Mẹni Nke Ẹbụọ 34:21

“Jẹn ni d'a jụ Osolobuẹ banyeni ihiẹn ndịnị wẹ deye imẹ ẹkụkwọnị ẹnyi hụn, kẹni mmẹ lẹ ndị Izrẹlụ lẹ Juda họdụnị marịn ihiẹn ẹnyi k'e mẹ. Okẹn ọnụma kẹ Osolobuẹ gikwọ rị e sọn ẹnyi makẹni ndị nẹdi ẹnyi emẹni ihiẹn Osolobuẹ ku; egini wẹ ihiẹn ndịnị ile wẹ deye imẹ ẹkụkwọnị bi.”

Ihiẹn Mẹni Nke Ẹbụọ 34:25

Makẹni a gbakitọgụọ wẹ m azụụn, a mụnị mmọn-lẹ-iyi ichẹn-ichẹn nsẹnsi, gi ihiẹn ndị hụ ile wẹ gi ẹka wẹ mẹmẹ kpasu m iwe, m k'e hu ọnụma m kpu ebeni; ọnụma m arọkọ.’

Jobu 19:11

Ọ hụ e gi olulu e sọn m; a gụn m e yeni ndị-iṅẹnrẹn ẹ.

Jobu 6:4

Onyẹ Hụ Nwọn Ikẹn Ile e gigụọ ụta gba ọbara-ụta jun m ẹhụ, ẹdide wẹ te wẹ hụ e ru mmọn m; Chuku e bugụọ ihiẹn-egun bu ọda tọnị m.

Ẹbụ-ọma 37:14

Ndị-njọ e sepụha ọpịa-agha, dọzị ụta — nị wẹ gbatu ndị e welụa enwẹn wẹ alị lẹ ndị wẹ rị a bịangbu, nị wẹ gbu ndị obibi wẹ kụrụ ọtọ.

Ẹbụ-ọma 7:13

ọ kwademẹgụọ ihiẹn-ọgụn a ile e gbukẹnrinni, mụ ọkụn ye ọbara ụta a.

Azaya 42:25

Ya ọ nọ gi eje-olulu ẹ sọn wẹ, gi agha lẹ ogbugbu lẹ ntikpọ rịn'a sọn wẹ; agha nọ kpumẹ wẹ lekẹ ọkụn rị e nwunni — aghọtakwọnị wẹ; agha e bu wẹ ri kẹ ọkụn, egizikwọnị w'a dọn.

Azaya 63:10

Kanị wẹ nọ femẹ isi, mẹ ize zemẹ Mmọn-nsọ Osolobuẹ. Ya Osolobuẹ nọ hutọ, họnrin eṅẹnrẹn wẹ — gidẹ ẹka a bunụmanị wẹ.

Azaya 63:6

E gi m olulu zọkpọ ndị alị ichẹn-ichẹn, e gi m ọnụma mẹ wẹ ihiẹn, ọ tụma wẹ kẹ manya, e hu m ẹdeke wẹ ye alị.”

Jerimaya 10:20

E tikpọ wẹ ọdụ m bi, tibepụchanrịn eriri ile kwọndọnn'ẹ. Ụmụ a nwụnnahịngụọ m; arịzị w'a; onwọnzini onyẹ họdụnị — onyẹ k'a rụnkinni m ọdụ mọbụ mẹmẹni m ebe m k'a nọdị.

Jerimaya 21:12

Ụnụ ndị ikpụlọ Defidi, lekwọ nị ihiẹn Osolobuẹ ku: E gikwọ nị ezioku a kị ụhụọhịn-ụhụọhịn; a zụọpụhakwọ nị ndị wẹ rị a bịangbu ẹka ndị rị a bịangbuni wẹ — amamgbe m'e gi ufiri eje-ihiẹn ụnụ mẹ gi ọnụma m mẹ ụnụ ihiẹn lekẹ ebe ọkụn nọ a dụn, ọkụn wẹ jẹnkọlẹni d'e tinyụn.

Jerimaya 21:5

Mmẹ lẹ enwẹn m jẹnkọ d'e gi ikẹn m mẹ ụnụ ihiẹn. M k'e gi ẹka-ikẹn, okẹn iwe lẹ ọnụma mẹ ụnụ ya.

