Daniẹlụ 9:4 - Ika

⁴ M nọ mẹ ekpere jẹnni Osolobuẹ wụ Chuku m, e kupụha njọ ẹnyi, sị, “Dodo, Di-nwọnni-ẹnyi, Chuku uku, hụn w'a tụ egun ẹ, hụn e nwọnsọnmẹ ihiẹn-ọsụsụọ ndị ihiẹn ẹ a sụọ hụn rị e mẹ ihiẹn o ku,

Daniẹlụ 9:4 Iomraidhean Croise

Ndị-nze Nke Ibuzọ 8:23

sị: “Euu Osolobuẹ, Chuku Izrẹlụ, onwọnni Chuku nọ kẹ yụ, kẹ imẹ elu elu-igwere kẹ alị imẹ ụwa — ịyụ hụn e gisọnmẹ ihiẹn-ọsụsụọ i kwe nkwa a e sọn idibo i ndị gi obi wẹ ile e sọn ụzọ ị:

Ihiẹn Mẹni Nke Ẹbụọ 7:14

omẹni ndị nke m, ndị rị a za ẹfan m, e welụaghọ enwẹn wẹ alị, mẹ ekpere, chọ ihun m, latọ eje-ihiẹn w'e mẹ, m k'a gha elu-igwee nụ olu wẹ, a gbagharị m wẹ njọ, zụọ alị wẹ emu rị a kụn'a.

Ẹzra 10:1

Hụn ahụn Ẹzra rị ebẹhụ e mẹ ekpere, a sị “Osolobuẹ, ẹnyi e mẹọlẹ njọ”, a kwan, e we enwẹn ẹ e gbe alị ihun Ụlọ Chuku, ndị Izrẹlụ bugbu enwẹn wẹ ọda nọ gbakikomẹmẹ, fihunmẹ ẹ — kẹ ikẹnnyẹ kẹ ikpoho kẹ ụmụ-ẹka. Wẹ nwẹn hụzị a kwan ẹkwan ọda-ọda.

Nehemiah 1:5

sị, “Euu Osolobuẹ, Chuku rị elu-igwee, Chuku hụn hi ogbe, hụn w'a tụ egun ẹ, hụn e gi ihiẹn-ọsụsụọ e sọn ndị ya lẹ wẹ kwerigbama, ndị ihiẹn ẹ a sụọ hụn rị e dọnmẹ iwu ẹ.

Nehemiah 9:32

“Kikẹnni hụra, Chuku ẹnyi, Chuku hụn hi-ogbe, hụn nwọn ikẹn, hụn rị egun, hụn e nwọnsọnmẹ ihiẹn-ọsụsụọ o kwe nkwa a; dodo, elelịalẹ afụnfụnnị ile — afụnfụnnị ile bịanịnị ẹnyi lẹ ndị-nze ẹnyi lẹ ndị-isi ẹnyi lẹ ndị nchụn-ẹjan ẹnyi lẹ ndị-amụma ẹnyi lẹ ndị nẹdi ẹnyi wẹ lẹ ndị nke i ile, ghakwọrị ogẹn ndị-nze alị Asiria gi kpa ikẹn d'e ru tannị.

Ẹbụ-ọma 32:5

Ya kẹ m nọ kweri gwa ị n'e mẹọlẹ m njọ; ezuemẹzinini m'ị njọ m; e sị m enwẹn m, “M jẹnkọ d'a gwaghọsị Osolobuẹ eje-ihiẹn ndị m mẹ.” Ya ị nọ gbagharị m njọ m. Sẹla

Ọpụpụ 20:6

Kanị, ndị ihiẹn m a sụọ rị e dọnmẹ iwu m, m'e mẹni wẹ lẹ ụmụ wẹ kẹ ndị nke m d'e rudẹ agbọ nnụ-uku ole-lẹ-ole.

Jerimaya 3:13

Ka kwerihụ nị y'e mẹọlẹ njọ, nị y'e nupụgụọ isi okpuru Osolobuẹ wụ Chuku i, y'e wegụọ enwẹn i kwanị mmọn alị ọzọ rị ichẹn-ichẹn okpuru osisi ọwụlẹ duni, y'e mẹni ihiẹn m sị ị mẹ.” Ya kẹ Osolobuẹ ku.

