Daniẹlụ 9:25 - Ika

²⁵ “Marịn nwan ihiẹnni m jẹnkọ d'e ku; ghọta a ọhụnma: Gha ogẹn wẹ k'e gi ye iwu sị wẹ dọnzi Jerusalẹm, tụndọnzi ẹ, d'e ru ogẹn Onyẹ hụ Osolobuẹ tumẹ e gi bịa, ogẹn Onyẹ ọkịkị hụ e gi bịa, k'a wụ ‘ẹsa ụzọ ẹsa cheni ẹsa ụzọ ẹbụọ-kwasị-ọgụn-ẹtọ’. Wẹ k'a tụndọnzi ẹ, tụndẹ ọgbara-ogbe lẹ mgbọn ye ẹ, kanị wẹ k'a hụn nsọngbu wẹ gha a rụn a.

Daniẹlụ 9:25 Iomraidhean Croise

Samuẹlụ Nke Ẹbụọ 15:25

Ya eze nọ sị Zadọkụ, “Bukinkwọ Ẹkpẹti Chuku imẹ obodo. Omẹni ihiẹn m a sụọghọ Osolobuẹ, o k'e wekinhẹn m, mẹ m hụnzị Ẹkpẹti ẹ lẹ ebẹhụ ya lẹ enwẹn ẹ bi.

Ẹzra 4:24

Ya kẹ ọrụn Ụlọ Chuku rị imẹ Jerusalẹm nọ kụsị d'e ru ahụa nke ẹbụọ Dariọsụ eze Pẹshịa kịma.

Ẹzra 7:1

O tebe ọhụnma-ọhụnma, ogẹn Atazẹzẹsi gi wụ eze Pẹshịa, Ẹzra nọ bịa. Ẹzra wụ nwa Sẹraya nwa Azaria nwa Hil'kia.

Ẹzra 7:8

Ifọn nke isẹn imẹ ahụa nke ẹsa eze wụ Atazẹzẹsi kịma kẹ Ẹzra gi ru Jerusalẹm.

Nehemiah 3:1

Ya onyẹ-isi nchụn-ẹjan wụ Ẹliashibu lẹ ndị nchụn-ẹjan ibe ẹ nọ ban ọrụn, dọnzi Ọnụ-mgbọn Atụnrụn. Wẹ nọ dọn ẹ nsọ, yikin ẹ, dọnzi ẹ d'e rukwọrị Ụlọ-nche “Ọgụn-isẹn,” dọnzi ẹ d'e ru Ụlọ-nche Hananẹlụ.

Nehemiah 4:2

Ihun ibe wẹ lẹ ndị-agha Sameria, ọ sị, “Kịnị kẹ ndị Ju ndịnị zelẹni rịdẹ e mẹ? Wẹ ro nị wẹ k'a sa ẹka dọnzi mgbọn wẹ? Wẹ ro nị wẹ chụnyenihụ Chuku ẹjan, mgbọn a nị wẹ rụn? Wẹ rodẹ nwan nị ọrụn akp'ọhịn rọ ra? Ọmụma ndị hụ wẹ rị e weri mkpọkọ mgbọn kẹ wẹ k'e gidẹ nwan tụn a ra, ọmụma dụngụ ọkụn?”

Nehemiah 4:8

Wẹ ile nọ zuni ẹnyi umẹ ni wẹ bịa d'a lụsọn Jerusalẹm ọgụn lẹ ni wẹ se isusu ye imẹ ẹ.

Nehemiah 6:15

Hụn mẹ ẹ akpọhịn isẹn kwasị ọgụn imẹ ọnwan Ẹlulu kẹ ẹnyi gi dọnzichanrịn mgbọn hụ, ya wụ nị akpọhịn mmẹbụọ kwasị ọgụn-ẹbụọ (52) kẹ ẹnyi gi dọnzichanrịn a.

Ẹbụ-ọma 71:10

Ndị-iṅẹnrẹn m hụ e ku oku m; ndị rị e ke m nke nị wẹ gbu m hụ e zuni m umẹ,

Ẹkịliziastisi 3:3

ogẹn ogbugbu lẹ ogẹn ọzụzụọ; ogẹn itikpọ-ihiẹn lẹ ogẹn ịtụn-ihiẹn;

Azaya 55:4

Lee ẹ, e gigụọ m'a họnrin ọshẹri jẹnni ndị alị ichẹn-ichẹn, onyẹ-ndu lẹ ọkị-agha alị ichẹn-ichẹn.

Azaya 9:6

Makẹni a mụgụọnị wẹ ẹnyi nwa, e yegụọ wẹ ẹnyi nwa-okẹnnyẹ; ịya jẹnkọ d'a kị. Wẹ k'a kpọ a Onyẹ-ndụnmọdụn Hụn Pụ-ichẹn, Chuku Hụn wụ Dikẹn, Nẹdi Itẹbitẹ, Eze-Udọn.

Daniẹlụ 8:11

O bushi enwẹn ẹ elu, bunụmadẹni Onyẹ kị ndị-agha elu-igwee; gbọndọn wẹ achụyelẹn'ẹ ẹjan w'a chụsọnmẹ ụhụọhịn-ụhụọhịn, welụa Ụlọ-nsọ a alị.