Jerimaya 30:14

Alị ile yụ lẹ wẹ te a sụọ, a zọgụọ ị; onwọnzini ihiẹn wẹ gi i e mẹ. E mẹgụọ m'ị ihiẹn eṅẹnrẹn e mẹ ịhịan, ye i afụnfụn kẹ onyẹ ẹfọ jọ dọn e ye ịhịan, makẹni ikpe ma ị ọda-ọda, njọ ị e bukẹ ọda.

Jerimaya 36:7

Ikẹnkwọ nị wẹ rịọghọ Osolobuẹ n'ọ gbagharị wẹ, onyẹ-onyẹ a latọ eje-obibi ẹ, makẹni Osolobuẹ e kugụọkwọ a n'o k'e gi okẹn iwe lẹ okẹn-ọnụma mẹshi ndịnị ikẹn.”

Jerimaya 4:4

Kwanị nị Osolobuẹ ugun; kwapụ nị eje-ihiẹn rị ụnụ obi, ụnụ ndị alị Juda lẹ ndị bi obodo Jerusalẹm, amamgbe ọnụma m e kunrun ụnụ, dụn ụnụ kẹ ọkụn wẹ ghalẹni e tinyụn, yeni eje-ihiẹn ụnụ mẹ.

Jerimaya 42:18

Makẹni, Osolobuẹ ihiẹn ile rị okpuru ẹ, hụn wụ Chuku Izrẹlụ, sị, ‘Ụnụ jẹn alị Ijiptu, e gi m iwe-lẹ-olulu mẹshi ụnụ ikẹn kẹ m dọn mẹ ndị Jerusalẹm. M mẹgụ ụnụ ya, ụnụ e họnrin ihiẹn wẹ bụ ọnụ lẹ ihiẹn w'a sọ lẹ ihiẹn wẹ gi a bụ ọnụ, ihiẹn ifẹnrẹn. Ẹnya ụnụ ahụnkọzị alịnị.’

Jerimaya 7:20

Ufiri ẹ, Di-nwọnni-ẹnyi wụ Osolobuẹ sị, ‘M k'e gi okẹn olulu mẹ alịnị ihiẹn — kẹ ịhịan kẹ anụ kẹ osisi rị ọfịa kẹ ihiẹn gha alị pupụha; o k'a dụn kẹ ọkụn, ọ dụbehikọ.’

Ẹkwan 1:13

Elu k'ọ gha zihẹ ọkụn, zidẹ ẹ ye m imẹ ọkpụkpụ. O shitọnị ụkụ m ọnyan, o mẹgụọ m lakin azụụn. O mẹgụọ m gba okpokoro, e mẹ ndụn a gụ m uhinhin lẹ efinnaị.

Ẹkwan 2:5

Osolobuẹ e mẹgụọ kẹ eṅẹnrẹn; o luepụgụọ Izrẹlụ. O luepụchanrịngụọ obi-eze ile rịn'a, tikpọpụ ebe ile rịn'a w'a gbaban. O mẹgụọ ẹkwan lẹ ịkwan-ụya waye imẹ Nwagbọọ wụ Juda.

Ẹkwan 3:3

eziẹ-eziẹ, o mẹshigụọ m ikẹn, e mẹ m'ẹ, e mẹdọnzi, kẹ uhinhin kẹ efinaị.

Ẹkwan 4:1

Goru nwẹn egbukezini, ezigbo goru nwẹn a rakpo! Ọmụma ndị nwẹn rị nsọ feyịya nwan isi ọgbara-ogbe ile.

Ẹkwan 4:11

Osolobuẹ ebuhọdụnị olulu; o hupụhagụọ okẹn-olulu ẹ. Ọ mụgụọ ọkụn ye Zayọnụ, ọkụn hụn dụnpụ a ru iyetọ a.

