Daniẹlụ 9:24 - Ika

²⁴ “Ogẹn Chuku kayeni ndị nke i lẹ obodo nsọ ụnụ wụ ‘iri kwasị ọgụn-ẹtọ ụzọ ẹsa’ hụn wẹ e gi ta afụnfụn njọ, hụn Osolobuẹ e gi wepụ njọ, hụn o gi mẹ ihiẹn wẹ e gi wepụ njọ, webanhan ezi-omumẹ itẹbitẹ, mẹzu ihiẹn ọ ghọsị ndị-amụma lẹ ihiẹn ndị amụma ku, tumẹ ebe kachanrịn nsọ.

Daniẹlụ 9:24 Iomraidhean Croise

Ihiẹn Mẹni Nke Ẹbụọ 29:24

Ndị nchụn-ẹjan nọ gbu ewu ndị hụ gi chụn ẹjan-njọ, fe ẹdeke wẹ ye ukpo nchụn-ẹjan, gi chụn ẹjan wẹ gi a gbarị isi Izrẹlụ ile, makẹni eze sị wẹ chụnnị Izrẹlụ ile ẹjan w'a dụn ọkụn lẹ ẹjan-njọ.

Ẹbụ-ọma 2:6

“E tumẹgụọ m eze m elu ugu Zayọnụ, Ugu nsọ m!!”

Ẹbụ-ọma 45:7

ihiẹn furuni a sụọ ị ụsụọ; eje-ihiẹn e ze i ize. Ịya haịn Chuku hụn wụ Chuku i gi tumẹ i, hu udẹn ịghọghọ ye i isi karị ibe i.

Azaya 42:4

ẹhụ arọkọ a, ndụn agụkọ a — d'e ru n'o yegụ ezioku ọnọdị a elu-ụwa. Alị ndị rịdẹ nfetu ohimin k'a gha e che iwu ẹ.

Azaya 51:6

Lee ni ẹnya igwere, ụnụ e lezikwọ ẹnya elu-ụwa rị okpuru ẹ: igwere jẹnkọ d'e fopụ nọkẹ ẹnwụnrụn, elu-ụwa nkẹ jẹnkọ d'a fahị nọkẹ ẹkwa, ndị bi imẹ ẹ a nwụnhụn nọkẹ nzinzin. Kanị nzụọpụha m k'a rị jẹnrin-ejẹn, Ihiẹn hụ furuni m k'e mẹni ụnụ agụkọ.

Azaya 51:8

Makẹni, ẹkịka k'e ripụ wẹ kẹ ẹkwa; ọhọrị k'e ripụ wẹ kẹ oruru. Kanị ọzụọpụha m jẹnkọ d'a zụọpụha k'a rị jẹnrin ejẹn, nzụọpụha m k'e ru agbọ ile.”

Azaya 56:1

Osolobuẹ sị, “A kwadọn ni ezioku, e mẹ ni ihiẹn furuni, makẹni m'e d'a bịa d'a zụọpụha ụnụ, m'e d'a bịa d'a tụnị ụnụ ụya pụha ifọn.

Azaya 61:1

Mmọn Di-nwọnni-ẹnyi wụ Osolobuẹ rị imẹ m, makẹni Osolobuẹ e tumẹgụọ m d'e zi ndị igbẹnnyẹ ozi rị mma. O zi m d'a kasị ndị ndụn gụ obi, d'a sị ndị wẹ kwọndọn lama, d'a sị ndị ngan pụha;

Ẹkwan 4:22

Ụnụ ndị Zayọnụ, afụnfụn Osolobuẹ ye ụnụ k'a kụsị; ọ nịkọ ụnụ biekẹ alị wẹ kpụnjẹn ụnụ. Kanị ụnụ ndị Ẹdọm, Osolobuẹ jẹnkọ d'e ye ụnụ afụnfụn njọ ụnụ, kpu eje-omumẹ ụnụ oghe.

Izikẹlụ 28:12

“Nwa-ịhịan, goo eze Taya: sị a, Osolobuẹ Nwọn Ihiẹn Ile sị, ‘Yụ kẹ wẹ te gi a marịn ihiẹn zu oke; i te marịn ihiẹn ọda, mazịkwọ mma zu oke.

Izikẹlụ 4:5

Akpọhịn ole m tumẹ y'e gi dinẹ ẹrịra wụ ahụa ole wẹ mẹ njọ. Akpọhịn iri-arịa-nnụ (390) rọ, ịya wụ akpọhịn ole i k'a ta afụnfụn-njọ ikpụlọ Izrẹlụ Ẹbamịn-ugu.

Izikẹlụ 4:6

“I mẹgụ ọhụn, y'e dinẹ nkọ ẹka-nni i gi tazịkwọ afụnfụn njọ ndị ikpụlọ Juda. Akpọhịn ọgụnnaị kẹ m tumẹ y'e gi mẹ ẹ: akpọhịn ohu sikọ d'a nọkin ẹnya ahụa ohu.

