Ẹkwan 1:1 - Ika

¹ Euu, obodo nwẹn a gba okpokoro! Obodo nwẹn ịhịan te jun! Ledẹ k'ọ nọ kẹ okpoho di nwụnnahịn — obodo hụn te wụ okẹn obodo imẹ alị ichẹn-ichẹn! Obodo hụn te wụ eze-okpoho imẹ ẹgbẹrẹ rị ichẹn-ichẹn, e họnnringụọ nwan igbọn!

Ẹkwan 1:1 Iomraidhean Croise

Ndị-nze Nke Ibuzọ 4:21

Solomọnụ kịchanrịn alị-eze ile rị gha Iyi-Yufretisi d'e ru alị ndị Filistia gbegbegbe, d'e rukwọrị okẹn alị Izrẹlụ lẹ alị Ijiptu. Wẹ tụhasọnmẹni Solomọnụ ụtụ, rịsọnmẹ okpuru ẹ, o we nwụn.

Ndị-nze Nke Ẹbụọ 23:33

Fẹro wụ Nẹko, eze alị Ijiptu nọ kpọkin ẹ ye ụlọ-ngan imẹ obodo Ribla rị alị Hamatị makẹ ọ ghazị a kị ọkịkị imẹ Jerusalẹm. Fẹro nọ be ndị Juda ẹkpa siliva uku ọgụn-isẹn lẹ ẹkpa goru uku ohu.

Ndị-nze Nke Ẹbụọ 23:35

Jehoyakim a kụghọ Fẹro wụ Nẹko siliva lẹ goru hụ o be alị Izrẹlụ, kanị ụtụ ọ waye ndị alị hụ olu tụ k'o gi kụ a — onyẹ-onyẹ lẹ ihiẹn o be ẹ.

Ihiẹn Mẹni Nke Ẹbụọ 9:26

Solomọnụ kịchanrịn ndị-nze ile rị gha Iyi-Yufretisi d'e ru alị ndị Filistia d'e rukwọrị okẹn ịya lẹ alị Ijiptu.

Ẹzra 4:20

Jerusalẹm e nwọnọlẹ ndị-nze hụn kpa ikẹn, ndị nze hụn kị alị ile rị Nfetu Iyi-Yufretisi, wẹ hụ a kụhanị wẹ ụgwọ-isi, a tụhanị wẹ ụtụ alị lẹ ụtụ ibu-afịa.

Nehemiah 5:4

O nwọnzighọ ndị sị, “Ẹnyi gwarị zinrin egho kẹni ẹnyi hụn ụzọ tụ ụtụ alị ugbo lẹ alị vaịnị hụn eze be ẹnyi.

Nehemiah 9:37

Ufiri njọ ẹnyi, ihiẹnni ile bugbu enwẹn ẹ alịnị rị a mịpụha hụ a lanị ndị-nze alị ọzọ ndịnị i we ẹnyi che okpuru wẹ; wẹ hụ a kị kẹ ẹhụ ẹnyi kẹ anụ ẹnyi k'ọ sụọ wẹ. Ẹnyi rị nwan imẹ okẹn afụnfụn.”

Ẹbụ-ọma 122:4

Ebeni kẹ ebọn Izrẹlụ ile a bịa, ebọn ndị nke Osolobuẹ; w'a bịa d'e ye Osolobuẹ ekele; iwu k'ọ wụ imẹ alị Izrẹlụ.

Azaya 14:12

Euu, y'a ghagụọ elu-igwee dan, onyẹ-e-gbukeni, nwa ụtụntụn! A magụọ wẹ i ye alị — ịyụ hụn te welụa alị ichẹn-ichẹn alị!

Azaya 22:2

Euu, obodo isusu jun! Euu, obodo uku ẹhụ-ọtụtụ lẹ eje-nkpọtụ jun? Egini wẹ ọpịa-agha gbu ndị nke ọnụ wẹ gbu, ẹlẹzikwọ agha gbu wẹ.

Azaya 3:26

Obodo Zayọnụ k'a gha a kwan, a kwan ụya; o k'a gwọrị alị lekẹ okpoho di lẹ ụmụ nwụnnahịn.

