Daniẹlụ 7:20 - Ika

²⁰ M chọzịkwọ nị m marịn ihiẹn mpịn iri hụ rị a isi wụ, lẹ ihiẹn mpịn nẹi suepụhacheni wụ, hụn ahụn akpụrụ-ẹtọ imẹ wẹ danpụnị — mpịn nẹi ka ndị ọzọ njọ, hụn nwọn ẹnya, nwọn ọnụ o gi e kukarị enwẹn ẹ.

Daniẹlụ 7:20 Iomraidhean Croise

Daniẹlụ 7:11

“M hụkwọ e lee makẹ oku ile mpịn ahụn rị e gi a nyan isi. M hụ e lee ẹ d'e runi e gbu wẹ eje-anụ hụ, tikpọ a, tụ ozun ẹ ye imẹ ọkụn ahụn rị e nwunni.

Daniẹlụ 7:19

“M nọ chọ nị m marịnzịkwọ ihiẹn eje-anụ ahụn mẹ wẹ ẹnọ wụ, hụn ahụn rị ichẹn ebe ndị họdụnị rị, hụn wụ okẹn ihiẹn egun, hụn nwọn eze-igwe lẹ mbụọ igwe-bronzu; eje-anụ ahụn hụn a dọkịka ihiẹn danban a ẹka, e ripụ, a zọkpụkpọ hụn ọwụlẹ họdụnị.

Daniẹlụ 7:21

Ebẹhụ m rị e lee ile, mpịnnị nọ mayemẹ ndị-nsọ ọgụn, e mẹri wẹ,

Daniẹlụ 7:23

“Ọ nọ ye m nkọwanị: ‘Eje-anụ ahụn mẹ wẹ ẹnọ wụ alị-eze nke ẹnọ hụn k'a pụha elu-ụwa. O k'a rị ichẹn imẹ alị-eze ndị ọzọ; o k'e ripụ ụwa ile, a zọkpụkpọ a, a dọkịka a.

Daniẹlụ 7:7

“Ọhụn e mẹgụ, imẹ nrọ ahụn m rọ imẹ uhinhin, e lee m ẹnya ihun m ebahụn, e lee eje-anụ hụn mẹ wẹ ẹnọ; hụnnị wụ ihiẹn-egun; ndụn a rịka a! Eze igwe hi ogbe k'o nwọn; ọ dọkịka ihiẹn danban a ẹka, e ripụ, a zọkpụkpọ hụn ọwụlẹ họdụnị. Ọ rị ichẹn ebe eje-anụ ndị hụ bu ẹ ụzọ pụha rị; mpịn iri k'o nwọn.

Daniẹlụ 7:8

“Ebe m rị e lekpọ mpịn iri ahụn, e lezi mpịn ọzọ gha imẹ wẹ pụha: hụnnị mẹ ẹkẹrẹ; mpịn ẹtọ imẹ ndị ibuzọ hụ nọ huepụn'a. Mpịnnị nwọn ẹnya nọ kẹ nke ịhịan lẹ ọnụ o gi rị a nyan isi. Ihiẹn Chuku Mẹ Eje-anụ Ndị Ahụn.

Rẹvẹleshọnụ 12:3

Ihiẹn ọzọ pụ ichẹn nọzị pụha imẹ elu-igwee: eje-anụ hi-ogbe wụ dragọnụ; o nwun ufie-ufie. Isi ẹsa lẹ mpịn iri k'o nwọn. Okpu-eze ohu-ohu rịsọnmẹ ẹ isi ẹsa hụ.