Ẹkwan 2:2 - Ika

² Osolobuẹ emẹdẹni omikẹn, o tikpọchanrịn ebe ile ebọn Jekọpụ bi; o gigụọ ọnụma a tikpọchanrịn ebe ile w'a gbaban imẹ Nwagbọọ wụ Juda. O budangụọ alị-eze Juda lẹ ndị-isi rịn'a, bu wẹ che imẹ ifẹnrẹn.

Ẹkwan 2:2 Iomraidhean Croise

Jobu 2:3

Ya Osolobuẹ nọ jụ Ekwensụ, “Y'e lekpọgụọ odibo m wụ Jobu? Onwọnni onyẹ nọ kẹ ya elu ụwa; onyẹ ezioku k'ọ wụ; onwọn nkọrịanị; ọ tụ egun Chuku, ara gi eje-ihiẹn mẹ ẹhụ. Echẹn k'o gikwọ hụn o gi, ọ sụọn'a nị i te nu m nị m tikpọ a bụ onwọnni ihiẹn o mẹ.”

Ẹbụ-ọma 21:9

Ị pụha, y'e mẹ wẹ ihiẹn okẹn ọkụn e mẹ ihiẹn. Osolobuẹ k'e gi olulu luepụ wẹ; ọkụn a k'e bu wẹ ri.

Ẹbụ-ọma 74:7

A dụngụọ wẹ Ụlọ-nsọ ị ọkụn ru alị; e mẹrụgụọ wẹ ebẹhụ rị a za ẹfan ị.

Azaya 22:5

Di-nwọnni-ẹnyi, Osolobuẹ ihiẹn ile rị okpuru ẹ, a kayegụọ ogẹn isusu, ọbịangbu lẹ egun, hụn k'e kunrun Jerusalẹm, Ọdanmgbugbu Ozi-Osolobuẹ — ogẹn wẹ k'a kụtusọnmẹ mgbọn ẹ, ogẹn wẹ k'a gha a kwanghọsị ugu ichẹn-ichẹn.

Azaya 23:9

Osolobuẹ nwọn ikẹn ile rotọn'a ihiẹnni, kẹni o welụa ọghọ ile ịhịan gi e bọnmẹ alị, budanzịkwọ ndị ile w'a nụ ẹfan wẹ elu ụwa.

Azaya 25:12

O jẹnkọ d'e wetuchanrịn okẹn mgbọn ụnụ ndị hụ zeni, o we wẹ gbama alị; wẹ k'e wetu wẹ ru alị — ruchanrịndẹ imẹ uzunzun lẹ enwẹn ẹ.

Azaya 26:5

O wetu ndị nọdị ebe jẹn elu alị, o bu obodo nwọn okẹn-ọghọ a gbama alị, ọ kụkpọchanrịn a ru alị; ọ tụ a ye imẹ ẹjan.

Azaya 27:11

Osisi ndị ahụn kpọpụ nkụn, kpagiri, ikpoho e gi wẹ fiye ọkụn. Makẹni ndịnị enwọn nghọta — ya haịn Onyẹ keni wẹ gilẹni e mẹni wẹ omikẹn, Onyẹ keni wẹ ara mẹni wẹ ọhụnma.

Azaya 43:28

M jẹnkọ nwan d'a fa ndị okẹn ịhịan rị imẹ Ụlọ-nsọ ụnụ, m k'e gi Jekọpụ họnrin ihiẹn wẹ k'e tikpọ, ẹghẹẹ, e we m Izrẹlụ ye wẹ kpari.”

Azaya 47:6

M te rị e busọn ndị nke m olulu; ya m nọ gi olulu hụ mẹrụdẹ ihiẹn m; e mẹ m wẹ ban ị ẹka, y'e mẹni ni wẹ omikẹn kaka — kẹ ndị ẹgẹdi rị imẹ wẹ k'i buye ibu nyịnnị.

Jerimaya 13:14

M k'e se isi lẹ isi gbetarị, isi ndị nẹdi lẹ ụmụ wẹ, anịkọ m omikẹn mọbụ ebere wẹ mẹ m etikpọlẹ wẹ.’ ” Ya kẹ Osolobuẹ ku. Jerimaya sị,

Jerimaya 19:15

“Osolobuẹ ihiẹn ile rị okpuru ẹ hụn wụ Chuku Izrẹlụ sị, ‘Gọn ni ntịn! M jẹnkọ nwan d'e buhẹni obodoni lẹ mmụ alị ile fihunmẹn'ẹ nsọngbu ile m ku oku ẹ, makẹni e bugụọ wẹ isi-ikẹn, jụ n'e gọnkọ wẹ ntịn oku m.’ ”

Jerimaya 21:7

O mẹgụ, m k'e we eze Juda wụ Zẹdikaya lẹ ịhaịmẹ ẹ lẹ ndị ile k'a wanahịn eje-emu hụ lẹ ọpịa-agha lẹ ẹgụn hụ lala imẹ obodoni ye Nebukadineza wụ eze ndị Babilọnụ lẹ ndị iṅẹnrẹn wẹ ndị ọzọ chọkọ wẹ ogbugbu. O jẹnkọ d'e gi ọpịa-agha gbu wẹ; o mẹkọnị wẹ omikẹn mọbụ ebere, o lekọdẹ wẹ ẹnya ihun. Ya kẹ Osolobuẹ ku.’

Jerimaya 5:10

D'e wiwisọnmẹ ugbo vaịnị a — ka ewiwichanrịnlẹ wẹ. Kwapụchanrịn a agala, nị ndịnị ẹlẹ nke Osolobuẹ.