Lẹvitikọsụ 25:8

“Ụnụ gụnru ahụa ẹsa-ẹsa alị gi e zu ikẹn ụzọ ẹsa, ya wụ ahụa itenẹi kwasị ọgụnnaị,

Lẹvitikọsụ 8:15

Mozizi nọ gbu efin ahụn, weberi ẹdeke ẹ, gi mkpịnsịn-ẹka deri ẹ, teyesọnmẹ mpịn rịsọnmẹ nkonko ukpo nchụn-ẹjan ahụn, gi ẹ mẹ n'ọ rị ọchan. Ọ nọ hu ẹdeke họdụnị ye ukun ukpo wẹ n'a chụn ẹjan. Ya k'o gi dọn ẹ nsọ, makẹ ihiẹn ọwụlẹ e sehẹ iwe Osolobuẹ gha a rị a.

Zẹkaraya 4:14

Ya ọ nọ sị m, “Ndịnị wụ madụ ẹbụọ ahụn Osolobuẹ gi udẹn ẹ tumẹ, madụ ẹbụọ wẹ lẹ Onyẹ ahụn nwọn ụwa ile gba a rụn ọrụn.”

Ọgụngụn 14:34

Ẹghẹẹ, ọrọgbọ ahụa ọgụnnaị hụ m k'e gi nọkin ẹnya akp'ọhịn ọgụnnaị ndị hụ ụnụ gi lele kẹ alị ahụn nọ kẹ ụnụ k'a rị a ta afụnfụn njọ ụnụ — ụnụ a hụn k'ọ nọ ebe mmẹ lẹ ịhịan nọ mẹ eṅẹnrẹn’.

Matiu 1:21

O k'a mụ okẹnnyẹ. I jẹnkọ d'a gụn nwa hụ Jesu (Jizọsị) makẹni ịya jẹnkọ d'a zụọpụha ndị nke ẹ imẹ njọ wẹ.”

Matiu 11:13

Makẹni, ndị-amụma ile lẹ Iwu Mozizi kusọnmẹ uche Osolobuẹ d'e ru ogẹn Jọnụ gi bịa.

Matiu 4:5

Ya kẹ Ekwensụ nọ we ẹ shi imẹ obodo nsọ wụ Jerusalẹm, w'ẹ tumẹ mkpọnụnụ Ụlọ-nsọ,

Makị 1:24

“K'i gi ẹnyi e mẹ, Jesu onyẹ Nazarẹtị?! Ị bịa d'e tikpọ ẹnyi?! A marịnghọ m onyẹ ị wụ, Onyẹ-nsọ Osolobuẹ!!”

Luku 1:35

Mmọn-ozi hụ nọ sị a, “Mmọn-nsọ jẹnkọ d'e hidankwasị ị; ikẹn Onyẹ Hụ Kachanrịnnị jẹnkọ d'e kpumẹ i. Ya wụ, nwa ị jẹnkọ d'a mụ k'a rị nsọ, wẹ k'a kpọ a Nwa Osolobuẹ.

Luku 21:22

Makẹni ogẹn mmẹgwarị rọ, ogẹn w'e gi mẹzuchanrịn ihiẹn ile wẹ de imẹ Ẹkụkwọ-nsọ.

Jọnụ 1:41

Ọ nọ bu ụzọ chọjẹn nwẹnẹ ẹ wụ Saịmọnụ, sị a, “Ẹnyi a hụnọlẹ Onyẹ Nzụọpụha Hụ Osolobuẹ Tumẹ hụn wụ Kraịstị.”

Jọnụ 3:34

Makẹni onyẹ Osolobuẹ zihẹ rọ, o ku oku Osolobuẹ, ufiri nị Osolobuẹ eyen'ẹ Mmọn-nsọ yehọdụ.

Ọrụn Ndị-ozi 3:14

Ụnụ a jụ Onyẹ-nsọ hụ, Onyẹ ahụn nwọnlẹni ihiẹn o mẹ, sị wẹ hapụnị ụnụ izighẹ.

Ọrụn Ndị-ozi 3:22

“Nke Mozizi, Mozizi sị, ‘Di-nwọnni-ẹnyi wụ Chuku ụnụ jẹnkọ d'a gha imẹ ndị nke ụnụ wepụhanị ụnụ onyẹ-amụma k'o dọn wepụha m. Ụnụ k'e gọnrịrị ntịn ihiẹn ile onyẹ-amụma hụ k'a gwa ụnụ.

Ọrụn Ndị-ozi 4:26

Ndị-nze ụwa e kọnrinsọnmẹ agha; ndị rị a kịnị e zu d'e bunụmanị Di-nwọnni-ẹnyi lẹ Onyẹ hụn o tumẹ.’

Ndị Rom 5:10

Makẹni, omẹni ogẹn ẹnyi gi wụ ndị-iṅẹnrẹn Osolobuẹ, o gi ọnwụn Nwa a dọnzi ẹgbata ẹnyi lẹ ya, ya wụ nị hụnnị ẹnyi lẹ ịya dọngụ, n'o gighọ nwan ndụn Nwa a zụọpụhachanrịn ẹnyi!