Daniẹlụ 8:25

O k'e gi ndufie gha ihun ọhụnma-ọhụnma, weri ẹ n'o nwọnni onyẹ hankẹ ya. Ogẹn wẹ gi e ro nị nsọngbu arịa kẹ o k'e gi gbu ndị bu ọda, bunụmanị Onyẹ a kị ndị-ọkịkị. Wẹ k'e gbu ẹ, kanị ẹlẹ ẹka ịhịan k'e gbu ẹ.

Daniẹlụ 9:23

Ogẹn i gihụ mẹmẹ ekpere hụ kẹ Osolobuẹ gi za. Azịza hụ kẹ m wẹhẹni i nwan, makẹni Osolobuẹ ara gi i gu egu. Leban nwan ẹnya ozi hụ, nị ị hụn ụzọ ghọta ọhụn ahụn:

Maịka 5:1

Kịpụhagụ nwan ndị-agha ị, nị ndị-iṅẹnrẹn e kehunmẹgụọ ẹnyi: a fịan wẹ onyẹ-ọkịkị Izrẹlụ ẹgbe nti.

Maịka 5:2

Kanị, ịyụ, Bẹt'lẹhẹm Ẹfrata, hụn nwọnlẹni ihiẹn ọ wụ imẹ ebọn ndị rị Juda, imẹ i kẹ onyẹ-ọkịkị a gha pụhanị m, d'a kị ndị Izrẹlụ, Onyẹ hụn rị ẹdẹi, rị kete-kete.

Matiu 13:23

Kanị, mkpụrụ wẹ ghaye alị rị mma wụ ndị hụ hụn nụ oku hụ, ghọha a, sue, mẹ ọhụnma-ọhụnma: ụfọdụ a mị ọgụn-isẹn, ụfọdụ a mị ọgụn-ẹtọ, ụfọdụ a mị iri-kwasị-ọgụn.”

Matiu 24:15

“Ya wụ, ụnụ hụn arụ ahụn k'e buhẹ ntikpọ k'o turu imẹ Ebe rị nsọ nọkẹ kẹ Daniẹlụ onyẹ-amụma dọn ku (onyẹ rị a gụnnị ya ghọta a ọhụnma),

Makị 13:14

“Kanị, hụn ụnụ gihụ hụn ‘Eje-ụrụ ahụn’ k'o wuzo ebe furulẹni n'ọ rị (onyẹ hụn rị a gụn ihiẹnni ya ghọha a), ndị rị Judia ogẹn hụ wẹ gbashi elu-ugu.

Jọnụ 1:41

Ọ nọ bu ụzọ chọjẹn nwẹnẹ ẹ wụ Saịmọnụ, sị a, “Ẹnyi a hụnọlẹ Onyẹ Nzụọpụha Hụ Osolobuẹ Tumẹ hụn wụ Kraịstị.”

Jọnụ 4:25

Okpoho hụ nọ sị a, “A marịnghọ m nị Onyẹ Nzụọpụha Hụ Osolobuẹ Tumẹ hụn w'a kpọ Kraịstị lala; ọ bịa, n'ọ gwachanrịnghọ ẹnyi ihiẹn ile.”

Ọrụn Ndị-ozi 3:15

Ụnụ nọ gbu onyẹ hụn e ye ndụn, kanị Osolobuẹ nọ gha ọnwụn weli ẹ. Ihiẹnni mẹye ẹnyi ile ẹnya.

Ọrụn Ndị-ozi 5:31

Osolobuẹ e weshigụọ a nwan elu, bu ẹ che ẹka-nni ẹ, ebẹhụ ọghọ rị, mẹmẹ ẹ Onyẹ-ndu lẹ Onyẹ-nzụọpụha, kẹni ndị Izrẹlụ gha ẹka a rogharị nwọnhẹn mgbagharị njọ wẹ.

Ọrụn Ndị-ozi 8:30

Ya Filipu nọ gbakunrun ụgbọ-anyịnyan hụ, nụ kẹ okẹnnyẹ hụ rị a gụn Ẹkụkwọ Azaya onyẹ-amụma. Ọ nọ jụ a, sị, “Ị hụ nwan a ghọta ihiẹn ị rị a gụn?”

Ndị Ẹfẹsọsụ 5:16

Anịlẹ ni oghere ọwụlẹ ụnụ nwọn la mmaka, makẹni elu e zekẹ.

Rẹvẹleshọnụ 1:5

lẹ Jizọsị Kraịstị — Jizọsị Kraịstị hụn wụ ọshẹri ahụn furu wẹ gi e dọn ẹnya, onyẹ ibuzọ gha ọnwụn lihi, onyẹ hụn a kị ndị-nze rị elu-ụwa, onyẹ hụn nwọn ihiẹn-ọsụsụọ ẹnyi, gi ẹdeke ẹ gbapụha ẹnyi ẹka njọ ẹnyi;

Rẹvẹleshọnụ 19:16

Nzere wẹ deye elu ẹwuru ẹ lẹ ọgbọdọgbọ a wụ, “Eze ndị-nze lẹ Nna ndị wụ nna.”