Azaya 49:21

Ogẹn ahụn, ị k'a sị enwẹn i, ‘Onyẹ mụnị m ụmụ ndịnị wẹ?! Wẹ te gbunarịn ụmụ m ile, m nọ gbarị ẹka; wẹ te kpụnshi m alị ọzọ, jụ m. Onyẹ zụn nwan ndịnị wẹ? Mmẹ sụọ te họdụ. Elebe kẹ ndịnị wẹ gha nwan bịa?’ ”

Azaya 50:5

Onyẹ-nwọnni-ẹnyi wụ Osolobuẹ a shịapụgụọ m ntịn, efeni m isi, arụnị m isi ye imẹ.

Azaya 52:2

Jerusalẹm, zinzinpụ ẹjan rị ị ẹhụ. Lihi ọtọ, n'ị nọdị elu ukpo-eze. Zayọnụ hụn rị ẹgbụn, tọpụ ẹgbụn ahụn rị ị olu!

Azaya 52:7

Ụkụ ndịnị fetula ugu arịka mma-o! Ụkụ ndị ahụn wela ozi rị mma! Ndị bịa d'e ku ni ihiẹn a rịgụọ mma, ndị wẹhẹ ozi rị mma, ndị rị a hị nị nzụọpụha a bịagụọ, ndị rị a sị ndị Zayọnụ, “Chuku ụnụ wụ eze!”

Azaya 54:4

Atụlẹ egun, ifẹnrẹn emẹkọ ị. Atụlẹ egun ịfa — y'a fakọ. I k'a zọdẹ ifẹnrẹn hụn mẹn'i kẹ ị rị nwagbọọ; y'a nyanhankọzị ụya i ri kẹ m la ị tọ rịkẹ onyẹ di nwụnnahịn.

Jerimaya 31:7

Osolobuẹ sịzị, “Bụnị nị Jekọpụ ẹbụ ịghọghọ; yini ni alịnị ka alị ndị-ọzọ ile oro ịghọghọ. Weshi ni olu elu ye ekele, a sị, ‘Euu, Osolobuẹ, dodo zụọpụha ndị nke i, ndị Izrẹlụ họdụnị.’

Jerimaya 40:9

Gẹdalia nwa Ahikam nwa Shafanị nọ kun ẹfan Osolobuẹ kwe wẹ lẹ ndị-agha wẹ nkwa n'o nwọnni ihiẹn k'e mẹni wẹ. Ọ sị wẹ, “Atụlẹ ni egun. Biri ni alịnị, ụnụ e we enwẹn ụnụ che okpuru eze Babilọnụ, kẹn'ọ rịnị ụnụ mma.

Jerimaya 42:2

Wẹ nọ sị Jerimaya, “Dodo kẹ ẹnyi rị a rịọ ị, mẹ ekpere rịọnị ẹnyi Osolobuẹ wụ Chuku i; yeni ẹnyi ndị họdụnị ẹka — yụ lẹ enwẹn i a hụngụọ nị ẹnyi ebuzini ọda kẹ ẹnyi buhan mbụ.

Jerimaya 44:2

Osolobuẹ ihiẹn ile ri okpuru ẹ, hụn wụ Chuku Izrẹlụ, sị, “Ụnụ e gigụọ ẹnya ụnụ hụn eje-ihiẹn ile m mẹ obodo Jerusalẹm lẹ obodo ọzọ ile rị alị Juda, nke wụnị wẹ ile gba nwan okpokoro tannị, mẹ mkpọkọ-mkpọkọ;

Jerimaya 44:6

Ya m nọ gi olulu sọn wẹ nọkẹ ọkụn. Ọ dụn alị ichẹn-ichẹn rị Juda lẹ ọgbara-ogbe rị obodo Jerusalẹm, wẹ gi nwan gba okpokoro, họnrin mkpọkọ-mkpọkọ k'o rị nwan tannị.

Jerimaya 50:23

Okẹn ntikpọ kẹ wẹ k'e tikpọ Babilọnụ, igwe nwẹn wẹ te gi dụkpọ ụwa ile, nke Babilọnụ a gụ. Babilọnụ k'e họnrin ihiẹn hụn a tụ ndị alị ichẹn-ichẹn egun.

Jerimaya 9:11

Osolobuẹ sị, “M k'e mẹ Jerusalẹm wụrụ mkpọkọ-ụlọ, mkpọkọ-ụlọ, nkitẹ-ọfịa e bi atụ e biri ẹ; m k'e tikpọchanrịn obodo ndị rị alị Juda la iwi, onwọnzini onyẹ k'a sa ẹka bi imẹ wẹ.”

