Daniẹlụ 9:6 - Ika

⁶ Ẹnyi egọnni idibo i ndị-amụma ntịn — ndị amụma ị, hụn gi ẹfan ị gwa ndị-nze ẹnyi lẹ ndị-isi ẹnyi lẹ ndị nẹdi ẹnyi lẹ ndị alị ẹnyi ile oku.

Daniẹlụ 9:6 Iomraidhean Croise

Ndị-nze Nke Ẹbụọ 18:12

Ọnwan mẹ makẹni emẹni wẹ ihiẹn Osolobuẹ wụ Chuku wẹ gwa wẹ, kama, e tikpọ wẹ iwu o gi kwọngbama ya lẹ wẹ — ihiẹn ile Mozizi wụ odibo Osolobuẹ sị wẹ mẹ. Egọnni wẹ ntịn ihiẹn ndị ọ gwa wẹ, emẹni wẹ wẹ.

Ihiẹn Mẹni Nke Ẹbụọ 33:10

Osolobuẹ a gwa Manasẹ lẹ ndị nke ẹ oku, egọnni wẹ ntịn.

Ẹzra 9:7

Gha ogẹn ndị nẹdi ẹnyi wẹ d'e ru tannị ikpe eje-ihiẹn ẹnyi rị e mẹ hụ a ma ẹnyi ọda-ọda. Njọ ẹnyi haịn agha gi e gbu ẹnyi lẹ ndị-nze ẹnyi lẹ ndị nchụn-ẹjan ẹnyi; ịya haịn wẹ gi a nwụnrụn ẹnyi, a kwarị ihiẹn ẹnyi, ẹnyi hụ e ri ụya ẹka ndị-nze alị ndị ọzọ k'o dọn nwan rị tannị.

Nehemiah 9:30

Ị nọ gi ndidin sọn wẹ ahụa bu ọda, gi Mmọn ị dọsọnmẹ wẹ ẹka-ntịn ghahanị ndị-amụma ị. Kanị egọnni wẹ ntịn. Ya ị nọ bu wẹ che ẹka ndị alị ọzọ nọhunmẹni wẹ.

Nehemiah 9:32

“Kikẹnni hụra, Chuku ẹnyi, Chuku hụn hi-ogbe, hụn nwọn ikẹn, hụn rị egun, hụn e nwọnsọnmẹ ihiẹn-ọsụsụọ o kwe nkwa a; dodo, elelịalẹ afụnfụnnị ile — afụnfụnnị ile bịanịnị ẹnyi lẹ ndị-nze ẹnyi lẹ ndị-isi ẹnyi lẹ ndị nchụn-ẹjan ẹnyi lẹ ndị-amụma ẹnyi lẹ ndị nẹdi ẹnyi wẹ lẹ ndị nke i ile, ghakwọrị ogẹn ndị-nze alị Asiria gi kpa ikẹn d'e ru tannị.

Nehemiah 9:34

kẹ ndị-nze ẹnyi kẹ ndị-isi ẹnyi kẹ ndị nchụn-ẹjan ẹnyi kẹ ndị nẹdi ẹnyi wẹ kanị edọnmẹni Iwu i; egọnni wẹ ntịn ihiẹn ị sị ẹnyi mẹ mọbụ gi ẹka-ntịn ị dọ wẹ mẹ ihiẹn ọwụlẹ,

Jerimaya 26:5

omẹni ụnụ egọnni idibo m wụ ndị-amụma ntịn — ndị amụma hụn m rị e zihẹni ụnụ ozihẹni-ozihẹni, hụn ụnụ jụ nị ụnụ egọnkọ ntịn,

Jerimaya 29:19

Makẹni egini wẹ oku m dọn, oku hụn m gi idibo m wụ ndị-amụma gwa wẹ ọgụgwa-ọgụgwa. Ya kẹ Osolobuẹ ku. Ụnụ nwẹn wẹ kpụnshi alị ndị-ọzọ egizikwọnị oku m dọn. Ya kẹ Osolobuẹ ku.

Jerimaya 44:16

“Ẹnyi e gọnkọdẹ ntịn ihiẹn ahụn ị sị nị ya kẹ Osolobuẹ sị ẹnyi mẹ!

Jerimaya 7:13

Kẹ ụnụ rị e mẹ ihiẹn ndịnị, m hụ a gwa ụnụ ọgụgwa-ọgụgwa, kanị ụnụ egini dọn; a kpọ m ụnụ, ụnụ azanị. Ya kẹ Osolobuẹ ku.

Jerimaya 7:24

Kanị, egọndẹni wẹ ntịn, achọdẹni wẹ nị wẹ nụ; a gbasọnmẹdẹ wẹ isi-akwanran, mẹsọnmẹ ihiẹn eje-obi wẹ ye wẹ. Hụn nkẹ w'e gi e shi ihun, wẹ hụ a la azụụn.

Daniẹlụ 9:10

ẹnyi emẹni ihiẹn Osolobuẹ wụ Chuku ẹnyi sị ẹnyi mẹ mọbụ sọn iwu ndị ọ gha ẹka ndị-amụma a ye ẹnyi.

Daniẹlụ 9:9

Di-nwọnni-ẹnyi hụn wụ Chuku ẹnyi wụ onyẹ omikẹn lẹ onyẹ mgbagharị, ọ sụọn'a nị ẹnyi e nupụgụọ isi okpuru ẹ —

Matiu 23:37

“Euu Jerusalẹm! Jerusalẹm!! Obodo hụn e gbu ndị-amụma, e gi ọmụma a magbu ndị wẹ zihẹn'ẹ! Mgbe ole-lẹ-ole kẹ m chọpụ nị m kpumẹ ụmụ ị kẹ nneku-ọhụhụ dọn e gi nku e kpumẹ ụmụ a, bụ y'a nịnị m!

Ọrụn Ndị-ozi 13:27

Kanị, makẹni ndị bi Jerusalẹm lẹ ndị-isi wẹ aghọtanị ihiẹnni lẹ oku ndị-amụma w'a gụn Ụhụọhịn Ezumikẹn ile, wẹ nọ gbu ẹ, oku ndị hụ nọ gha ẹka wẹ bụn.