Daniẹlụ 8:13 - Ika

¹³ Ya m nọ nụ kẹ onyẹ-nsọ ohu rị e ku oku, onyẹ-nsọ ọzọ nọ sị a, “Nanị ọhụnnị e biehan d'e mẹ — ọhụn ahụn gbashịarịnị ẹjan w'a chụsọnmẹ ụhụọhịn-ụhụọhịn lẹ arụ ahụn k'e buhẹ ntikpọ, lẹzi ọlatọ wẹ k'a latọn'a Ụlọ-nsọ lẹ igunrun ndị nsọ o k'a zọkpụkpọ?”

Daniẹlụ 8:13 Iomraidhean Croise

Ẹbụ-ọma 74:10

Euu Chuku, elee mgbe kẹ ndị-iṅẹnrẹn k'a mụbehi ẹnyi ẹmụ?! Nị wẹ kpọlịa ẹfan ị jẹnrin ejẹn?

Ẹbụ-ọma 74:9

Ẹnyi arịzị a hụn ọrụn-atụmẹnya ndị ẹnyi gi marịn ị; onwọnzini onyẹ-amụma họdụnị; onwọnzikwọnị onyẹ nke ẹnyi marịn kẹ ụyanị k'e biehan!

Ẹbụ-ọma 79:5

Osolobuẹ, nanị k'o k'e biehan? N'i busọn ẹnyi olulu jẹnrin ejẹn? N'i gi ẹnyanị rị a fụn'ị dụngbu ẹnyi lekẹ ọkụn?!

Azaya 28:18

Hụn ụnụ lẹ ọnwụn kwerigbama n'o gbukọ ụnụ arụnkọzị; ihiẹn nwẹn ụnụ lẹ alị-mmọn kwerigbama abụnkọzị. Okẹn nsọngbu hụ lalanị bịa, o jẹnkọ d'e ri ụnụ isi.

Azaya 6:11

Ya m nọ sị, “Onyẹ-nwọnni-ẹnyi, d'e ru ele mgbe?” Ọ nọ sị m: “D'e ru ni obodo ichẹn-ichẹn e tikpọchanrịn, onwọnzini onyẹ bi imẹ wẹ; d'e ru mgbe wẹ lachanrịn ụlọ wẹ tọ okpokoro, ndị ọzọ e wiwi ugbo wẹ, ripụ ihiẹn wẹ kụn;

Azaya 63:18

Makẹni ndị nke i e te werigụọ alị nsọ ị ẹkẹrẹ ogẹn, kanị ndị-iṅẹnrẹn ẹnyi nọ nwan bịa d'a zọtịta Ụlọ-nsọ ị.

Azaya 9:6

Makẹni a mụgụọnị wẹ ẹnyi nwa, e yegụọ wẹ ẹnyi nwa-okẹnnyẹ; ịya jẹnkọ d'a kị. Wẹ k'a kpọ a Onyẹ-ndụnmọdụn Hụn Pụ-ichẹn, Chuku Hụn wụ Dikẹn, Nẹdi Itẹbitẹ, Eze-Udọn.

Jerimaya 12:10

Ndị-nze alị ichẹn-ichẹn kịla ndị-agha wẹ nọkẹ atụnrụn d'a zọgbu ugbo-vaịnị m wụ Izrẹlụ; wẹ sikọ d'a zọkpụkpọ ihiẹn-ugbo m; wẹ k'e mẹ ugbo m hụn ma mma họnrin alị la iwi ihiẹn anaị rịlẹni.

Daniẹlụ 11:31

“Ndị-agha a k'a pụha d'e mẹrụ Ụlọ-nsọ, ebẹhụ Izrẹlụ gi e dọn ẹnya, kagbu ẹjan w'a chụnyeni Osolobuẹ ụhụọhịn-ụhụọhịn, a bịa wẹ d'e tumẹ arụ ahụn hụn e buhẹ ntikpọ.

Daniẹlụ 12:11

“Gha ogẹn w'e gi kagbu ẹjan w'a chụnnị Osolobuẹ ụhụọhịn-ụhụọhịn d'e ru ogẹn w'e gi tumẹ ihiẹn ahụn e mẹrụnị e buhẹ ntikpọ k'a wụ akpọhịn iri kwasị ọgụn-ẹnọ kwasị nnụ-ẹtọ (1,290).

Daniẹlụ 12:8

A nụghọ m ihiẹn o ku, bụ aghọtanị m. Ya m nọ sị, “Diọkpa, kị ihiẹn ndịnị ile k'e buhẹ?”

