Daniẹlụ 9:16 - Ika

¹⁶ Euu Osolobuẹ, gi ufiri ezi-omumẹ i mẹ nwan kẹ i dọn e mẹ — y'a latọ olulu lẹ ọnụma i gi nwan rị e sọn Jerusalẹm, hụn wụ obodo i, ugu nsọ ị, makẹni njọ ẹnyi lẹ ụrụ ndị nẹdi ẹnyi e mẹgụọ Jerusalẹm lẹ ndị nke i wụrụ ihiẹn ndị nọkunmẹni ẹnyi gi a mụ ẹmụ.”

Daniẹlụ 9:16 Iomraidhean Croise

Nehemiah 9:8

Ogẹn i gi hụn a n'o wegụọ obi ẹ kwan'ị, ị nọ sọn ẹ mẹmẹ nkwerigbama hụn i gi kwe ẹ nkwa n'i sikọ d'e ye ụmụ a alị ndị Kenaanị lẹ Hẹti lẹ ndị Amọ lẹ ndị Pẹrẹzi lẹ ndị Jebusu lẹ ndị Gẹgashị. Y'e mẹzugụọ nkwa ị kwe, makẹni i furu w'e gi dọn ẹnya.

Ẹbụ-ọma 143:1

Dodo Osolobuẹ, nụ ekpere m; gọn ntịn ihiẹn m rị a rịọ ị, makẹni ị wụ onyẹ wẹ gi e dọn ẹnya lẹ onyẹ ezi-omumẹ, dodo za m.

Ẹbụ-ọma 31:1

Euu Osolobuẹ, ịyụ kẹ m gbọnni; anịkwọlẹ ifẹnrẹn mẹ m! Gbapụha m makẹni ị wụ onyẹ ezi-omumẹ!

Ẹbụ-ọma 41:13

Ọjịja-mma ya rịnị Osolobuẹ, Chuku Izrẹlụ! Ya rịn'a jẹnrin ejẹn! Isẹẹ! Isẹẹ!

Ẹbụ-ọma 71:2

Dodo, zụọpụha m makẹni ị wụ onyẹ ezi-omumẹ; gọn m ntịn n'ị zụọpụha m!

Ẹbụ-ọma 79:4

Alị ndị nọkunmẹni ẹnyi e d'a mụgbu ẹnyi; ndị fihunmẹni ẹnyi hụ a kọ ẹnyi ọnụ, e woo ẹnyi!

Ẹbụ-ọma 85:4

Dodo, mẹzi nwan n'ọ rịnị ẹnyi mma, Chuku hụn a zụọpụhanị ẹnyi; dodo, webehini ẹnyi iwe!

Ẹbụ-ọma 89:51

mkpari hụn ndị iṅẹnrẹn i rị a kpari i, Osolobuẹ; mkpari wẹ rị a kpari eze i hukpu udẹn i tumẹ ebe-lẹ-ebe o jẹnlẹ!!

Ọpụpụ 20:5

akpọkwọlẹni ni wẹ isi alị mọbụ fe wẹ; makẹni mmẹ, hụn wụ Osolobuẹ, Chuku ụnụ, wụ Chuku ẹnya a fụ omẹni wẹ ye onyẹ ọzọ ihiẹn runi m. M'e gi njọ ndị ize m e ze e sọn ụmụ wẹ d'e rudẹ agbọ nke ẹtọ lẹ nke ẹnọ.

Azaya 5:25

Ịya haịn Osolobuẹ gi gi olulu sọn ndị nke ẹ; o weshi ẹka, titu wẹ: ugu e mẹhunmẹ, ozun e jun rịkẹ ẹfịfịa rị ụwaya. Kanị, ihiẹnni ile arọkwọn'a nwan olulu, echẹn kẹ ẹka a rịkwọ elu n'o tizi wẹ.

Jerimaya 24:9

M k'e gi wẹ họnrin ihiẹn a tụ egun lẹ ihiẹn jọgbu enwẹn ẹ ẹnya ndị alị ile rị elu ụwa. Ebe ọwụlẹ m k'a chụshi wẹ, wẹ k'a wụrụ ihiẹn-ifẹnrẹn lẹ ihiẹn wẹ gi e ku oku, ihiẹn wẹ gi a kpa ẹmụ lẹ ihiẹn wẹ gi a bụ ọnụ.