Ẹkwan 1:19

A kpọghọ m ndị mmẹ lẹ wẹ te e mẹtarị, kanị wẹ nọ re m. Ndị nchụn-ẹjan m lẹ ndị-ichẹn m a nwụnhụngụọ imẹ obodo, ebe wẹ chọkọ ihiẹn w'e ri kẹni wẹ rị ndụn.

Ẹkwan 2:1

Ledẹ kẹ Osolobuẹ dọn gi olulu mẹ ishi gbakpuru Nwagbọọ wụ Obodo Zayọnụ. Ọ ghagụọ elu-igwee tụ ọghọ Izrẹlụ ye alị; ọ nyanhandẹni nị ihiẹn o gi a tụkwasị ụkụ rọ, ụhụọhịn ahụn ọ rị e bu olulu.

Ẹkwan 2:10

Ndị-ichẹn rị imẹ Nwagbọọ wụ obodo Zayọnụ gwọrị nwan alị, gbachanrịn nkịtịn; a bụọgụọ wẹ uzunzun ye isi, yirisọnmẹ ẹkwa-achọ nke ndị ihiẹn mẹ. Ịgbagba Jerusalẹm rị nwan e bu ihun a kọma alị.

Ẹkwan 4:1

Goru nwẹn egbukezini, ezigbo goru nwẹn a rakpo! Ọmụma ndị nwẹn rị nsọ feyịya nwan isi ọgbara-ogbe ile.

Ẹkwan 5:16

Okpu-eze a ghagụọ ẹnyi isi dan. Ụya e rịgụọ ẹnyi makẹ njọ ẹnyi!

Izikẹlụ 26:16

Ogẹn ahụn, ndị-nze alị ile rị ohimin a gha ukpo wẹ hidan, gbụ ẹkwa-nze wẹ lẹ ẹwuru rị mma wẹ ye ụsụọ, egun a wụrụ ẹkwa wẹ, akpakalị e họnrin ukpo wẹ, a mama wẹ piripiri, ihiẹn hụn mẹn'i a gụ wẹ ndụn.

Izikẹlụ 26:2

“Nwa-ịhịan, ebe Taya nọ sị Jerusalẹm, ‘Ẹhẹn! E tikpọgụọ wẹ i, ọnụ-mgbọn nwẹn rị alị ile mkpa! Ụzọ a kpọpụgụọnị m nwan! M k'a gha nwan ihun hụnnị ọ dan!’

Izikẹlụ 5:5

“ ‘Osolobuẹ nwọn ihiẹn ile sị: Ọnwan wụ Jerusalẹm hụn m bu che ọnọdị rị mkpa ahanmahan alị ile, hụn m we alị ichẹn-ichẹn fihunmẹ.

Lẹvitikọsụ 26:31

M k'e tikpọchanrịn obodo ndị rị alị ụnụ ru alị, tikpọchanrịn ebe ụnụ nọ e fe m ofufe; ishin ọma ẹjan ndị hụ ụnụ a chụnyeni m asụọkọ m.

Lẹvitikọsụ 26:33

M k'e feyịya ụnụ ye alị rị ichẹn-ichẹn, a mịrịn m ọpịa-agha, chụ ụnụ. Alị ụnụ k'a la iwi, obodo rịsọnmẹ alị ụnụ k'a nọ mkpọkọ-mkpọkọ:

Zẹfanaya 2:15

Ọnwan wụ obodo Ninivẹ nwẹn te rị a ṅannị, hụn nwọnlẹni ihiẹn ọ tụ egun ẹ! Ninivẹ hụn e te sị enwẹn ẹ, “Mmẹ rọ! Onwọnni onyẹ han kẹ mmẹ!” Lee k'o gba nwan okpokoro! O họnringụọ nwan ebe anụ ọfịa e bi! Onyẹ pụha ebe Ninivẹ te rị, ọ ma ọsụọ, o be ọrịọ.

Rẹvẹleshọnụ 18:7

Ye ẹ afụnfụn lẹ ẹkwan han kẹ ọghọ o ye enwẹn ẹ lẹ obibi mmẹ-nwọn-enwẹn-m o bi. “Ebe o mẹni ọ sị enwẹn ẹ, ‘Mmẹ wụ eze; di anwụnnahịnnị m; ihiẹn-ẹkwan emẹkọ m!’