Daniẹlụ 8:11 - Ika

¹¹ O bushi enwẹn ẹ elu, bunụmadẹni Onyẹ kị ndị-agha elu-igwee; gbọndọn wẹ achụyelẹn'ẹ ẹjan w'a chụsọnmẹ ụhụọhịn-ụhụọhịn, welụa Ụlọ-nsọ a alị.

Daniẹlụ 8:11 Iomraidhean Croise

Azaya 37:23

Onyẹ k'i kpari hụnnị ile, e kuja oku ẹ? Onyẹ k'ị gan hụnnị ile? Onyẹ k'ị rị e bọnmẹni? Onyẹ-nsọ Izrẹlụ rọ!

Azaya 37:29

Makẹ olulu hụ ị rị e buni m lẹ ihiẹn ile i gi e kukarị enwẹn i, hụn ru m ntịn, m jẹnkọ d'e kọn ukpo m ye i imi, a kwa m'ị ngan ọnụ, e mẹ m'i gha ụzọ ị gha bịa kin azụụn.

Jerimaya 48:26

“Ye Mụabụ afụnfụn ra n'ọ tụ a kẹ manya, makẹni ọ kpọ Osolobuẹ mgba; Mụabụ ya kperemẹ imẹ ẹgbọ a kẹni ya nwẹn wụrụzịkwọ ihiẹn w'a mụ ẹmụ.

Jerimaya 48:42

Wẹ k'e tikpọ alị Mụabụ, ọ wụkọzị alị, makẹni ọ kpọ Osolobuẹ mgba.

Izikẹlụ 46:14

A chụnye ni ya lẹ oyiye-ọka ụtụntụn ile, adana ohu wẹ kebe ụzọ isin hụn wẹ huye galọnụ ofigbọn-olivu. E yeni Osolobuẹ oyiye-ọkanị. Iwuni k'a rị jẹnrin ejẹn.

Daniẹlụ 11:22

O k'e gbu igunrun ndị-agha bugbu enwẹn wẹ ọda, uwẹ lẹ onyẹ hụn wụ ezigbo eze wẹ hụn wẹ gi iwu tumẹ.

Daniẹlụ 11:31

“Ndị-agha a k'a pụha d'e mẹrụ Ụlọ-nsọ, ebẹhụ Izrẹlụ gi e dọn ẹnya, kagbu ẹjan w'a chụnyeni Osolobuẹ ụhụọhịn-ụhụọhịn, a bịa wẹ d'e tumẹ arụ ahụn hụn e buhẹ ntikpọ.

Daniẹlụ 12:11

“Gha ogẹn w'e gi kagbu ẹjan w'a chụnnị Osolobuẹ ụhụọhịn-ụhụọhịn d'e ru ogẹn w'e gi tumẹ ihiẹn ahụn e mẹrụnị e buhẹ ntikpọ k'a wụ akpọhịn iri kwasị ọgụn-ẹnọ kwasị nnụ-ẹtọ (1,290).

Daniẹlụ 5:23

Ị nọ bushimẹdẹ enwẹn i elu ebe Onyẹ nwọn elu-igwee rị, sị wẹ kịhanị ị mkpu ndị wẹ weri imẹ Ụlọ-nsọ a, ịyụ lẹ ndị-isi lẹ inyẹnmẹ i lẹ ndị mgba ị nọ gi wẹ ra manya; ị nọ jama mmọn ichẹn-ichẹn mma — kẹ nke goru kẹ nke siliva kẹ nke igwe-bronzu kẹ nke igwe-mmaka kẹ nke osisi kẹ nke ọmụma — mmọn ndị hụn ghalẹni e legha ụzọ mọbụ a nụ ihiẹn mọbụ a ghọta ihiẹn. Bụ y'e yeni Chuku ọghọ — Chuku, hụn gi ndụn ị lẹ ọpụpụ ị lẹ ọbanhan i.

Daniẹlụ 7:25

O k'e kuja oku Onyẹ hụ Kachanrịnnị, a bịangbu ndị-nsọ a, mẹmẹ n'o gbehutọ ogẹn mmẹmmẹ ichẹn-ichẹn lẹ iwu. Wẹ k'e we ndị-nsọ che ẹ ẹka n'o mẹshi wẹ ikẹn ahụa ẹtọ lẹ mkpikpi.

