Daniẹlụ 7:21 - Ika

²¹ Ebẹhụ m rị e lee ile, mpịnnị nọ mayemẹ ndị-nsọ ọgụn, e mẹri wẹ,

Daniẹlụ 7:21 Iomraidhean Croise

Daniẹlụ 11:31

“Ndị-agha a k'a pụha d'e mẹrụ Ụlọ-nsọ, ebẹhụ Izrẹlụ gi e dọn ẹnya, kagbu ẹjan w'a chụnyeni Osolobuẹ ụhụọhịn-ụhụọhịn, a bịa wẹ d'e tumẹ arụ ahụn hụn e buhẹ ntikpọ.

Daniẹlụ 12:7

Ya okẹnnyẹ ahụn yi ẹkwa linẹni hụn rị elu mirin-iyi ahụn nọ kịshi ẹka-nni lẹ ẹka-ekpẹn elu zinmẹ elu-igwee, m nọ nụ k'o kun Onyẹ Ahụn Rị Ndụn Jẹnrin-ejẹn, sị, “O k'a rị ahụa ohu cheni ahụa ẹbụọ lẹ mkpikpi. Hụn wẹ gihụ mẹrigụ ndị-nsọ, ihiẹn ndịnị ile k'e mẹzuchanrịn.”

Daniẹlụ 7:20

M chọzịkwọ nị m marịn ihiẹn mpịn iri hụ rị a isi wụ, lẹ ihiẹn mpịn nẹi suepụhacheni wụ, hụn ahụn akpụrụ-ẹtọ imẹ wẹ danpụnị — mpịn nẹi ka ndị ọzọ njọ, hụn nwọn ẹnya, nwọn ọnụ o gi e kukarị enwẹn ẹ.

Daniẹlụ 8:12

Wẹ nọ gi ufiri nnupụ-isi ha igunrun ndị nsọ yen'ẹ, nịzịkwọ a kụsị ẹjan w'a chụsọnmẹ ụhụọhịn-ụhụọhịn. Ihiẹn ile o mẹ hụ a ghan'a; a tụ wẹ ezioku ye alị.

Daniẹlụ 8:24

O k'e kẹnrẹn ọda-ọda, kanị ẹlẹ ikẹn ya lẹ enwẹn ẹ k'o k'e gi kẹnrẹn. O k'e se okẹn ntikpọ a tụ ẹnya, ihiẹn ile o mẹ a ghachanrịnn'a. O k'e tikpọdẹ ndị dikẹn lẹ ndị-nsọ.

Daniẹlụ 8:9

Mpịn ọzọ nọzị gha imẹ ohu imẹ wẹ ẹnọ pụha; mpịn ahụn mẹ ntịn k'ọ pụha, kanị, o suepụha, ka ẹhụ, kpama ikẹn, kpa a ru ẹbamịn-ugu lẹ ẹbamịn ọwụwa-ẹnyanwụn lẹ Alị Hụ Ma mma.

Rẹvẹleshọnụ 17:14

Wẹ k'a lụsọn Nwa-ebulu hụ agha, kanị Nwa-ebulu hụ k'e mẹri wẹ, makẹni ịya wụ Nna ndị wụ nna lẹ Eze ndị-nze lẹzi makẹni ndị ya lẹ wẹ wị wụ ndị ọ kpọ oku, ndị ọ họrị, ndị furu wẹ gi e dọn ẹnya.”

Rẹvẹleshọnụ 17:6

M nọ hụn a nị ẹdeke okpoho hụ ra, ẹdeke ndị-nsọ lẹ ndị wẹ gbu makẹ oku Jizọsị, rị a tụ a kẹ manya. Okpoho hụ m hụn a tụka m ẹnya!

Rẹvẹleshọnụ 19:19

Ya kẹ m nọ hụn eje-anụ hụ lẹ ndị-nze ụwa lẹ ndị-agha wẹ ebe wẹ gbakikomẹ nị wẹ d'a lụsọn Onyẹ ahụn rị e nyin ẹshin hụ lẹ ndị-agha a ọgụn.