Daniẹlụ 4:10

Lee ihiẹn m rọhụn ebe m dinẹ elu-bẹdi m: e lee m ẹnya, e lee osisi ohu rị ahanmahan ụwa — o sue ọda-ọda.

Daniẹlụ 4:13

“Imẹ nrọ hụ m rọ elu bẹdi m, e lee m ẹnya, e lee onyẹ-ozi ohu hụn wụ mmọn-ozi nsọ k'ọ gha elu-igwee lala.

Daniẹlụ 4:23

“Eze-Agụ, imẹ nrọ hụ, ị nọ hụn onyẹ-ozi, onyẹ-nsọ, k'ọ gha elu-igwee lala, a sị, ‘Gbutu ni osisi hụ, kẹni ogwe ẹ lẹ ihiẹn rịn'a nwụnhụn. Ka la nị ukun ẹ tọ alị, gi igwe-mmaka lẹ igwe-bronzu limẹ ẹ tọ imẹ irurue; mkpọgụn a ya nọdị imẹ anị ebẹhụ. Igirigi y'a gha elu-igwere e ziẹnkpu ẹ; ya bi kẹ anụmanụ ọrọgbọ ahụa ẹsa.’

Daniẹlụ 7:16

M nọ nọkunmẹ onyẹ ohu imẹ ndị wuzo ebẹhụ, imẹ nrọ hụ, jụ a ihiẹn ihiẹn ndịnị ile wụ. “Ya ọ nọ gwa m, kọwachanrịnnị m ihiẹn wẹ ile wụ:

Daniẹlụ 7:23

“Ọ nọ ye m nkọwanị: ‘Eje-anụ ahụn mẹ wẹ ẹnọ wụ alị-eze nke ẹnọ hụn k'a pụha elu-ụwa. O k'a rị ichẹn imẹ alị-eze ndị ọzọ; o k'e ripụ ụwa ile, a zọkpụkpọ a, a dọkịka a.

Daniẹlụ 9:27

Onyẹ-ọkịkịnị lẹ ndị bu ọda k'e kwerigbama ọrọgbọ ‘ẹsa.’ ‘Ẹsa’ hụ ruọlẹ ahanmahan o k'a kụsị ẹjan w'a chụnị Osolobuẹ lẹ oyiye ndị w'e ye Osolobuẹ. O k'e bu ihiẹn e mẹrụnị tumẹ azụụn ohu imẹ Ụlọ-nsọ, gi ẹ sehẹ ntikpọ — d'e runi Osolobuẹ e mẹ ẹ ihiẹn ọ sị o k'e mẹ, nke ẹ a gụ.”

Zẹkaraya 1:19

M nọ jụ mmọn-ozi ahụn mmẹ lẹ ịya gba ku oku, sị, “Kị wụ ihiẹn ndịnị?” Ọ nọ za m, sị, “Ndịnị wụ mpịn ndị hụn sụnyịya Juda lẹ Izrẹlụ lẹ Jerusalẹm.”

Zẹkaraya 14:5

ụnụ a gha ọdanmgbugbu ahụn pụhanị gbapụ, makẹni ọdanmgbugbu hụ k'e rukwọrị Azalụ. Ọsọ ụnụ k'a gba ụhụọhịn ahụn sikọ k'a nọ kẹ hụn ndị nke ụnụ gba kẹ alị mẹhunmẹ ogẹn Uzịa eze Juda. Ogẹn hụ kẹ Osolobuẹ wụ Chuku m k'e gi bịa — ịya lẹ ndị-nsọ a.

Matiu 11:27

Nẹdi m e bugụọ ihiẹn ile che m ẹka. Onwọnni onyẹ marịn Nwa mmanị Chuku-Nẹdi sụọ; onwọnzikwọnị onyẹ marịn Chuku-Nẹdi wezụka Nwa lẹzi onyẹ ọwụlẹ Nwa chọ n'o mẹ ẹ marịn Chuku-Nẹdi.

Matiu 24:15

“Ya wụ, ụnụ hụn arụ ahụn k'e buhẹ ntikpọ k'o turu imẹ Ebe rị nsọ nọkẹ kẹ Daniẹlụ onyẹ-amụma dọn ku (onyẹ rị a gụnnị ya ghọta a ọhụnma),

Makị 13:14

“Kanị, hụn ụnụ gihụ hụn ‘Eje-ụrụ ahụn’ k'o wuzo ebe furulẹni n'ọ rị (onyẹ hụn rị a gụn ihiẹnni ya ghọha a), ndị rị Judia ogẹn hụ wẹ gbashi elu-ugu.