Daniẹlụ 8:12

Wẹ nọ gi ufiri nnupụ-isi ha igunrun ndị nsọ yen'ẹ, nịzịkwọ a kụsị ẹjan w'a chụsọnmẹ ụhụọhịn-ụhụọhịn. Ihiẹn ile o mẹ hụ a ghan'a; a tụ wẹ ezioku ye alị.

Daniẹlụ 8:24

O k'e kẹnrẹn ọda-ọda, kanị ẹlẹ ikẹn ya lẹ enwẹn ẹ k'o k'e gi kẹnrẹn. O k'e se okẹn ntikpọ a tụ ẹnya, ihiẹn ile o mẹ a ghachanrịnn'a. O k'e tikpọdẹ ndị dikẹn lẹ ndị-nsọ.

Daniẹlụ 8:25

O k'e gi ndufie gha ihun ọhụnma-ọhụnma, weri ẹ n'o nwọnni onyẹ hankẹ ya. Ogẹn wẹ gi e ro nị nsọngbu arịa kẹ o k'e gi gbu ndị bu ọda, bunụmanị Onyẹ a kị ndị-ọkịkị. Wẹ k'e gbu ẹ, kanị ẹlẹ ẹka ịhịan k'e gbu ẹ.

Daniẹlụ 9:25

“Marịn nwan ihiẹnni m jẹnkọ d'e ku; ghọta a ọhụnma: Gha ogẹn wẹ k'e gi ye iwu sị wẹ dọnzi Jerusalẹm, tụndọnzi ẹ, d'e ru ogẹn Onyẹ hụ Osolobuẹ tumẹ e gi bịa, ogẹn Onyẹ ọkịkị hụ e gi bịa, k'a wụ ‘ẹsa ụzọ ẹsa cheni ẹsa ụzọ ẹbụọ-kwasị-ọgụn-ẹtọ’. Wẹ k'a tụndọnzi ẹ, tụndẹ ọgbara-ogbe lẹ mgbọn ye ẹ, kanị wẹ k'a hụn nsọngbu wẹ gha a rụn a.

Ọgụngụn 28:3

“Sị wẹ: Ọnwan wụ oyiye ahụn wẹ gi ọkụn e ye hụn ụnụ sikọ d'a gha e wẹhẹni Osolobuẹ: ụhụọhịn-ụhụọhịn ụnụ sikọ d'e gi atụnrụn ẹbụọ rịsọnmẹ nwa ahụa ohu-ohu ẹhụ zu oke chụn ẹjan w'a dụn ọkụn —

Luku 21:24

Wẹ k'e gi ọpịa-agha gbu wẹ, kpụnrụn wẹ shi alị ile rị ichẹn-ichẹn. Alị ndị ọzọ jẹnkọ d'a zọ Jerusalẹm ụkụ d'e ru nị ogẹn alị ndị ọzọ e zu.

Ndị Tẹsalonika Nke Ẹbụọ 2:4

O k'e bunụmanị mmọn lẹ iyi ọwụlẹ lẹ ihiẹn ile w'e fe; o sikọ d'e weri enwẹn ẹ nị ịya ka wẹ ile; o sikọ d'e weridẹ ocho imẹ Ụlọ-nsọ Osolobuẹ kpọma enwẹn ẹ Osolobuẹ.

Hibru 2:10

Osolobuẹ mẹ ihiẹn furuni, ebe o mẹ ni ẹka a kẹ ihiẹn ile gha bịa; ebe o mẹ ni ihiẹn ile wụzịkwọ nke ẹ. Makẹni ọ chọ n'ọ zụọpụha ndị bu ọda, webahan wẹ ebe ọ rị, kẹni wẹ wụrụ ụmụ a, sọn ẹ nwọn ọghọ a, ọ nọ gi afụnfụn kwademẹ onyẹ hụn o gi bidọn nzụọpụha hụ, mẹ ẹ ru ogo onyẹ-nzụọpụha.

Rẹvẹleshọnụ 17:14

Wẹ k'a lụsọn Nwa-ebulu hụ agha, kanị Nwa-ebulu hụ k'e mẹri wẹ, makẹni ịya wụ Nna ndị wụ nna lẹ Eze ndị-nze lẹzi makẹni ndị ya lẹ wẹ wị wụ ndị ọ kpọ oku, ndị ọ họrị, ndị furu wẹ gi e dọn ẹnya.”