Daniẹlụ 9:13 - Ika

¹³ Kẹ wẹ dọnhụ de ẹ imẹ Iwu Mozizi, ẹrịra kẹ okẹn ihiẹnni ile dọn nwan mẹ ẹnyi, bụ ẹnyi eke mẹkwọ ihiẹn yụ wụ Osolobuẹ Chuku ẹnyi e gi mẹyeni ẹnyi — hụn wụ ịlatọ njọ ẹnyi lẹ igọn ezioku i ntịn.

Daniẹlụ 9:13 Iomraidhean Croise

Ndị-nze Nke Ẹbụọ 22:16

‘Lee ihiẹn Osolobuẹ ku: M k'e tikpọ obodoni lẹ ndị alịnị, mẹ wẹ ihiẹn ile rị imẹ ẹkụkwọ hụ eze Juda gụn.

Jobu 36:13

Ndị ghalẹni a tụ egun Osolobuẹ e bu iwe obi; Chuku kẹnmẹdẹ wẹ, arịọkọ wẹ Chuku.

Ẹbụ-ọma 119:18

Shịapụ m ẹnya, nị m hụn okẹn-ihiẹn rịsọnmẹ iwu i.

Ẹbụ-ọma 119:27

Dodo, mẹ m ghọta iwu i, kẹni m hụn ụzọ e ro ọrụn atụmẹnya ị.

Ẹbụ-ọma 119:73

Ịyụ ke m, buchesọnmẹ m ụkụ lẹ ẹka, dodo, ye m nghọta, kẹni m mụnrụn iwu i.

Ẹbụ-ọma 85:4

Dodo, mẹzi nwan n'ọ rịnị ẹnyi mma, Chuku hụn a zụọpụhanị ẹnyi; dodo, webehini ẹnyi iwe!

Azaya 31:1

Nsọngbu rị e che ndị rị e jẹn Ijiptu d'a chọ eyemẹka, e gi ẹshin-agha wẹ e dọn ẹnya; wẹ rị e gi ụgbọ-ẹshin Ijiptu bugbu enwẹn ẹ ọda e dọn ẹnya, e gi ndị-agha wẹ e nyin ẹshin e dọn ẹnya makẹni wẹ bu ọda, hụn nkẹ wẹ e gi tụkwasị Onyẹ-nsọ Izrẹlụ obi, hụn nkẹ w'e gi jụ Osolobuẹ ihiẹn wẹ k'e mẹ.

Azaya 42:9

Lee ẹ, ihiẹn ile m gwa ụnụ mbụ e mẹgụọ. M rịzị nwan a gwa ụnụ ihiẹn ọhụn; m rị a gwatọ ụnụ ya hụnnị o kelẹni mẹ.”

Azaya 43:22

Kanị, ịyụ wụ Jekọpụ eke kpọkukwọ m nwan; ndụn m a gụgụọ ị, Izrẹlụ!

Azaya 64:6

Ẹnyi ile nọ nwan kẹ onyẹ rụnị, ezi-omumẹ ile ẹnyi rị e mẹ nọhụ kẹ nkanka ẹkwa wẹ gi sọ ezi; ẹnyi ile hụ e shinwụn nọkẹ ẹhụhụọ; njọ ẹnyi e buhuhu ẹnyi kẹ ufere.

Azaya 64:7

Onwọnni onyẹ a kpọku i mọbụ a takẹnmẹdẹ n'o kwọnkẹnmẹ i; makẹni y'e bupụgụọ ẹnyi ihun, la ẹnyi tọ kẹni njọ ẹnyi mẹ ẹnyi ihiẹn.

Azaya 9:13

Kanị ehutọnị wẹ nwan buru Osolobuẹ hụn fịan wẹ ihiẹn, arịọnị wẹ Osolobuẹ, Onyẹ-nwọn ikẹn ile.

Jerimaya 2:30

Afụnfụn ile m ye ndị nke i la iwi; egini wẹ mkpịnsịn m fịan wẹ bihutọ ẹka. Ụnụ e gigụọ ọpịa-agha gbu ndị-amụma wẹ zihẹni ụnụ kẹ eje-ẹwọrọ e gburi anụ.

Jerimaya 30:14

Alị ile yụ lẹ wẹ te a sụọ, a zọgụọ ị; onwọnzini ihiẹn wẹ gi i e mẹ. E mẹgụọ m'ị ihiẹn eṅẹnrẹn e mẹ ịhịan, ye i afụnfụn kẹ onyẹ ẹfọ jọ dọn e ye ịhịan, makẹni ikpe ma ị ọda-ọda, njọ ị e bukẹ ọda.

Jerimaya 31:18

Eziẹ, a nụghọ m kẹ Ifrem wụ Izrẹlụ rị a kwan ụya, a sị, “Y'e yegụọ m afụnfụn ọda-ọda kẹ w'e mẹ nwa-efin wẹ zụnlẹni. Dodo, wekinhẹn m nwan nị m hụn ụzọ kinhẹn, makẹni yụ wụ Osolobuẹ wụ Chuku m.