Jerimaya 32:23

Wẹ nọ banhan a, weri ẹ. Kanị, egini wẹ oku i dọn, e gini wẹ Iwu i ye wẹ bi: emẹni wẹ ihiẹn ị sị wẹ e mẹ. Ị nọ nwan hu eje-ihiẹnni ile kpu wẹ.

Daniẹlụ 6:10

Mgbe Daniẹlụ gi nwan marịn nị e tigụọ wẹ iwu hụ, de ẹ, ma ọkwa a, ọ nọ lashi iwe ẹ. Mgbe ẹtọ imẹ ụhụọhịn ọ hụ e jẹn mmughẹ ẹ rị ibe elu hụn windo ẹ bu ihun zinmẹ ibẹka Jerusalẹm, e gbu osekpu, e mẹ ekpere, a kpanmịn Chuku ẹ, k'o dọn e mẹ mbụ.

Daniẹlụ 9:3

Ya m nọ bu ihun zinmẹ Di-nwọnni-ẹnyi wụ Chuku, mẹmẹ ekpere, rịọma a, e bu ọnụ, e yi ẹkwa-achọ wẹ gi a kwan ụya, e kpọn m ntụn ye isi nke onyẹ ihiẹn mẹ.

Luku 1:72

n'o sikọ d'e mẹni ndị nẹdi ẹnyi kanị omikẹn nyanhan nkwerigbama nsọ a —

Ndị Rom 8:28

Ẹnyi a marịnghọ nị Osolobuẹ e gi ihiẹn ile a rụnpụhanị ndị ihiẹn ẹ a sụọ ihiẹn rị mma, ndị ọ kpọ makẹ ihiẹn ọ chọ n'o mẹ.

Ditrọnọmi 5:10

kanị m'e gi ihiẹn-ọsụsụọ e sọn ụmụ ndị ihiẹn m a sụọ, ndị e mẹ ihiẹn m ku, d'e rukwọrị agbọ ‘nnụ-nnụ’.

Ditrọnọmi 7:12

Ụnụ gọn ntịn iwu ndị ahụn o ye ụnụ, kpachanpụ ẹnya sọn wẹ, Osolobuẹ wụ Chuku ụnụ k'e mẹ nke ẹ, gi ihiẹn-ọsụsụọ a ahụn sọn ụnụ, hụn ahụn o kun enwẹn ẹ kwe ndị nẹdi ụnụ kanị nkwa a.

Ditrọnọmi 7:21

Atụkwọlẹ ni egun wẹ, makẹni Osolobuẹ wụ Chuku ụnụ, hụn rị imẹ igunrun ụnụ, wụ Chuku hi-ogbe, hụn e mẹ ihiẹn a tụ egun.

Ditrọnọmi 7:9

Marịn nị nwan nị Osolobuẹ wụ Chuku ụnụ wụ Chuku nke-esi; Chuku wẹ gi e dọn ẹnya k'ọ wụ: o gisọnmẹ ihiẹn-ọsụsụọ o kwe nkwa a e sọn ụmụ ndị ihiẹn ẹ a sụọ, ndị e mẹ ihiẹn o ku, o gi ẹ e sọn wẹ agbọ nnụ ole-lẹ-ole.

Jemisi 1:12

Onyẹ hụn din ndidin ebe wẹ rị e lele ẹ e nwọngụọ ngọzi, makẹni, ọ pụha ọhụnma, Osolobuẹ e gi ndụn tu ẹ ugọn k'o dọn kwe nkwa n'o k'e mẹ ndị ihiẹn ẹ a sụọ.

Jemisi 2:5

Ezigbo umunẹ m m bu obi, gọn ni ntịn! Osolobuẹ a họrịgụọnị ndị wụ igbẹnnyẹ imẹ ụwanị mẹ wẹ wụrụ ndị-ịdanfịn imẹ okukwe, wụrụzị ndị k'a banye Alị-eze hụ o kwe nkwa n'o k'e ye ndị ihiẹn ẹ a sụọ?