Daniẹlụ 9:20 - Ika

²⁰ Hụn ahụn m rị e ku, e mẹ ekpere, e kupụha njọ m lẹ njọ ndị nke m wụ Izrẹlụ, a rịọ Osolobuẹ wụ Chuku m banyeni ugu nsọ a —

Daniẹlụ 9:20 Iomraidhean Croise

Ẹzra 10:1

Hụn ahụn Ẹzra rị ebẹhụ e mẹ ekpere, a sị “Osolobuẹ, ẹnyi e mẹọlẹ njọ”, a kwan, e we enwẹn ẹ e gbe alị ihun Ụlọ Chuku, ndị Izrẹlụ bugbu enwẹn wẹ ọda nọ gbakikomẹmẹ, fihunmẹ ẹ — kẹ ikẹnnyẹ kẹ ikpoho kẹ ụmụ-ẹka. Wẹ nwẹn hụzị a kwan ẹkwan ọda-ọda.

Nehemiah 1:6

Dodo, gọn ntịn, dodo lee ẹnya, n'ị nụ ekpere mmẹ wụ odibo i rị nwan ihun i e mẹ efinaị lẹ uhinhin, a rịọ ị banyeni idibo i, ndị Izrẹlụ; m rị e ku ẹ nị ẹnyi ndị Izrẹlụ e mẹọlẹ njọ — kẹ mmẹ kẹ ikpụlọ nẹdi m e mẹgụọ ị njọ.

Ẹbụ-ọma 145:18

Osolobuẹ a nọkunmẹ ndị ile a kpọkun'ẹ, ndị ile gi ezioku a kpọku ẹ.

Ẹbụ-ọma 32:5

Ya kẹ m nọ kweri gwa ị n'e mẹọlẹ m njọ; ezuemẹzinini m'ị njọ m; e sị m enwẹn m, “M jẹnkọ d'a gwaghọsị Osolobuẹ eje-ihiẹn ndị m mẹ.” Ya ị nọ gbagharị m njọ m. Sẹla

Ẹkịliziastisi 7:20

Onwọnni kaka akpụ onyẹ ohu rị ọchan elu-ụwa, hụn e mẹchanrịn ihiẹn rị mma sụọ bụ o mẹtuni njọ.

Azaya 56:7

m k'e wẹhẹ wẹ Ugu nsọ m, ye wẹ ịghọghọ imẹ Ụlọ m wẹ nọ e mẹ ekpere. M k'a narịn kẹ oyiye wẹ kpọ ọkụn kẹ ẹjan ndị ọzọ ile hụn wẹ k'e wẹhẹ elu ukpo nchụn-ẹjan m; makẹni wẹ k'a kpọ Ụlọ m Ụlọ alị ile a nọ e mẹ ekpere.’ ”

Azaya 58:9

Ị kpọ Osolobuẹ oku, ọ za ị; Ị kwanma n'o yeni i ẹka, Osolobuẹ a sị ị, “Lee m ebeni!” Omẹni y'a kụsị mmẹgbu, gbabehi ibe ụnụ mkpịnsịn-ẹka ihun, kujabehi oku ịhịan,

Azaya 6:5

Ya m nọ yimẹ, “Ụya e gbuẹ m! Nke m a gụ! Makẹni, mmẹ hụn wụ onyẹ njọ ọnụ a rụ, hụn bizikwọ imẹ igunrun ndị njọ ọnụ wẹ rụ, e gigụọ ẹnya hụn Eze, Osolobuẹ Nwọn Ikẹn Ile!!”

Azaya 65:24

Wẹ gini d'a kpọku m, a za m wẹ; wẹ gini d'a rịọgụ, a nụgụọ m ekpere wẹ.

Daniẹlụ 10:12

Ya ọ nọ kumẹ, sị, “Atụlẹ egun, Daniẹlụ. Kete ụhụọhịn ahụn i bu obi che ihiẹnni n'ị ghọta, bu enwẹn i che alị ihun Chuku, Chuku a nụgụọ ihiẹn i ku, ya kẹ m bịanị nwan.

Daniẹlụ 10:2

Ogẹn hụ, mmẹ wụ Daniẹlụ emẹshịanị ẹhụ ọrọgbọ izuka ẹtọ.

Daniẹlụ 11:45

O k'a rụn obi-eze o k'e bi ẹkẹrẹ ogẹn ye ẹgbata Ohimin lẹ Ugu nsọ hụ ma mma. Kanị ọnwụn k'e gbu ẹ, onwọnni onyẹ k'e yen'ẹ ẹka.

Daniẹlụ 9:16

Euu Osolobuẹ, gi ufiri ezi-omumẹ i mẹ nwan kẹ i dọn e mẹ — y'a latọ olulu lẹ ọnụma i gi nwan rị e sọn Jerusalẹm, hụn wụ obodo i, ugu nsọ ị, makẹni njọ ẹnyi lẹ ụrụ ndị nẹdi ẹnyi e mẹgụọ Jerusalẹm lẹ ndị nke i wụrụ ihiẹn ndị nọkunmẹni ẹnyi gi a mụ ẹmụ.”

Zẹkaraya 8:3

“Osolobuẹ ihiẹn ile rị okpuru ẹ sị: e kinhẹngụọ m Zayọnụ; ẹghẹẹ, m sikọ d'e biri imẹ Jerusalẹm, a kpọma wẹ Jerusalẹm ‘Obodo ezioku’, kpọma ugu Osolobuẹ ihiẹn ile rị okpuru ẹ, ‘Ugu rị nsọ.’

Ọrụn Ndị-ozi 4:31

E mẹgụ wẹ ekpereni, ebẹhụ wẹ nọ zu nọ mẹhunmẹ, Mmọn-nsọ nọ jun wẹ ile, wẹ hụ e kushi oku Osolobuẹ ikẹn.

Ndị Rom 3:23

makẹni ịhịan ile e mẹgụọ njọ, tuhu ọghọ Osolobuẹ ye wẹ;

Jemisi 3:2

Ọ rụnahịn ẹnyi ile arụnahịn. Onyẹ oku-ọnụ ghalẹni a rụnahịn e zugụọ oke: n'ọ sazịghọ ẹka kwọndọnchanrịn ẹhụ a ile.

Rẹvẹleshọnụ 21:10

Ọ nọ buru m imẹ-mmọn shi elu ugu hi-ogbe jẹn elu, ghọsị m obodo nsọ hụ wụ Jerusalẹm k'ọ gha ẹka Osolobuẹ imẹ elu-igwee hidanla.

Rẹvẹleshọnụ 21:2

M nọ hụn obodo nsọ hụ, Jerusalẹm ọhụn, k'ọ gha ẹka Osolobuẹ imẹ elu-igwee hidanla. Ọ nọ kẹ nwagbọọ chọgụ mma agbamẹkụkwọ rị e che di ẹ.