Ẹkwan 1:3 - Ika

³ E mẹshigụ wẹ alị Juda ikẹn, mẹ ẹ rụngbu enwẹn ẹ, wẹ nọ kpụn Juda shi alị ọzọ. O bi nwan alị ndị ọzọ rị ichẹn-ichẹn; ọ hụnnị ebe ẹhụ nọ fụ ẹ. Ndị ile chụkọn'a e kunrungụọ a k'ọ rị imẹ nsọngbu.

Ẹkwan 1:3 Iomraidhean Croise

Ndị-nze Nke Ẹbụọ 25:11

Ya Nebuzaradanị hụn kịhanị wẹ nọ kpụnrụnchanrịn ndị họdụ imẹ obodo ahụn, ndị obodo ahụn ile lẹ ndị hụn gi uche wẹ pụha d'e we enwẹn wẹ ye eze Babilọnụ ogẹn ndị Babilọnụ gi kehunmẹ obodo hụ.

Ndị-nze Nke Ẹbụọ 25:21

Eze Babilọnụ gha nọ imẹ Ribla rị alị Hamatị gbu wẹ. Ẹrịra kẹ wẹ dọnmẹ ẹka kpụnpụ ndị Juda alị wẹ, we wẹ shi alị ọzọ.

Ndị-nze Nke Ẹbụọ 25:4

Ya wẹ nọ tipu mgbọn obodo ahụn, ndị agha Izrẹlụ ile nọ gi imẹ abalị gha ọnụ-mgbọn rị ẹgbata mgbọn ẹbụọ wẹ gi gbehunmẹ obodo hụ gbapụ. Ọnụ-mgbọnni nọkunmẹ ụgba-obobo eze a nọdị e zu ikẹn. Etuni wẹ ndị-agha Kal'di Babilọnụ kehunmẹchanrịn obodo ahụn. Wẹ nọ dọn ihun ibẹka Araba, Ọdanmgbugbu Iyi-Jọdanị.

Ndị-nze Nke Ẹbụọ 25:5

Kanị ndị-agha Kal'di Babilọnụ nọ chụrụ eze, kunrun ẹ ebe alị nọsọnmẹ riẹn ẹhụ Jẹriko. Ndị-agha a ile nọ gba a tọ, gbayịya;

Jerimaya 13:19

“Wẹ sikọ d'a kpọkinchanrịn obodo ndị rị imẹ Nẹgẹvụ onwọnni onyẹ k'a kpọpụnị wẹ. Wẹ jẹnkọ d'a kpụnrụnchanrịn ndị Juda ile shi alị ọzọ — ahọdụkọ wẹ.

Jerimaya 16:16

“Kanị, m zila nwan ndị bu ọda d'a nwụn wẹ kẹ azụụn. Omẹgụ, a kpọha m ndị k'a chụ wẹ kẹ w'a chụ ọfịa, a chụ wẹ wẹ ebe ọwụlẹ wẹ warị, elu ugu lẹ òke ile lẹ imẹ okporo ọmụma.

Jerimaya 24:9

M k'e gi wẹ họnrin ihiẹn a tụ egun lẹ ihiẹn jọgbu enwẹn ẹ ẹnya ndị alị ile rị elu ụwa. Ebe ọwụlẹ m k'a chụshi wẹ, wẹ k'a wụrụ ihiẹn-ifẹnrẹn lẹ ihiẹn wẹ gi e ku oku, ihiẹn wẹ gi a kpa ẹmụ lẹ ihiẹn wẹ gi a bụ ọnụ.

Jerimaya 39:9

Nebuzaradanị hụn kị ndị-agha e che eze Babilọnụ nche nọ kpụnrụn ndị họdụ imẹ obodo Jerusalẹm shi Babilọnụ, wẹ lẹ ndị we enwẹn wẹ ye ẹ kẹ ndị Babilọnụ kelẹni banye imẹ Jerusalẹm lẹ ndị ọzọ ile.

Jerimaya 52:15

Nebuzaradanị nọ kpụnrụn ụfọdụ ndị kachanrịn ogbẹnnyẹ e mẹ lẹ ndị ọzọ họdụ imẹ obodo ahụn, lẹ ndị hụn gi ẹka wẹ pụha, we enwẹn wẹ ye eze Babilọnụ, ogẹn ndị Babilọnụ gi kehunmẹ obodo hụ.

Jerimaya 52:8

Ndị-agha Babilọnụ nọ chụrụ eze, kunrun ẹ imẹ alị aradan ndị rị ẹhụ Jẹriko. Ndị-agha a ile nọ gba a tọ, gbayịya,

Ẹkwan 2:9

Ọnụ-mgbọn Jerusalẹm a dangụọ; ọ kpagipụgụọ ihiẹn ndị wẹ gi fidọn wẹ, wiwipụ wẹ. Eze ẹ lẹ ndị-isi ẹ rị nwan alị ndị ọzọ; Iwu Osolobuẹ arịzị, ndị-amụma rịn'a ara hụnzị ihiẹn ọwụlẹ ebe Osolobuẹ rị.

Ẹkwan 4:15

Ịhịan ile hụ e yi, “Pụ nị! Ụnụ rụ arụ! E jẹn ni! E jẹn ni! Emẹtụkwọlẹ ni ẹnyi ẹka!” Ogẹn wẹ gi gba ọsọ, wahunmẹmẹ, ndị alị ichẹn-ichẹn hụ a sị, “Ẹhẹn, anọdịkọzị wẹ alị ẹnyi ebeni.”

Ẹkwan 5:5

Ndị chọkọ isi ẹnyi e rugụọ ebe ẹnyi rị; ndụn a gụchanrịn ẹnyi, ẹnyi ara zu ikẹn.

Izikẹlụ 5:12

M sikọ d'e kebe ndị nke i ụzọ ẹtọ, gi ẹgụn lẹ eje-emu gbu ụzọ ohu tọ imẹ i, gi ọpịa-agha gbu ụzọ ohu kanị ẹlẹ imẹ obodo, e fe m ụzọ ohu ye alị ndị ọzọ rị ẹbamịn ile, gi ọpịa-agha chụ wẹ.

Ditrọnọmi 28:48

ụnụ k'e gi ẹgụn ihiẹn-oriri, ẹgụn mirin, ọtọ lẹ ogbẹnnyẹ mgbeleke fe ndị iṅẹnrẹn hụn Osolobuẹ k'e zi d'e mẹ ụnụ ihiẹn. Wẹ k'a kpọma ụnụ ẹgan igwe olu, d'e ru n'o tikpọchanrịn ụnụ.