Daniẹlụ 9:11 - Ika

¹¹ Izrẹlụ ile a dangụọ iwu i, gbakitọ ị azụụn, ekweni wẹ mẹ ihiẹn ị sị wẹ mẹ. “Ya kẹ ọnụ-ẹsọn lẹ ihiẹn ile Osolobuẹ kun enwẹn ẹ n'o k'e mẹ, hụn wẹ deye imẹ Iwu Mozizi wụ odibo Osolobuẹ, gi nwan hukpu ẹnyi, makẹni ẹnyi e mẹọlẹ ị njọ.

Daniẹlụ 9:11 Iomraidhean Croise

Ndị-nze Nke Ẹbụọ 18:12

Ọnwan mẹ makẹni emẹni wẹ ihiẹn Osolobuẹ wụ Chuku wẹ gwa wẹ, kama, e tikpọ wẹ iwu o gi kwọngbama ya lẹ wẹ — ihiẹn ile Mozizi wụ odibo Osolobuẹ sị wẹ mẹ. Egọnni wẹ ntịn ihiẹn ndị ọ gwa wẹ, emẹni wẹ wẹ.

Ndị-nze Nke Ẹbụọ 22:16

‘Lee ihiẹn Osolobuẹ ku: M k'e tikpọ obodoni lẹ ndị alịnị, mẹ wẹ ihiẹn ile rị imẹ ẹkụkwọ hụ eze Juda gụn.

Azaya 1:3

Efin a marịnghọ onyẹ-nwọnn'ẹ; jaki nkẹ a marịnzịghọ ihiẹn di-nwọnn'ẹ gi e butọn'a ihiẹn-oriri, kanị Izrẹlụ amarịn, ndị nke m aghọtanị!”

Azaya 43:28

M jẹnkọ nwan d'a fa ndị okẹn ịhịan rị imẹ Ụlọ-nsọ ụnụ, m k'e gi Jekọpụ họnrin ihiẹn wẹ k'e tikpọ, ẹghẹẹ, e we m Izrẹlụ ye wẹ kpari.”

Jerimaya 16:11

Sị wẹ nị Osolobuẹ sị, ‘Makẹni ndị nẹdi ụnụ kanị gbakitọ m azụụn, sọnmẹ mmọn ichẹn-ichẹn, e fe wẹ, a kpọnị wẹ isi-alị; wẹ gbakitọ m azụụn; edọnmẹni wẹ Iwu m.

Jerimaya 2:29

“Kị ụnụ rịdẹ nwan a manị m ikpe? Ụnụ ile nupụ isi okpuru m.” Ya kẹ Osolobuẹ ku.

Jerimaya 30:14

Alị ile yụ lẹ wẹ te a sụọ, a zọgụọ ị; onwọnzini ihiẹn wẹ gi i e mẹ. E mẹgụọ m'ị ihiẹn eṅẹnrẹn e mẹ ịhịan, ye i afụnfụn kẹ onyẹ ẹfọ jọ dọn e ye ịhịan, makẹni ikpe ma ị ọda-ọda, njọ ị e bukẹ ọda.

Jerimaya 32:23

Wẹ nọ banhan a, weri ẹ. Kanị, egini wẹ oku i dọn, e gini wẹ Iwu i ye wẹ bi: emẹni wẹ ihiẹn ị sị wẹ e mẹ. Ị nọ nwan hu eje-ihiẹnni ile kpu wẹ.

Jerimaya 40:3

Osolobuẹ e mẹgụọ a nwan; o mẹgụọ ihiẹn ọ sị n'o k'e mẹ. Njọ ụnụ mẹ Osolobuẹ haịn ihiẹnni ile gi mẹ ụnụ; ụnụ emẹni ihiẹn ọ gwa ụnụ mẹ.

Jerimaya 44:22

Makẹni Osolobuẹ asazịnị ẹka din eje-ihiẹn lẹ arụ ile ụnụ rị e mẹ haịn alị ụnụ gi nwan wụrụ ihiẹn wẹ gi a bụ ọnụ lẹ ebe gba okpokoro la iwi, alị ịhịan bizilẹni, k'o dọn rị tannị.

