Daniẹlụ 9:21 - Ika

²¹ hụn ahụn m rịkwọ e mẹ ekpere, Gebrẹlụ, okẹnnyẹ ahụn m hụn imẹ ọhụn m isi ibuzọ nọ pụha ọpụha a tụ egun; ibẹka ogẹn wẹ gi a chụn ẹjan ẹnyasị k'o gi pụha.

Daniẹlụ 9:21 Iomraidhean Croise

Ndị-nze Nke Ibuzọ 18:29

Ẹrịra kẹ wẹ mẹ ẹ, anwụn e we rọma, e busọnmẹ wẹ ẹka wẹ bukọ, o rumẹ ogẹn hụ Izrẹlụ gi a chụnnị Osolobuẹ ẹjan-ẹnyasị, onwọnkwọnị ihiẹn mẹni, onwọnni onyẹ shịarịnị, onwọnni onyẹ gọn ntịn.

Ndị-nze Nke Ibuzọ 18:36

O ru nwan ogẹn wẹ gi a chụnnị Osolobuẹ ẹjan-ẹnyasị, onyẹ-amụma wụ Ẹlaịja nọ jẹnpụha ihun ịhịan ile, mẹ ekpere, sị, “Osolobuẹ, Chuku Ebraham lẹ Aziki lẹ Izrẹlụ! Ghọsị tannị nị ịyụ wụ Chuku imẹ alị Izrẹlụ lẹni m wụ odibo i, lẹzi ni ịyụ sị m mẹ ihiẹn ndịnị m mẹ.

Ẹbụ-ọma 103:20

Ja nị Osolobuẹ mma, ụnụ ndị mmọn-ozi ẹ wụ ndị dikẹn, hụn e mẹ ihiẹn ọwụlẹ o ku, ihiẹn ọwụlẹ wẹ nụ ọnụ a.

Ẹbụ-ọma 104:4

Y'e gi ufere e họnrin ndị-ozi i, e gi ọkụn rị e nwunni e họnrin ndị-ọrụn ị.

Ẹbụ-ọma 141:2

Narịn ekpere m nọkẹ ẹjan nsẹnsi, y'a narịn ẹka m kịshi elu nọkẹ ẹjan-ẹnyasị.

Ọpụpụ 29:39

I gi ohu chụn ụzụtụntụn, y'e gi ohu chụn ebe ọhị nọ gbama.

Azaya 6:2

Ndị mmọn-ozi w'a kpọ Sẹrafụ rịsọnmẹ elu ibe isi ẹ; wẹ nwọnsọnmẹ nku isin-isin: wẹ gi ẹbụọ-ẹbụọ kpumẹ ihun wẹ, gi ẹbụọ-ẹbụọ kpumẹ ụkụ wẹ, gizi ẹbụọ-ẹbụọ e fe.

Izikẹlụ 1:11

Ẹrịra kẹ ihun wẹ nọsọnmẹ. Ẹka-nku wẹ ile shi elu. Onyẹ-onyẹ nwọn ẹka-nku ẹbụọ-ẹbụọ rị e mẹtụ nke ibe ẹ lẹ ẹbụọ-ẹbụọ kpumẹ ẹ ẹhụ.

Izikẹlụ 1:14

Ihiẹn ẹnọ ahụn hụ a gha fịam-fịam nọkẹ amụma rị e beni — a ghajẹn a ghalụa.

Izikẹlụ 14:14

ọsụọkwọn'a nị madụ ẹtọnị rị alị hụ, Nụa lẹ Danẹlụ lẹ Jobu, enwẹn wẹ sụọ kẹ ezi-omumẹ wẹ k'a saẹka zụọpụha. Ya kẹ Osolobuẹ Nwọn Ihiẹn Ile ku.

Daniẹlụ 10:10

Ẹka ohu nọ mẹtụ m, weli mmẹ lẹ ẹhụ rị a ma m nni, bu m mkpụkụ lẹ ọb'ẹka che alị.

Daniẹlụ 10:16

Ya onyẹ nọ kẹ ịhịan nọ mẹtụ m ẹka ụgb'ọnụ. M nọ shịapụ ọnụ, oku nọ nị m ku. M nọ sị hụn wuzo m ihun, “Diọkpa, uhue ihiẹnni m hụn e d'e gbu m, akpụ ndụn ohu arịzị m.

