Daniẹlụ 9:18 - Ika

¹⁸ Chuku, dodo, gọn ntịn n'ị nụ; lee ẹnya n'ị hụn kẹ obodo hụn rị a za Ẹfan ị mẹ nwan mkpọkọ-mkpọkọ. Ẹlẹni ẹnyi wụ ndị ezi-omumẹ haịn ẹnyi gi a rịọ ị, kanị ufiri okẹn omikẹn i.

Daniẹlụ 9:18 Iomraidhean Croise

Ndị-nze Nke Ibuzọ 8:29

Dodo bukwọ ẹnya zinmẹ Ụlọ-nsọnị uhinhin lẹ efinnaị — ebeni i ku oku ẹ, sị, ‘Ẹfan m k'a rị ebẹhụ’. Gọn ntịn ekpere odibo i bu ihun zinmẹ ebeni mẹ.

Ndị-nze Nke Ẹbụọ 19:16

Osolobuẹ, dodo, gọn ntịn n'ị nụ; Osolobuẹ, dodo, shịapụ ẹnya n'ị hụn. Gọn ntịn n'ị nụ oku-mkpari Sẹnakẹribụ zihẹ d'e gi kpari Osolobuẹ hụn rị ndụn.

Ẹbụ-ọma 116:1

Ihiẹn Osolobuẹ a sụọka m makẹni ọ nụ olu m lẹ arịrịọ m.

Ẹbụ-ọma 25:6

Osolobuẹ dodo, nyanhan okẹn omikẹn i lẹ ihiẹn-ọsụsụọ ị, makẹni uwẹ kẹ wẹ gi marịn ị ẹdẹi.

Ọpụpụ 3:7

Osolobuẹ nọ sị, “A hụngụọ m ụya ndị nke m rị e ri imẹ alị Ijiptu. A nụọlẹ m ẹkwan wẹ rị a kwan ẹka ndị rị a kpa wẹ nọkẹ igbọn. A marịngụọ m afụnfụn wẹ rị a ta.

Azaya 37:17

Osolobuẹ, dodo gọn ntịn n'ị nụ! Osolobuẹ, dodo shịapụ ẹnya ị n'ị hụn! Nụ ihiẹnni ile Sẹnakẹribụ zi wẹ d'e ku hụn o gi a kpari ịyụ wụ Chuku hụn rị ndụn.

Azaya 43:7

ndị ile wẹ gi ẹfan m marịn, ndị ile hụn m ke nị m gi nwọnrin ọghọ, ndị ile m mẹmẹ.”

Azaya 64:12

N'ị hụngụ ihiẹn ndịnị ile, Osolobuẹ, y'e mẹhunmẹni? N'ị gbasọnmẹ nkịtịn, yesọnmẹ ẹnyi afụnfụn?

Azaya 64:6

Ẹnyi ile nọ nwan kẹ onyẹ rụnị, ezi-omumẹ ile ẹnyi rị e mẹ nọhụ kẹ nkanka ẹkwa wẹ gi sọ ezi; ẹnyi ile hụ e shinwụn nọkẹ ẹhụhụọ; njọ ẹnyi e buhuhu ẹnyi kẹ ufere.

Jerimaya 14:7

Ezioku-ezioku njọ ẹnyi a shịagbugụọ ẹnyi ẹri, Dodo Osolobuẹ, gi ufiri ẹfan ị tụnị ẹnyi ụya, nị ẹnyi a danpụọlẹ ọda-ọda, ẹnyi e mẹọlẹ i njọ.

Jerimaya 14:9

K'ị rị nwan e mẹni kẹ onyẹ ihiẹn kunrun idẹnmuzi, kẹ odogun-agha nwọnlẹni ihiẹn ọ saẹka e mẹ? Bụ ị hụ imẹ igunrun ẹnyi, Osolobuẹ — ẹfan ị kẹ ẹnyi a za; dodo, alakwọlẹ ẹnyi tọ.

Jerimaya 15:16

K'i gwa m oku, e righọ m'a lekẹ ihiẹn-oriri, o mẹ m ghọghọ, mẹ ẹfọ sụọ m ụsụọ, makẹni ẹfan ị kẹ m'a za, Osolobuẹ, Chuku ihiẹn ile rị okpuru ẹ.

Jerimaya 25:29

Lee ẹ nị e tikpọmagụọdẹ m obodo Jerusalẹm hụn rị a za ẹfan m, nanị ụnụ e dọn nwan la ọfẹ? Ụnụ alakọkwọ ọfẹ, makẹni m zilanị ndị ile bi elu-ụwa ọpịa-agha. Mmẹ wụ Osolobuẹ ihiẹn ile rị okpuru ẹ e kugụọ a.’

Jerimaya 36:7

Ikẹnkwọ nị wẹ rịọghọ Osolobuẹ n'ọ gbagharị wẹ, onyẹ-onyẹ a latọ eje-obibi ẹ, makẹni Osolobuẹ e kugụọkwọ a n'o k'e gi okẹn iwe lẹ okẹn-ọnụma mẹshi ndịnị ikẹn.”

Jerimaya 37:20

Dodo nwan, eze nwọnni m, gọn m ntịn mẹni m ihiẹn m k'a rịọ ị: ewekinlẹ m ngan rị iwe akanwe wụ Jonatanị — makẹ m gha a nwụntọ ebẹhụ.”

Izikẹlụ 36:22

“Sị nwan Izrẹlụ nị Osolobuẹ Nwọn Ihiẹn Ile sị: ‘Ẹlẹkwọ ụnụ wụ ndị Izrẹlụ haịn m k'e gi mẹ ihiẹn m chọ nwan nị m mẹ, Ẹfan-nsọ m ụnụ rị e wiwi imẹ alị ndị ọzọ ụnụ rị haịn.

Izikẹlụ 36:32

“Osolobuẹ Nwọn Ihiẹn Ile sị, m chọ nị ụnụ marịn nị ẹlẹkwọ ụnụ haịn m gi rị e mẹ ihiẹnni. Obibi ụnụ ya mẹgbu ụnụ ifẹnrẹn, fa ụnụ, ụnụ ndị Izrẹlụ.

Daniẹlụ 9:7

“Di-nwọnni-ẹnyi, y'e emẹni eje-ihiẹn; ẹnyi mẹ, ẹnyi ile gi nwan rị e ri ụya tannị — ẹnyi ndị Juda lẹ ndị Jerusalẹm lẹ ndị Izrẹlụ ile, kẹ ndị rị ẹhụ nsue kẹ ndị rị ụz'ote imẹ alị ile hụn ị gi ufiri nnupụ-isi ẹnyi feyịya ẹnyi ye.

Ọgụngụn 6:27

“Ẹnịna kẹ wẹ k'a dọn a kpọ ẹfan m e ye ndị Izrẹlụ isi, a gọzi m wẹ.”

Ndị Kọrẹntị Ibuzọ 1:2

Ẹnyi rị e dejẹnni ndị ụka Osolobuẹ rị obodo Kọrẹntị, ndị ahụn Osolobuẹ dọn nsọ imẹ Kraịstị wụ Jizọsị, ndị ahụn wẹ kpọ d'a wụrụ ndị-nsọ. Ẹnyi rị e dejẹnni uwẹ lẹ ndị ile rị ebe ọwụlẹ hụn a kpọku ẹfan Di-nwọnni-ẹnyi wụ Jesu Kristi hụn Nwọn ẹnyi lẹ wẹ.