Jerimaya 44:23

Nsẹnsi ụnụ mụyeni mmọn lẹ njọ ụnụ mẹ Osolobuẹ lẹ oku Osolobuẹ lẹ iwu ẹ, uhi ẹ lẹ nkuzi ẹ ụnụ gilẹni bi, uwẹ haịn okẹn ihiẹnni gi kunrun ụnụ kẹ ụnụ dọn nwan rị a hụn a.”

Jerimaya 6:19

Elu-ụwa ile, gọnkwọ ntịn: m welanị ndịnị ntikpọ — ịya wụ erere eje-ihiẹn wẹ mama, makẹni egini wẹ oku m dọn, makẹni edọnmẹni wẹ iwu m.

Jerimaya 9:26

ndị Ijiptu, ndị Juda, ndị Ẹdọm, ndị Amọnụ, ndị Mụabụ, uwẹ lẹ ndị ile bi atụ rịsọnmẹ ebe teni hụn a kọ ẹtu azụụnnị lẹ azụụnnị. Ndị alị ndịnị ile akwanị ugun nke-esi — nọkẹ kẹ ikpụlọ Izrẹlụ ile dọnlẹni kwa ugun imẹ obi wẹ.”

Daniẹlụ 9:13

Kẹ wẹ dọnhụ de ẹ imẹ Iwu Mozizi, ẹrịra kẹ okẹn ihiẹnni ile dọn nwan mẹ ẹnyi, bụ ẹnyi eke mẹkwọ ihiẹn yụ wụ Osolobuẹ Chuku ẹnyi e gi mẹyeni ẹnyi — hụn wụ ịlatọ njọ ẹnyi lẹ igọn ezioku i ntịn.

Daniẹlụ 9:5

ẹnyi e mẹgụọ njọ, ẹnyi e mẹfiegụọ. Ẹnyi a kpachanpụgụọ ẹnya mẹ njọ, e nupụ isi okpuru i; ẹnyi a latọgụọ ihiẹn ị sị ẹnyi mẹ lẹ iwu ndị i yesọnmẹ.

Zẹkaraya 1:6

Kanị, ihiẹn ile m zi idibo m ndị-amụma d'a gwa ndị nẹdi ụnụ nị m k'e mẹ wẹ e mẹghọ wẹ, ẹlẹ ya? Ya kẹ ndị nẹdi ụnụ nọ nwan rohutọ, sị, ‘Ihiẹn ahụn Osolobuẹ wụ Chuku ẹnyi sị o k'e mẹ ẹnyi makẹ eje-omumẹ ẹnyi lẹ eje-ihiẹn ẹnyi mẹ k'o mẹ nwan ẹnyi.’ ”

Zẹkaraya 7:12

a kpọkinkẹnmẹ wẹ obi wẹ amamgbe w'a nụ Iwu lẹ oku ndị hụn Osolobuẹ ihiẹn ile rị okpuru ẹ gi Mmọn-nsọ a zihẹni wẹ ghahanị ndị-amụma mbụ. Ịya haịn Osolobuẹ ihiẹn ile rị okpuru ẹ gi gi okẹn iwe-lẹ-ọnụma tikpọ wẹ.

Zẹkaraya 8:13

Kẹ ụnụ ndị Juda lẹ Izrẹlụ ile te dọn wụ ihiẹn wẹ bụ ọnụ ẹnya alị ndị-ọzọ, ẹrịra kẹ m sikọ nwan d'a zụọpụha ụnụ, ụnụ a wụrụ ngọzi. Atụlẹ ni nwan egun; ka jikẹnmẹ ni a rụn Ụlọ ahụn.

Ditrọnọmi 8:20

Kẹ Osolobuẹ dọn tikpọ alị ndị ahụn bu ụnụ ụzọ bi ebahụn k'ọ k'a dọn tikpọ ụnụ makẹni ụnụ emẹni ihiẹn Osolobuẹ wụ Chuku ụnụ sị ụnụ mẹ.