Ẹkwan 1:11 - Ika

¹¹ Ndị Juda ile hụ a sụn udẹn, ebe wẹ rị a chọ ihiẹn-oriri; e gi wẹ ihiẹn ndị rị mkpa wẹ dọnmẹ a gbarị ihiẹn-oriri, kẹni wẹ hụn ụzọ ri ndụn. Euu Osolobuẹ, lee k'ọ rị m nị hụn kẹ wẹ rị e legberi m.

Ẹkwan 1:11 Iomraidhean Croise

Ndị-nze Nke Ẹbụọ 6:25

Ya kẹ ihiẹn-oriri nọ kọ ọda-ọda imẹ Sameria ogẹn ahụn; wẹ kehunmẹbie Sameria ọda-ọda d'e runi egho egbuzi ihiẹn-oriri — hụn wụnị w'e gi akpụrụ egho siliva ọgụn-ẹnọ e ṅọn isi jaki, e gi akpụrụ egho siliva isẹn e ṅọn “nsịn-nduru”.

Jobu 40:4

“Onwọnni ihiẹn m wụ, dodo — kịnị kẹ m k'a shịarị ị? E gigụọ m nwan ẹka kpukin ọnụ!

Ẹbụ-ọma 79:4

Alị ndị nọkunmẹni ẹnyi e d'a mụgbu ẹnyi; ndị fihunmẹni ẹnyi hụ a kọ ẹnyi ọnụ, e woo ẹnyi!

Jerimaya 15:19

“Ya kẹ Osolobuẹ nọ sị, ‘I hutọ, e werizi m'i — n'i hụn ụzọ rụnmazịnị m ọrụn; omẹni y'e ku oku furuni, ẹlẹ oku furulẹni, y'a wụsọnmẹ ọnụ m. Ndịnị nwọn kweyeni i, ẹlẹkwọ yụ k'e kweyeni wẹ!

Jerimaya 19:9

M k'e mẹ wẹ ri ụmụ wẹ ikẹnnyẹ lẹ ikpoho, e ri wẹ ibe wẹ yeni ẹgụn, ogẹn ndị-iṅẹnrẹn wẹ hụn chọkọ wẹ ogbugbu e gi kehunmẹ wẹ ye imẹ obodoni!”

Jerimaya 38:9

“Eze nwọnni m! Ẹfọ a jọka ikẹnnyẹ ndịnị mẹ Jerimaya onyẹ-amụma ihiẹnni ile wẹ mẹ ẹ. A tụgụọ w'a ye imẹ ọmị. Ẹgụn k'e gbu ẹ tọ ebẹhụ, makẹni ihiẹn-oriri arịzị obodoni.”

Jerimaya 52:6

Ogẹn o gi ru nke akpọhịn itenẹi imẹ ifọn nke ẹnọ imẹ ahụa hụ, ụkọ ihiẹn-oriri rị obodo ahụn a karịgụọ ẹka, nke wụnị ndị rị imẹ ẹ ahụnzịnị ihiẹn w'e ri.

Ẹkwan 1:8

Jerusalẹm e mẹọlẹ okẹn njọ, o gigụ a nwan rụ. Ndị ile hụn te a gbaye ẹ rị nwan e legberi ẹ, makẹni a hụngụọ wẹ ọtọ a; ya nwẹn rị nwan a sụn udẹn, e bupụ ihun.

Ẹkwan 1:9

Unyin hụn o ru ratọdẹ ẹkwa a — kanị o rodẹni ihiẹn k'e mẹn'ẹ ihun. Ọ nọ dan eje ẹdan, onwọnni onyẹ hụhụn'a. Euu Osolobuẹ, ledẹ afụnfụn m rị imẹ ẹ, nị hụn a nị eṅẹnrẹn e mẹrigụọ!

Ẹkwan 2:11

Ẹnya e d'a kpọhị m m gi a kwan ẹkwan, obi eruni m alị kaka, obi e dẹnhingụọ m makẹni e gbuchanrịngụọ wẹ ndị nke m, makẹni ụmụ-ẹka lẹ ndị wẹ pa ẹka rị a sọhịtọ ọgbara-ogbe imẹ obodo.

Ẹkwan 2:12

Ụmụẹka hụ a sị nnẹ wẹ, “Kẹ ẹnyi k'e ri? Kẹ ẹnyi k'a ra?” hụn ahụn wẹ rị a sọhị nọkẹ ndị-agha wẹ rụ eje-ẹhụ, a dantọ ọgbara-ogbe rịsọnmẹ imẹ obodo; a nwụntọ ẹka nnẹ wẹ.

Ẹkwan 2:20

“Euu Osolobuẹ, ledẹ k'ọ rị m! Onyẹ k'i mẹtu ẹnịna? Nị ikpoho e ri ụmụ ẹfọ wẹ, ụmụ wẹ rị e gi ẹka wẹ a zụn? Nị ịhịan e gbu ndị nchụn-ẹjan lẹ ndị-amụma imẹ Ụlọ-nsọ Osolobuẹ?

Ẹkwan 5:1

Euu Osolobuẹ, nyanhankwọ ihiẹn hụn mẹni ẹnyi, lee ẹnya n'ị hụn ụya ẹnyi rị e ri.