Daniẹlụ 10:18

Ya onyẹ ahụn nọ kẹ ịhịan nọzị mẹtụ m ẹka, mẹ ndụn ban m.

Daniẹlụ 8:16

M nọ nụ olu okẹnnyẹ rị a gha Ote-mirin Ulaị a hị, “Gebrẹlụ, gwa okẹnnyẹ hụ ihiẹn ọhụn ahụn wụ.”

Daniẹlụ 8:18

Ogẹn o gi gwa m okuni, m nọ sọhị fiẹnrin mọmọmọ. Ya ọ nọ mẹtụ m ẹka, weli m elu.

Matiu 27:46

Ibẹka ọkụrọkụ ẹtọ, Jizọsị nọ gi okẹn olu yi, sị, “Ẹlaị! Ẹlaị!! Lama Sabakitani?!” Ya wụ, “Osolobuẹ m! Osolobuẹ m!! Kị haịn i gi la m tọ?!”

Luku 1:19

Mmọn-ozi hụ nọ shịarị a, “Mmẹ wụ Gebrẹlụ hụn e wuzo ihun Osolobuẹ. Ịya zi m d'a gwa ị oku, zi i oziọmanị.

Luku 1:26

Ogẹn ẹfọ-imẹ Ẹlizabẹti gi rị ifọn isin, Osolobuẹ nọ zi mmọn-ozi ahụn wụ Gebrẹlụ jẹn obodo w'a kpọ Nazarẹtị hụn rị Galili.

Ọrụn Ndị-ozi 10:3

Ihiẹn nọkẹ ọkụrọkụ ẹtọ efinnaị, ọ nọ hụn ọhụn, hụn kẹ mmọn-ozi Osolobuẹ banhan, hị a, “Kọnẹlusu!”

Ọrụn Ndị-ozi 10:9

Eki e fọn, ibẹka ọkụrọkụ mmẹbụọ efinnaị anwụn gi a rị isi, ikẹnnyẹ ahụn e rumẹ obodo hụ. Ogẹn hụ kẹ Pita nkẹ gi shi elu ụlọ d'e mẹ ekpere.

Ọrụn Ndị-ozi 12:7

Idẹnmizi, mmọn-ozi Di-nwọnni-ẹnyi nọ pụha; ukpẹ nọ nwun imẹ ụlọ-ngan hụ. Mmọn-ozi nọ kpa Pita ẹka ẹkụnkụn kpọtiẹn ẹ, sị a, “Lihi ọtọ ozigbo!” Ẹgan ndị ahụn nọ gha Pita olu ẹka danpụ.

Ọrụn Ndị-ozi 3:1

Ụhụọhịn ohu, Pita lẹ Jọnụ jẹn Ụlọ-nsọ ogẹn ekpere ọkụrọkụ ẹtọ efinnaị.

Hibru 1:14

Ẹlẹ mmọn e jẹn ozi kẹ ndị mmọn-ozi wụhụ? Ẹlẹ mmọn Osolobuẹ zihẹ d'e yeni ndị jẹnkọ d'e nwọn nzụọpụha ẹka kẹ wẹ wụ?

Hibru 1:7

Nke ndị mmọn-ozi, ihiẹn Osolobuẹ ku wụ nị “Chuku e mẹ ndị mmọn-ozi ẹ e họnrin ufere; o mẹ idibo ẹ e họnrin ọkụn rị e nwunni.”

Rẹvẹleshọnụ 9:17

Lee kẹ m dọn hụn ẹshin ndị ahụn imẹ ọhụn ahụn m hụn: ndị rị e nyinni wẹ yisọnmẹ ihiẹn igwe wẹ gi e gbọndọn obi wẹ — hụn wẹ tekwama ihiẹn e nwun kẹ ọkụn lẹ ihiẹn e nwun bru-bru lẹ ihiẹn e nwun kẹ nsịn-ẹnyanwụn. Isi ẹshin ndị hụ rị kẹ nke ẹwọrọ. Ọkụn lẹ ẹnwụnrụn lẹ nsịn-ẹnyanwụn hụ a gha wẹ ọnụ a pụha.