Daniẹlụ 9:8 - Ika

⁸ Euu, Osolobuẹ, ẹnyi rị nwan e ri ụya, ẹnyi lẹ ndị-nze ẹnyi lẹ ndị-isi ẹnyi lẹ ndị nẹdi ẹnyi — makẹ njọ ẹnyi mẹ i.

Daniẹlụ 9:8 Iomraidhean Croise

Ndị-nze Nke Ẹbụọ 21:15

O k'e mẹ makẹni e mẹọlẹ wẹ eje-ihiẹn ẹnya m, a kpasu m iwe ọkpasu-ọkpasu ghakwọrị ụhụọhịn ndị nẹdi wẹ gha alị Ijiptu pụha d'e ru tannị.”

Ihiẹn Mẹni Nke Ẹbụọ 6:37

a nọ wẹ alị ndị gini wẹ rohutọ, nọ alị ahụn wẹ nọ gi wẹ hutọ, rịọ ị, sị, ‘Ẹnyi e mẹọlẹ njọ; ẹnyi e mẹfiegụọ; ẹnyi e mẹọlẹ eje-ihiẹn’;

Nehemiah 1:6

Dodo, gọn ntịn, dodo lee ẹnya, n'ị nụ ekpere mmẹ wụ odibo i rị nwan ihun i e mẹ efinaị lẹ uhinhin, a rịọ ị banyeni idibo i, ndị Izrẹlụ; m rị e ku ẹ nị ẹnyi ndị Izrẹlụ e mẹọlẹ njọ — kẹ mmẹ kẹ ikpụlọ nẹdi m e mẹgụọ ị njọ.

Azaya 64:4

Gha alị lala, anụtuni wẹ n'o nwọn Chuku ọzọ nọ kẹ yụ, onwọntudẹni onyẹ o feban ntịn; ahụntuni wẹ Chuku ọzọ nọ kẹ yụ, hụn e mẹni ndị e chen'ẹ ihiẹn y'e mẹ.

Jerimaya 14:20

Euu, Osolobuẹ, ẹnyi e kwerigụọ nị ẹnyi e mẹọlẹ njọ lẹni ndị nẹdi ẹnyi mẹ njọ; ẹnyi e mẹgụọ ị njọ nke-esi.

Jerimaya 32:32

M k'e mẹ ẹ makẹni Izrẹlụ lẹ ndị Juda e gigụọ eje-ihiẹn ile wẹ mẹ kpasu m iwe — kẹ wẹ kẹ ndị-nze wẹ kẹ ịhaịmẹ wẹ kẹ ndị nchụn-ẹjan wẹ kẹ ndị-amụma kẹ ndị alị Juda lẹ ndị bi imẹ obodo Jerusalẹm.

Jerimaya 7:19

Mmẹ kẹ wẹ rịdẹ nwan e mẹ ra? Ẹlẹ enwẹn wẹ kẹ wẹ rị nwan e mẹ, e gi ẹ e gbe ifẹnrẹn e ye enwẹn wẹ ihun? Ya kẹ Osolobuẹ ku.

Ẹkwan 1:18

Osolobuẹ wụ onyẹ ezi-omumẹ, kanị a paghọ m oku ẹ. Gọn ni ntịn, ụnụ ndị alị ichẹn-ichẹn; lee ni afụnfụn m rị imẹ ẹ! Kẹ ikorọbịa m kẹ ịgbagba m — a kpụngụọ wẹ wẹ shi alị ndị ọzọ rị ichẹn-ichẹn.

Ẹkwan 3:42

“Ẹnyi e mẹgụọ njọ, nupụ isi, yụ nwẹn a jụgụọ nị y'a gbagharịkọ ẹnyi.

Ẹkwan 5:16

Okpu-eze a ghagụọ ẹnyi isi dan. Ụya e rịgụọ ẹnyi makẹ njọ ẹnyi!

Izikẹlụ 16:63

M k'e mẹ ẹ, kẹni m gbarịgụ isi i imẹ eje-ihiẹn ile i mẹ, y'a nyanhan ihiẹn i mẹ, ifẹnrẹn e mẹ i, y'a shịapụkọzị ọnụ yeni ifẹnrẹn. Ya kẹ Osolobuẹ Nwọn Ihiẹn Ile ku.’ ”

Izikẹlụ 5:6

Kanị, Jerusalẹm e nupụgụọ isi okpuru iwu m, mẹkarị alị ndị ọzọ njọ, dan iwu m karị alị ndị ile nọkunmẹn'ẹ — makẹni ndị Jerusalẹm a jụgụọ iwu ile m ye wẹ, egini wẹ wẹ bi.

Daniẹlụ 9:9

Di-nwọnni-ẹnyi hụn wụ Chuku ẹnyi wụ onyẹ omikẹn lẹ onyẹ mgbagharị, ọ sụọn'a nị ẹnyi e nupụgụọ isi okpuru ẹ —