Izikẹlụ 13:13

“Osolobuẹ Nwọn Ihiẹn Ile sị nwan: M k'e gi ọnụma zihẹ okẹn ẹbi, m k'e gi olulu zihẹ mirin-ozuzue; m k'e gi olulu zihẹ ẹkwan-igwere hisọnmẹ ogbe. M k'e gi wẹ tikpọ a, tikpọchanrịn a.

Izikẹlụ 20:34

M k'e gi ẹka-ikẹn lẹ ẹka zeni lẹ ọnụma wepụha ụnụ imẹ alị ndị hụ wẹ feyịya nwan ụnụ ye,

Izikẹlụ 22:22

Ụnụ jẹnkọ d'a rịnranpụ kẹ siliva a rịranpụ imẹ okẹn ọkụn, ogẹn hụ kẹ ụnụ k'a marịn nị mmẹ, Osolobuẹ, gi ọnụma m mẹ ụnụ ihiẹn.’ ”

Izikẹlụ 24:25

“Yụ nwẹn, Nwa-ịhịan, ụhụọhịn m k'a napụ wẹ Ụlọ hụ wẹ gi e dọn ẹnya, hụn wụzị ịghọghọ wẹ lẹ ọghọ wẹ, ihiẹn ahụn a sụọ wẹ ụsụọ olegha, ihiẹn ahụn obi w'a chọ, napụzịkwọ wẹ ụmụ wẹ ikẹnnyẹ lẹ ikpoho —

Izikẹlụ 36:18

Ya kẹ m nọ gi ọnụma m mẹ wẹ ihiẹn yeni ọchụn wẹ gbu alị wẹ lẹ mmọn ndị wẹ gi mẹrụ a.

Izikẹlụ 5:13

“ ‘Ogẹn ahụn, olulu m a rọ, ọnụma m a kụsị; ẹfọ e jun m. Ya wụ, m mẹchanrịngụ wẹ ihiẹn m k'e gi ọnụma m mẹ wẹ, a marịn wẹ nị mmẹ wụ Osolobuẹ rị nwan e gi ẹnya rị a fụnị m a gwa wẹ ihiẹnni.

Izikẹlụ 6:12

Eje-emu k'e gbu ndị rị ebe teni, ọpịa-agha e gbu ndị rị nsue, ẹgụn e gbu ndị họdụnị wẹ gbulẹni, olulu m e ruchanrịn wẹ ẹhụ k'ọ rị m obi.

Izikẹlụ 7:14

“Opi a hangụọ nwan hụn wẹ e gi kọnrin agha, kanị onwọnni onyẹ jẹnkọ agha, makẹni e gigụọ m olulu kwọndọn alịnị.

Lẹvitikọsụ 26:17

M k'e bu ẹnya zinmẹ ụnụ hụn ndị iṅẹnrẹn ụnụ e gi mẹri ụnụ; ndị rị e we iwe ụnụ k'a kị ụnụ; ụnụ k'a a gbadẹ ọsọ bụ onwọnni onyẹ chụkọnị ụnụ.

Nahum 1:2

Chuku ẹnya a fụ lẹ hụn e mẹgwarịnị kẹ Osolobuẹ wụ; Osolobuẹ e mẹgwarị emẹgwarị, e bu olulu ọda-ọda; Osolobuẹ e mẹgwarị ndị iṅẹnrẹn ẹ, ọ tọ e buni ndị-iṅẹnrẹn ẹ olulu.

Nahum 1:6

Ọ kpọma ọnụma, onyẹ k'a saẹka turu? Onyẹ k'a saẹka dingbu uwowo olulu ẹ? Iwe lẹ ọnụma a e hupụha rịkẹ ọkụn — Osolobuẹ e tikpọchanrịn ọmụma.

Ditrọnọmi 32:22

Makẹni ọnụma m a mụyeọlẹ ọkụn, hụn a dụnrudẹ alị mmọn. O k'a dụnpụ ụwa lẹ mkpụrụ ọ mị, dụnrudẹ ebe ugu ile gha suepụha.

Samuẹlụ Nke Ibuzọ 28:16

Samuẹlụ nọ sị a, “K'ị rị nwan a jụnị m, ebe o mẹ ni Osolobuẹ a gbakitọgụọ ị azụụn, họnrin eṅẹnrẹn i?