Ndị Kọrẹntị Ibuzọ 1:30

Osolobuẹ mẹ ụnụ gi nwan rị imẹ Kraịstị Jizọsị hụn wụ nwan amamihiẹn ẹnyi gha ẹka Osolobuẹ bịa lẹ ezi-omumẹ ẹnyi lẹ onyẹ ẹnyi gi rị nsọ lẹ onyẹ nzụọpụha ẹnyi.

Ndị Filipi 3:9

a rịchanrịn m imẹ ẹ, ẹlẹ nke onyẹ rị ọchan ẹnya enwẹn ẹ makẹni ọ hụ e dọnmẹ Iwu, kama, rịkẹ onyẹ rị ọchan makẹni o gi Kraịstị e dọn ẹnya — ịrị-ọchan ahụn gha ẹka Osolobuẹ a bịa, hụn wẹ gi okukwe e nwọnhẹn.

Ndị Kolosị 1:20

Ọ sụọzịkwọ Osolobuẹ n'ọ gha ẹka a wekinhẹnni enwẹn ẹ ihiẹn ile o ke: kẹ wẹ rị elu-ụwa kẹ wẹ rị elu-igwee, ghahanị ẹdeke ẹ hụn wụ ndụn a ọ nọ elu-obe ye, hụn o gi wẹhẹ udọn.

Ndị Kolosị 2:14

Ọ nọ kagbu ụgwọ ile ẹnyi gi ebe wẹ detu ẹ, iwu ile ikpe gi ma ẹnyi, wepụ a, kpọ a ye elu-obe Kraịstị.

Hibru 10:14

makẹni o gigụọ ẹjan ohu mẹ ndị hụ ọ rị e dọn nsọ wụrụ ndị zu oke jẹnrin ejẹn.

Hibru 2:17

Ya haịn Osolobuẹ gi mẹ ẹ n'ọ rịchanrịn kẹ ẹnyi wụ umunẹ ẹ ụzọ ile, kẹni ọ hụn ụzọ wụrụ onyẹ-isi nchụn-ẹjan hụn e mẹ omikẹn lẹ hụn furu wẹ gi e dọn ẹnya imẹ ọrụn Osolobuẹ, n'ọ hụn ụzọ chụnnị ịhịan ẹjan w'e gi wepụ njọ wẹ lẹ afụnfụn njọ te k'e buhẹ.

Hibru 7:26

Onyẹ-isi nchụn-ẹjan nọ ẹnịna furu ẹnyi: onyẹ-isi nchụn-ẹjan hụn rị nsọ, nwọnlẹni njọ, nwọnlẹni ebe ọ nọ rụ, hụn ya lẹ ndị-njọ wụlẹni ohu, hụn Osolobuẹ bushigụ elu ghafedẹ igwere.

Hibru 9:26

Omẹni nke Jizọsị te rị ẹrịra, nkẹ ọ hụ a nwụn a nwụndọnzi kete wẹ kelẹ ụwa! Kama, ọ bịalẹ mgbe ohuni sụọ imẹ ọgụgụ-ogẹnni d'e wepụchanrịn njọ ghahanị igi enwẹn ẹ chụn ẹjan.

Pita Nke Ẹbụọ 1:1

Mmẹ, Simiọnụ wụ Pita, de ẹkụkwọ-ozini. M wụ igbọn Jizọsị Kraịstị; m wụzịkwọ onyẹ-ozi ẹ pụ-ichẹn. M rị e dejẹnni ndị Osolobuẹ ye ẹnyi lẹ wẹ okukwe ohu ahụn rị okẹn mkpa ghahanị ezi-omumẹ Jesu Kristi hụn wụ Osolobuẹ ẹnyi lẹ Onyẹ-nzụọpụha ẹnyi.

Jọnụ Ibuzọ 3:8

Onyẹ e mẹ njọ wụ nke Ekwensụ, makẹni Ekwensụ gha alị mẹla njọ. Ịya haịn Nwa Osolobuẹ gi bịa — kẹni o tikpọ ọrụn Ekwensụ.

Rẹvẹleshọnụ 14:6

M nọzị hụn mmọn-ozi ọzọ k'o fekọ imẹ elu. O gi oziọma itẹbitẹ hụn o k'e zi ndị ile bi elu-ụwa — ndị alị ile lẹ ebọn ile lẹ asụsụ ile lẹ ndị ile.

Rẹvẹleshọnụ 3:7

“Dejẹnni onyẹ-isi ụka Filadefịa, sị a: “Lee ihiẹn onyẹ hụ rị nsọ ku, onyẹ ezioku; onyẹ hụ gi ịsanhan Defidi; onyẹ hụ wẹ ghalẹni a saẹka a gụnma ụzọ ọ gụnpụ mọbụ gụnpụ ụzọ ọ gụnma: ọ sị,