Daniẹlụ 9:14 - Ika

¹⁴ Osolobuẹ elezini ẹnya azụụn d'e mẹ ẹnyi ihiẹnni o mẹ ẹnyi, makẹni Osolobuẹ wụ Chuku ẹnyi wụ onyẹ ezioku imẹ ihiẹn ile o mẹ — kanị ẹnyi emẹkwọnị nwan ihiẹn ọ sị ẹnyi mẹ.

Daniẹlụ 9:14 Iomraidhean Croise

Ihiẹn Mẹni Nke Ẹbụọ 12:6

Ndị-isi Izrẹlụ lẹ eze nọ welụa enwẹn wẹ alị, sị, “Osolobuẹ wụ onyẹ-ezioku.”

Ẹzra 9:15

Heuu Osolobuẹ, Chuku Izrẹlụ, onyẹ rị ọchan k'ị wụ! Ẹnyi họdụ nwan ẹkẹrẹ sụọ tannị; ẹnyi rị nwan ihun a rịọ ị, ẹnyi lẹ njọ ẹnyi — ọsụọn'a nị onwọnni onyẹ rị imẹ furu hụn e wuzo ihun i.”

Nehemiah 9:33

Ihiẹn furuni kẹ i mẹ ebe ị nọ mẹ ẹnyi ihiẹnni ile; y'e mẹni njọ; ẹnyi mẹ njọ:

Ẹbụ-ọma 111:7

Ezioku lẹ ẹka ri mma k'o gi e mẹ ihiẹn ẹ ile; iwu ẹ ile furu wẹ gi e dọn ẹnya:

Ẹbụ-ọma 116:5

Osolobuẹ e mẹyeni ịhịan, e mẹ ihiẹn furuni; Chuku ẹnyi wụ onyẹ omikẹn.

Ẹbụ-ọma 119:137

Onyẹ ezi-omumẹ k'ị wụ, Osolobuẹ, uhi i ile kụrụ ọtọ.

Ẹbụ-ọma 51:14

Chuku, dodo anịlẹ isi m tọ ọchụ m gbu, dodo, Chuku hụn a zụọpụhanị m! Ọnụ m sikọ d'e yi oro ịghọghọ, ku ẹ nị y'a rịka mma.

Ọpụpụ 9:27

Ya kẹ Fẹro nọ zi wẹ d'a kpọ Mozizi lẹ Ẹrọnụ. Ọ nọ sị wẹ, “Ujeni, e mẹọlẹ m njọ; mmẹ lẹ ndị nke m kẹ ikpe ma, ẹlẹ Osolobuẹ.

Jerimaya 12:1

Jerimaya nọ sị, “Euu Osolobuẹ, y'a han ezigbo eṅẹn, ogẹn ile m gi e kinghọsị ị. Kanị nị ẹnyi lebankwọ ihiẹnni ẹnya: kị haịn ihiẹn gi a rịnị ndị eje-omumẹ mma? Kị haịn ẹhụ gi e fu ndị ghalẹni a gbaye Osolobuẹ?

Jerimaya 31:28

Ọ wụrụ nị kẹ m dọn buchanrịn ẹnya zinmẹ wẹ kẹni m huepụ wẹ, kụkpọ wẹ, ma wẹ tuhu, wiwi wẹ, gi eje-ihiẹn sọn wẹ, ẹrịra kẹ m k'e dọn buchanrịnzị ẹnya zinmẹ wẹ, kẹni m tụn wẹ kẹ ụlọ, kụn wẹ kẹ ihiẹn-ugbo. Ya kẹ Osolobuẹ ku.

Jerimaya 4:17

E fihunmẹ w'ẹ kẹ ndị e che ugbo nche, makẹni o nupụgụọ isi okpuru m.’ ” Ya kẹ Osolobuẹ ku.

Jerimaya 44:27

M k'a nị eje-ihiẹn mẹ wẹ, ẹlẹ ihiẹn rị mma; onyẹ ọwụlẹ imẹ ndị Juda bi Ijiptu jẹnkọ d'a gha ọpịa-agha mọbụ ẹgụn la — d'e runi wẹ ile a nwụnchanrịn.

Ẹkwan 1:5

Ndị iṅẹnrẹn ẹ a kịmagụọ a; ẹhụ fu ndị-iṅẹnrẹn ẹ. Osolobuẹ e wẹhẹgụọn'a ẹkwan yeni njọ bu ọda o mẹ. A kpụngụọ wẹ ụmụ a la alị ndị ọzọ — ndị iṅẹnrẹn wẹ gi wẹ nwan e gi.

Izikẹlụ 16:43

“ ‘Makẹni y'a nyanhannị ihiẹn m mẹni i kẹ i rị nwata, kama, ị nọ gi eje-ihiẹn ndịnị wẹ kpasu m iwe, mmẹ nwẹn k'e mẹ i gi isi buru wẹ ile. Y'a gbagụọnị eje-ịgbaraja cheni arụ ile i mẹ? Ya kẹ mmẹ wụ Osolobuẹ Nwọn Ihiẹn Ile ku.

Daniẹlụ 4:34

Ogẹn hụ e zugụ, mmẹ wụ Nebukadineza nọ bu ẹnya zinmẹ elu-igwee, ẹnya nọ dọn m. M nọ ja Onyẹ Hụ kachanrịnnị mma; a gbaye m onyẹ hụ rị ndụn jẹnrin ejẹn, ye ẹ ọghọ. Ọkịkị a wụ ọkịkị itẹbitẹ; alị-eze ẹ k'a rị agbọ ile.

Daniẹlụ 9:7

“Di-nwọnni-ẹnyi, y'e emẹni eje-ihiẹn; ẹnyi mẹ, ẹnyi ile gi nwan rị e ri ụya tannị — ẹnyi ndị Juda lẹ ndị Jerusalẹm lẹ ndị Izrẹlụ ile, kẹ ndị rị ẹhụ nsue kẹ ndị rị ụz'ote imẹ alị ile hụn ị gi ufiri nnupụ-isi ẹnyi feyịya ẹnyi ye.