Luku 10:22

Nẹdi m e bugụọ ihiẹn ile che m ẹka. Onwọnni onyẹ marịn onyẹ Nwa-Chuku wụ wezụka Chuku-Nẹdi; onwọnzikwọnị onyẹ marịn Chuku-Nẹdi wezụka Nwa a lẹ onyẹ ọwụlẹ Nwa a chọ n'o mẹ ẹ marịn a.”

Luku 21:20

“Kanị, ụnụ hụn kẹ ndị-agha fihunmẹ Jerusalẹm, ụnụ a marịn nị ogẹn w'e gi tikpọ a a rịgụọ nsue.

Luku 21:24

Wẹ k'e gi ọpịa-agha gbu wẹ, kpụnrụn wẹ shi alị ile rị ichẹn-ichẹn. Alị ndị ọzọ jẹnkọ d'a zọ Jerusalẹm ụkụ d'e ru nị ogẹn alị ndị ọzọ e zu.

Jọnụ 1:18

Onwọnni onyẹ hụntu Osolobuẹ, kanị akpụ Nwa ohu ọ mụ sụọ, hụn wụ Osolobuẹ, hụn ya lẹ Nẹdi ẹ rị, e mẹgụọ ẹnyi marịn Osolobuẹ.

Ditrọnọmi 33:2

Ọ sị: “Osolobuẹ gha Ugu Saịnaị bịa; Ugu Sẹẹ k'ọ gha tikpu ndị nke ẹ rịkẹ ebe eki nọ fọn; Ugu-Paranị kẹ ọghọ a gha nwunpụha. Ịya lẹ ndị-nsọ a nnụ ole-lẹ-ole wị gha azụụn ndịdan-mirin bịa; nkpọtu ugu Osolobuẹ kẹ wẹ gha bịa.

Ndị Tẹsalonika Ibuzọ 3:13

kẹni obi ụnụ zekẹnmẹ ebe ịrị-nsọ rị, ụnụ a wụrụ ndị nwọnlẹni nkọrịanị ihun Chuku Nẹdi ẹnyi ogẹn Di-nwọnni-ẹnyi Jesu lẹ ndị nsọ a e gi bịa.

Hibru 10:29

elee ụdị afụnfụn k'i ro nị wẹ k'e ye onyẹ hụn legberi Nwa Osolobuẹ, lelịa ẹdeke nkwerigbama hụ wẹ gi dọn ẹ nsọ, kpasu Mmọn-nsọ wẹ gha mẹn'ẹ ẹfọma iwe?

Pita Ibuzọ 1:12

Osolobuẹ nọ ghọsị wẹ nị ẹlẹ wẹ, nị ụnụ kẹ wẹ rị e zitọnị ozi. Ụnụ a nụgụọ a nwan ọnụ ndị wẹhẹni ụnụ oziọma ghahanị ikẹn Mmọn-nsọ ahụn Osolobuẹ gha elu-igwee zihẹ. Ndị mmọn-ozi nkẹ a chọka nị wẹ leghadẹ ihiẹn ndịnị!

Judu 1:14

Ẹnọkụ, hụn rị agbọ nke ẹsa, wẹ gha ẹka Adam gụnma, e bugụọ amụma tọnị wẹ: ọ sị, “Lee ẹ, Di-nwọnni-ẹnyi lala, ya lẹ ndị nsọ a nnụ ole-lẹ-ole.

Rẹvẹleshọnụ 11:2

Ka amalẹ ihun-ezi Ụlọ-NSỌ, hapụ ọhụn makẹni o bugụọ a che ẹka ndị alị ọzọ. Wẹ k'a zọ obodo nsọ hụ ụkụ ọrọgbọ ifọn ẹbụọ kwasị ọgụnnaị.

Rẹvẹleshọnụ 6:10

Wẹ nọ weshi olu wẹ elu yi, “Euu Di-nwọnni-ẹnyi, Onyẹ ihiẹn ile rị okpuru ẹ, onyẹ rị nsọ, onyẹ ezioku! Nanị kẹ y'e biehan d'e kin ndị rị elu-ụwa ikpe, gbugwarị wẹ ogbugbu wẹ gbu ẹnyi?”

Ndị Han Eṅẹn 13:18

Mmọn-ozi Osolobuẹ nọ sị a, “K'ị rị a jụnị m ẹfan m? Ẹfan m ẹlẹ hụn w'a ghọta.”