Jerimaya 29:18

Ẹghẹẹ, m k'e gi ọpịa-agha lẹ ụnwụn lẹ eje-emu chụ wẹ. Ndị alị-eze ile rị ụwa hụn ihiẹn m mẹ ndị ahụn, egun a tụ wẹ. Wẹ k'a wụrụ ihiẹn wẹ gi a bụ ọnụ, ihiẹn w'a hụn a jụpụ ẹsọn, ihiẹn w'a mụ ẹmụ lẹ ihiẹn-ifẹnrẹn ẹnya ndị alị ile m k'a chụjẹn wẹ.

Jerimaya 32:31

Ndị obodoni a kpasuọlẹ m iwe lẹ ọnụma ọda-ọda gha ogẹn wẹ gi tụn a d'e ru tannị. M jẹnkọ nwan d'e wepụ a ebe m rị.

Jerimaya 32:32

M k'e mẹ ẹ makẹni Izrẹlụ lẹ ndị Juda e gigụọ eje-ihiẹn ile wẹ mẹ kpasu m iwe — kẹ wẹ kẹ ndị-nze wẹ kẹ ịhaịmẹ wẹ kẹ ndị nchụn-ẹjan wẹ kẹ ndị-amụma kẹ ndị alị Juda lẹ ndị bi imẹ obodo Jerusalẹm.

Izikẹlụ 22:4

ikpe a magụọ ị yeni ịhịan i gbu, y'a rụgụọ yeni mmọn ndị hụ ị kpụ. Y'e wezụnhangụọ ogẹn i; ogẹn i e rugụọ. E mẹgụọ m'ị wụrụ ihiẹn alị ndị ọzọ a mụ ẹmụ, ihiẹn alị ile a mụ ẹmụ.

Izikẹlụ 5:14

“ ‘M k'e mẹ i wụrụ mkpọkọ-ụlọ mkpọkọ-ụlọ lẹ ihiẹn-ifẹnrẹn ẹnya alị ndị nọkunmẹn'i lẹ ẹnya onyẹ ọwụlẹ sikọ d'a ghafeni.

Daniẹlụ 11:45

O k'a rụn obi-eze o k'e bi ẹkẹrẹ ogẹn ye ẹgbata Ohimin lẹ Ugu nsọ hụ ma mma. Kanị ọnwụn k'e gbu ẹ, onwọnni onyẹ k'e yen'ẹ ẹka.

Daniẹlụ 9:20

Hụn ahụn m rị e ku, e mẹ ekpere, e kupụha njọ m lẹ njọ ndị nke m wụ Izrẹlụ, a rịọ Osolobuẹ wụ Chuku m banyeni ugu nsọ a —

Juwẹlụ 3:17

Ogẹn hụ, ụnụ a marịn nị mmẹ, Osolobuẹ hụn wụ Chuku ụnụ, bi Ugu Zayọnụ, ugu nsọ m. Jerusalẹm k'a wụ obodo rị nsọ, abịamabịa emẹrikọzị a.

Zẹkaraya 8:3

“Osolobuẹ ihiẹn ile rị okpuru ẹ sị: e kinhẹngụọ m Zayọnụ; ẹghẹẹ, m sikọ d'e biri imẹ Jerusalẹm, a kpọma wẹ Jerusalẹm ‘Obodo ezioku’, kpọma ugu Osolobuẹ ihiẹn ile rị okpuru ẹ, ‘Ugu rị nsọ.’

Ndị Tẹsalonika Nke Ẹbụọ 1:6

Ezioku rọ, makẹni ọ hụghọ mma ẹnya Osolobuẹ n'o mẹgwarị ndị rị e ye ụnụ afụnfụn,

Jọnụ Ibuzọ 1:9

Kanị ẹnyi kupụha njọ ẹnyi, onyẹ wẹ gi e dọn ẹnya lẹ onyẹ-ezioku k'ọ wụ, o k'a gbagharị ẹnyi njọ, chanpụchanrịn ẹnyi ihiẹn ile rịlẹni mma ẹnyi mẹ.

Samuẹlụ Nke Ibuzọ 2:7

Osolobuẹ e mẹ ịhịan e hi ọdanfịn e mẹ ịhịan a dan ogbẹnnyẹ; o butu ịhịan; o bushizikwọ ịhịan elu.