Ẹkwan 2:17

Osolobuẹ e mẹgụọ ihiẹn rị a obi; o mẹọlẹ ihiẹn o ku kete-kete, o tikpọgụọ ị — o mẹni omikẹn, ọ mẹgụọ ndị-iṅẹnrẹn i mụ ị ẹmụ; o mẹgụọ mpịn ndị-iṅẹnrẹn i kẹnrẹn.

Ẹkwan 2:21

Kẹ ụmụ-ẹka kẹ ndị ẹgẹdi e fiẹnrinsọnmẹ imẹ uzunzun rị ụzọ; kẹ ikorọbịa m kẹ ịgbagba m, e gigụọ wẹ ọpịa-agha gbu wẹ. Y'e gbugụọ wẹ ụhụọhịn ahụn ị ghọsị olulu i; y'a jagbu wẹ — y'e mẹni omikẹn.

Ẹkwan 2:5

Osolobuẹ e mẹgụọ kẹ eṅẹnrẹn; o luepụgụọ Izrẹlụ. O luepụchanrịngụọ obi-eze ile rịn'a, tikpọpụ ebe ile rịn'a w'a gbaban. O mẹgụọ ẹkwan lẹ ịkwan-ụya waye imẹ Nwagbọọ wụ Juda.

Ẹkwan 3:43

Y'e gigụọ olulu i fụkpumẹ enwẹn ị nọkẹ ẹkwa, chụ ẹnyi nchụgbu; y'e gbugụọ ẹnyi, y'e mẹni omikẹn.

Izikẹlụ 5:11

“ ‘Mmẹ, Osolobuẹ nwọn ihiẹn ile rị nwan e kun enwẹn m, a sị ị nị ebe o mẹni y'e gigụọ mmọn ndị hụ ile rụnị ị kpụ lẹ arụ ile ị rị e mẹ mẹrụ Ụlọ-nsọ m, mmẹ lẹ enwẹn k'a kpụnpụ ị ntutu; elekọ m'ị ẹnya ihun, emẹkọnị m'ị omikẹn.

Izikẹlụ 7:4

Elekọ m'ị ẹnya ihun; emẹkọ m omikẹn i. M k'a kụ ị ụgwọ eje-obibi i lẹ arụ ile ụnụ mẹ imẹ igunrun ụnụ. Ogẹn ahụn kẹ y'e gi marịn nị mmẹ wụ Osolobuẹ.

Izikẹlụ 7:9

Elekọ m ụnụ ẹnya ihun; emẹkọ m omikẹn ụnụ. M jẹnkọ d'e ye ụnụ afụnfụn ihiẹn ụnụ mẹ lẹ arụ ile ụnụ mẹ imẹ igunrun ụnụ, ogẹn hụ kẹ ụnụ k'a marịn nị mmẹ wụ Osolobuẹ rị e mẹ ụnụ ihiẹnni.

Izikẹlụ 8:18

Mmẹ nwẹn jẹnkọ nwan d'e gi olulu mẹ wẹ ihiẹn; elekọ m wẹ ẹnya ihun; emẹkọ m omikẹn wẹ. Wẹ k'a kwanghọsị m ọda-ọda, egọnkọ m wẹ ntịn.”

Izikẹlụ 9:10

Mmẹ nwẹn emẹkọ nwan omikẹn wẹ; elekọ m wẹ ẹnya ihun. M k'e mẹ wẹ gi isi wẹ buru eje-ihiẹn wẹ mẹ.”

Maịka 5:14

M k'e huepụ osisi ile ụnụ nọ ukun wẹ a rụa Ashẹra; e tikpọchanrịn m obodo ụnụ ile.

Malakaị 1:4

Ndị alị Isọ wụ Ẹdọm, jẹnkọ d'a sị, “E tikpọgụọ wẹ ẹnyi ru alị, kanị ẹnyi k'a tụndọnzi ihiẹn tikpọnị.” Kanị Osolobuẹ Ihiẹn ile rị okpuru ẹ, sị, “Wẹ tụndọnzi, e tikpọzị m'a — d'e ru nị a kpọma w'a, ‘Eje-alị, alị Osolobuẹ k'e busọn olulu jẹnrin ejẹn.’

Matiu 18:33

O furuni n'i mẹni ibe i omikẹn kẹ m dọn mẹni yụ nwẹn?’

Ndị Kọrẹntị Nke Ẹbụọ 10:4

Makẹni, ihiẹn-ọgụn ẹnyi ẹlẹ nke ndị-ụwa, kama, ihiẹn-ọgụn ẹnyi wụ ikẹn Osolobuẹ, hụn wẹ gi e tikpọsọnmẹ ebe zeni lẹ ihiẹn ndị hụ zeni. Ẹnyi e wiwi iroro ile ghalẹni a kwadọn oku-Osolobuẹ

Ditrọnọmi 28:52

Wẹ k'a maye obodo ụnụ ile d'e runi e tikpọchanrịn wẹ mgbọn ile zegbu enwẹn wẹ rịsọnmẹ imẹ alị ụnụ, mgbọn ndị ahụn ụnụ gi dọn ẹnya. Wẹ k'a maye obodo ile rị alị ahụn Osolobuẹ wụ Chuku ụnụ ye ụnụ.

Ditrọnọmi 32:22

Makẹni ọnụma m a mụyeọlẹ ọkụn, hụn a dụnrudẹ alị mmọn. O k'a dụnpụ ụwa lẹ mkpụrụ ọ mị, dụnrudẹ ebe ugu ile gha suepụha.