Daniẹlụ 7:28 - Ika

²⁸ “Ọnwan wụ ebe ihiẹnni jẹndemẹ. Mmẹ nwẹn wụ Daniẹlụ, obi eruni m alị kaka; ihun m e fọnni kaka — kanị m nọ bu ihiẹnni tọ obi m.”

Daniẹlụ 7:28 Iomraidhean Croise

Jẹnẹsisi 37:10

Ogẹn o gi ziẹngụnị nẹdi ẹ lẹ mmunẹ ẹ ya, nẹdi ẹ nọ jụgbọ a, sị a, “Elee ụdị nrọ wụ hụnnị ị rọ? Mmẹ lẹ nnẹ i lẹ mmunẹ i ile k'a bịadẹ d'a kụn'ị isi alị ra?”

Jẹnẹsisi 37:11

Ẹnya nọ fụma umunẹ ẹ, kanị nẹdi ẹ nọ bu oku hụ tọ imẹ obi ẹ.

Daniẹlụ 10:16

Ya onyẹ nọ kẹ ịhịan nọ mẹtụ m ẹka ụgb'ọnụ. M nọ shịapụ ọnụ, oku nọ nị m ku. M nọ sị hụn wuzo m ihun, “Diọkpa, uhue ihiẹnni m hụn e d'e gbu m, akpụ ndụn ohu arịzị m.

Daniẹlụ 10:8

Ya ọ nọ họdụ mmẹ sụọ ebẹhụ m bu ẹnya tụma okẹn ihiẹnni m rị a hụn; ndụn a gụchanrịn m, e tirapụ m ẹnya, akpụ ndụn ohu arịzị m.

Daniẹlụ 11:27

Ndị-nze ẹbụbụọnị chọkọ isi ibe wẹ k'a nọdị ụzọ ohu e rigbama, a tụtarị ntụ, kanị onwọnkọ isi, makẹni nke wẹ k'a gụkwọ tan ogẹn ẹ ru.

Daniẹlụ 12:13

“Ịyụ nwẹn, jẹnmẹgụ n'o rugụ njẹndemẹ ogẹn. I k'e jẹn d'e zu ikẹn, ogẹn hụ zugụ, i k'e lihi d'e weri ihiẹn runi i.”

Daniẹlụ 12:9

Ọ nọ sị m, “E jẹn nke i, Daniẹlụ, ni ihiẹn wẹ kpumẹ ekpumẹ kẹ oku ndị ahụn k'a wụsọnmẹ d'e ru ogẹn ikpanzụụn.

Daniẹlụ 4:16

Wẹ napụ a uche ịhịan, ye ẹ uche anụmanụ ọrọgbọ ahụa ẹsa.

Daniẹlụ 4:19

Ya ndụn nọ gụchanrịn Daniẹlụ hụn w'a kpọzị Bẹlụtẹshaza ẹkẹrẹ ogẹn, nkọwa hụn ban a obi tụ a egun. Ya kẹ eze nọ sị, “Bẹlụtẹshaza, anịlẹ nrọ hụ mọbụ ihiẹn ọ wụ tụ ị egun.” Bẹlụtẹshaza nọ sị, “Di-nwọnni-m, k'ọ rị m nrọnị a nọ isi ndị iṅẹnrẹn i bụn — ẹlẹ ịyụ, nkọwa a a nọ isi ndị rị e we iwe i bụn — ẹlẹ isi i!

Daniẹlụ 5:6

Ezigbo egun nọ tụma a — o tirapụ ẹnya, obi a nahịn a, ọ sazịnị ẹka turu, mkpụkụ hụ a kụgbama.

Daniẹlụ 7:15

“Obi eruzini mmẹ wụ Daniẹlụ alị, makẹni ihiẹn m rọhụn rị e sọngbu m.

Daniẹlụ 8:1

Imẹ ahụa nke ẹtọ Eze wụ Bẹlụshaza kịma, mmẹ wụ Daniẹlụ nọ hụn ọhụn. Ẹlẹkwọ nke ibuzọnẹi m hụn.

Daniẹlụ 8:17

Mgbe Gebrẹlụ gi nọzụnhan ebe m wuzo, egun nọ tụma m, m nọ dan alị, fiẹnrin mọmọmọ. Ọ nọ sị m, “Nwa ịhịan, ghọta nị ọhụnnị wụ ihiẹn jẹnkọ d'e mẹ ogẹn ikpanzụụn.”

Daniẹlụ 8:19

Ọ sị: “M jẹnkọ nwan d'a gwa ị ihiẹn k'e mẹ ihun, ogẹn Osolobuẹ e gi ghọsị ọnụma a — makẹni ọhụn ahụn rị e ku oku ogẹn njẹndemẹ wẹ kayegụ:

Daniẹlụ 8:27

Ndụn nọ gụchanrịn mmẹ wụ Daniẹlụ, emu nọ kụ m, mẹ m dinẹ ụhụọhịn ole-lẹ-ole. E lihi m, rụnmazị ọrụn eze. Ọhụn ahụn mẹhunmẹ m ọda-ọda; ọ nịnị ghọta.

Makị 9:15

Hụn igunrun hụ ile gihụ hụn Jizọsị, ọ tụ wẹ ẹnya ọda-ọda, ya wẹ nọ gbaburu ẹ d'e kele ẹ.

Luku 2:19

Meri nkẹ e bu ihiẹn ndịnị ile tọ imẹ obi ẹ, e ro wẹ.

Luku 2:51

Ya Jesu nọ sọnmẹ wẹ, wẹ ile nọ lashi Nazarẹtị. Ọ hụ e humẹni wẹ isi; nnẹ hụ e bu ihiẹn ndịnị ile e che imẹ obi ẹ.

Luku 9:44

“Azọkwọlẹ ni ihiẹnni m jẹnkọ d'a gwa ụnụ kikẹnni: Wẹ sikọ d'e re Nwa nke Ịhịan ye wẹ.”