Jerimaya 44:23

Nsẹnsi ụnụ mụyeni mmọn lẹ njọ ụnụ mẹ Osolobuẹ lẹ oku Osolobuẹ lẹ iwu ẹ, uhi ẹ lẹ nkuzi ẹ ụnụ gilẹni bi, uwẹ haịn okẹn ihiẹnni gi kunrun ụnụ kẹ ụnụ dọn nwan rị a hụn a.”

Jerimaya 44:27

M k'a nị eje-ihiẹn mẹ wẹ, ẹlẹ ihiẹn rị mma; onyẹ ọwụlẹ imẹ ndị Juda bi Ijiptu jẹnkọ d'a gha ọpịa-agha mọbụ ẹgụn la — d'e runi wẹ ile a nwụnchanrịn.

Jerimaya 5:3

Euu, Osolobuẹ, ẹlẹ ezioku kẹ y'a chọ? Y'a fịan wẹ ihiẹn, anụnị wẹ ụfụ a; y'a sụdẹ wẹ kẹ nni, amụnrụnnị wẹ ihiẹn. A tọ wẹ a gba isi-akwanran, jụ n'e bihutọkọ wẹ ẹka.

Ẹkwan 5:21

Euu Osolobuẹ, dodo, wekinhẹn ẹnyi ebe ị rị, kẹni ẹnyi rịzị ebe ẹnyi rị; mẹ n'ọ rịzịnị ẹnyi mma k'ọ rị mbụ —

Izikẹlụ 16:43

“ ‘Makẹni y'a nyanhannị ihiẹn m mẹni i kẹ i rị nwata, kama, ị nọ gi eje-ihiẹn ndịnị wẹ kpasu m iwe, mmẹ nwẹn k'e mẹ i gi isi buru wẹ ile. Y'a gbagụọnị eje-ịgbaraja cheni arụ ile i mẹ? Ya kẹ mmẹ wụ Osolobuẹ Nwọn Ihiẹn Ile ku.

Daniẹlụ 9:11

Izrẹlụ ile a dangụọ iwu i, gbakitọ ị azụụn, ekweni wẹ mẹ ihiẹn ị sị wẹ mẹ. “Ya kẹ ọnụ-ẹsọn lẹ ihiẹn ile Osolobuẹ kun enwẹn ẹ n'o k'e mẹ, hụn wẹ deye imẹ Iwu Mozizi wụ odibo Osolobuẹ, gi nwan hukpu ẹnyi, makẹni ẹnyi e mẹọlẹ ị njọ.

Hosia 7:10

Mpache Izrẹlụ rị ihun wẹ a shịagbu wẹ ẹri, kanị ekinhẹnkwọnị wẹ nwan buru Osolobuẹ, Chuku wẹ; egikwọnị w'a chọma ihun ẹ.

Hosia 7:14

W'a ra gi obi wẹ kpọku m ụya kẹ w'a kwan elu bẹdi wẹ; w'e bekikadẹ enwẹn wẹ, nị wẹ rị a rịọ mmọn ọka lẹ manya; E nupụọlẹ wẹ isi okpuru m!

Hosia 7:7

Wẹ ile nọ kẹ ọkụn rị ẹnya-mgba, e bu ndị ọkịkị wẹ e ri. E gbugụọ wẹ ndị-nze wẹ ohu-ohu; onwọnni onyẹ a kpọkuni m.

Luku 24:45

Ya ọ nọ shịapụ wẹ obi kẹni wẹ saẹka ghọta Ẹkụkwọ-nsọ,

Jọnụ 10:35

Ọ kpọgụọ ndị ahụn wẹ zijẹnni oku Osolobuẹ mbụ ‘mmọn’ bụ w'a ra hutọ oku rị imẹ Ẹkụkwọ-nsọ,

Jọnụ 6:45

Wẹ de ẹ imẹ Ẹkụkwọ ndị-amụma nị, ‘Osolobuẹ sikọ d'a kuzi wẹ ile.’ Onyẹ hụn e gọn Chuku-Nẹdi ntịn, a mụnarịn a, jẹnkọ d'a bịa d'e kunrun m.

Jọnụ 8:32

ụnụ jẹnkọ d'a marịn ezioku, ezioku a tọpụ ụnụ ẹgbụn-igbọn.”

Ndị Ẹfẹsọsụ 4:21

Ẹghẹẹ, ụnụ a nụgụọ oku Kraịstị, makẹni a kuzigụọ wẹ ụnụ ụzọ a, kuzi ụnụ ezioku k'ọ rị imẹ Jesu:

Ditrọnọmi 29:4

Kanị Osolobuẹ eke yekwọ nwan ụnụ obi a ghọtanị mọbụ ẹnya e leghanị mọbụ ntịn a nụnị.

Jemisi 1:5

Onyẹ marịnlẹni ihiẹn o k'e mẹ, ya rịọ Osolobuẹ hụn a shịapụ ẹfọ e ye, hụn ghalẹni e kpe nị w'e rịọ a ihiẹn, o k'e ye ẹ amamihiẹn.