Ẹkwan 1:6 - Ika

⁶ Ọghọnẹi ile Nwa-Zayọnụ nwọn a nahịnchanrịngụọ a. Ndị ọkịkị a nọ kẹ ele hụn hụnlẹni ẹfịfịa ri; e gi wẹ ufiri ndụn-ọgụgụọ gba ọsọ — gbanị ndị chụkọnị wẹ ọsọ.

Ẹkwan 1:6 Iomraidhean Croise

Ndị-nze Nke Ẹbụọ 19:21

Lee ihiẹn Osolobuẹ ku banyen'ẹ: Nwagbọọ wụ Zayọnụ e legberi i, ọ mụgbu i ẹmụ. Okpoho wụ Jerusalẹm e finfinn'i isi ebe ị gbakọ ọsọ.

Ndị-nze Nke Ẹbụọ 25:4

Ya wẹ nọ tipu mgbọn obodo ahụn, ndị agha Izrẹlụ ile nọ gi imẹ abalị gha ọnụ-mgbọn rị ẹgbata mgbọn ẹbụọ wẹ gi gbehunmẹ obodo hụ gbapụ. Ọnụ-mgbọnni nọkunmẹ ụgba-obobo eze a nọdị e zu ikẹn. Etuni wẹ ndị-agha Kal'di Babilọnụ kehunmẹchanrịn obodo ahụn. Wẹ nọ dọn ihun ibẹka Araba, Ọdanmgbugbu Iyi-Jọdanị.

Ndị-nze Nke Ẹbụọ 25:5

Kanị ndị-agha Kal'di Babilọnụ nọ chụrụ eze, kunrun ẹ ebe alị nọsọnmẹ riẹn ẹhụ Jẹriko. Ndị-agha a ile nọ gba a tọ, gbayịya;

Ẹbụ-ọma 50:2

Zayọnụ, obodo ahụn mma a zu oke, k'ọ gha nwunla kẹ ukpẹ.

Ẹbụ-ọma 96:9

Fe ni Osolobuẹ ofufe nwọn ọghọ rị nsọ; ụwa ile, tụ nị egun ẹ!

Azaya 1:21

Ledẹ ni nị obodo nwẹn wẹ te gi e dọn ẹnya e họnringụọ nwan ịgbaraja! Ezigbo eṅẹn te jun imẹ ẹ; ezi-omumẹ te bi imẹ ẹ, kanị ndị izighẹ bi ẹ nwan!

Azaya 12:6

Yikẹnmẹ ni oro, ụnụ a bụ ẹbụ ịghọghọ, ụnụ ndị Zayọnụ, makẹni Onyẹ-nsọ Izrẹlụ e mẹkẹ okẹn-ihiẹn imẹ igunrun ụnụ!”

Azaya 4:5

Ogẹn ahụn, Osolobuẹ k'a rị e gi orukpu lọtọ kẹ ẹnwụnrụn e kpumẹ Ugu Zayọnụ ebe eki rị elu, ya lẹ ndị ile zu ebahụn, e gi ọkụn rị e nwunni e kpumẹ wẹ imẹ uhinhin. Ọghọ wẹ ile sikọ d'e nwọn okpukpu.

Jerimaya 13:18

“Osolobuẹ sị m, Sị eze rị a kịnị lẹ nnẹ ẹ, ‘Hidan nị ukpo-eze ụnụ, makẹni okpu-eze ụnụ ma mma jẹnkọ d'a gha ụnụ isi danpụ.’

Jerimaya 29:4

“Mmẹ wụ Osolobuẹ ihiẹn ile rị okpuru ẹ, hụn wụ Chuku Izrẹlụ, rị a sị ụnụ ile m gha Jerusalẹm chụshi alị Babilọnụ:

Jerimaya 47:3

ogẹn wẹ e gi nụ nkiti-ụkụ ẹshin-agha lẹ ụzụn ụgbọ-anyịnyan agha lẹ ụkụ ụgbọ-ẹshin ndị-iṅẹnrẹn wẹ gi lala. Ndị nẹdi elekọdẹ ẹnya azụụn nị wẹ yeni ụmụ wẹ ẹka makẹni ẹka a lịlọpụgụọ wẹ yeni egun.

Jerimaya 48:41

Ẹka ndị iṅẹnrẹn k'a dụ alị Kẹriọtụ rị Mụabụ; ebẹhụ zegbu enwẹn ẹ w'a gbaban k'a bandẹ ndị iṅẹnrẹn ẹka. Ogẹn hụ obi k'a nọ ndị-agha alị Mụabụ kẹ nke okpoho imẹ rị e mẹ.

Jerimaya 52:11

Ya ọ nọ gụpụ Zẹdikaya ẹnya ẹbụbụọ, kpọma a ẹgan igwe-bronzu, we ẹ shi Babilọnụ; ọ kpọkin ẹ ye d'e ru ụhụọhịn Zẹdikaya nwụnhụn.

Jerimaya 52:13

Ọ dụn ụlọ-nsọ Osolobuẹ lẹ obi-eze lẹ ụlọ ile rị Jerusalẹm ọkụn — dụnkwama ụlọ ile rị mkpa ọkụn.

Izikẹlụ 24:21

Sị ebọn Izrẹlụ, “Lee ihiẹn Osolobuẹ nwọn ihiẹn ile ku: M'e d'e mẹrụ Ụlọ-nsọ m — ikẹn ụnụ hụn ụnụ gi a nyan isi, hụn a sụọ ụnụ ụsụọ olegha, a sụọ ụnụ ụsụọ obi. Wẹ k'e gi ọpịa-agha gbupụ ụmụ ụnụ ikẹnnyẹ lẹ ikpoho họdụ imẹ Jerusalẹm.

Izikẹlụ 24:25

“Yụ nwẹn, Nwa-ịhịan, ụhụọhịn m k'a napụ wẹ Ụlọ hụ wẹ gi e dọn ẹnya, hụn wụzị ịghọghọ wẹ lẹ ọghọ wẹ, ihiẹn ahụn a sụọ wẹ ụsụọ olegha, ihiẹn ahụn obi w'a chọ, napụzịkwọ wẹ ụmụ wẹ ikẹnnyẹ lẹ ikpoho —

Ditrọnọmi 28:25

Osolobuẹ k'a nị ndị iṅẹnrẹn ụnụ mẹri ụnụ. Ụnụ k'a ghaha azụụn ohu bịa d'a maye wẹ, kanị ụnụ k'a gbayịya azụụn ẹsa ebe ụnụ gbakọnị wẹ, ndị alị-eze ile rị elu-ụwa nụ ihiẹn mẹni ụnụ e be wẹ ọrịọ.

Ditrọnọmi 32:30

Nanị kẹ onyẹ ohu dọn s'ẹka chụ ndị Izrẹlụ ọgụn-iri kwasị nnụnaị ọsọ, mmadụ ẹbụọ a han mmadụ nnụ-uku iri wẹ gbama ọsọ — mmanị Onyẹ wụ Ọmụma wẹ e regụọ wẹ, mmanị Osolobuẹ e wegụọ wẹ ye wẹ mẹri.