Daniẹlụ 7:14 - Ika

¹⁴ Wẹ nọ ye ẹ ikẹn lẹ ọghọ lẹ ọkịkị hụn ihiẹn ile gi a rị okpuru ẹ; ndị ile rị ichẹn-ichẹn, ndị alị ile lẹ asụsụ ile hụ e fe ẹ. Ọkịkị a wụ ọkịkị jẹnrin ejẹn hụn jẹnkọlẹni d'a gụ. Alị-eze ẹ wụ hụn wẹ jẹnkọlẹni d'e tikpọ.

Daniẹlụ 7:14 Iomraidhean Croise

Ẹbụ-ọma 102:22

ogẹn hụ ndị alị ichẹn-ichẹn lẹ alị-eze ichẹn-ichẹn k'e gi bịagbama d'e fe Osolobuẹ ofufe.

Ẹbụ-ọma 103:19

Osolobuẹ e tumẹgụọ ukpo-eze ẹ imẹ elu-igwee; alị-eze ẹ rị a kị ihiẹn ile.

Ẹbụ-ọma 145:13

Alị-eze i agụkọ; ọkịkị ị k'a tọ gha agbọ pụ agbọ. Osolobuẹ e mẹzuchanrịn nkwa a ile; o nwọn ihiẹn-ọsụsụọ ihiẹn ile o ke.

Ẹbụ-ọma 146:10

Osolobuẹ k'a kị jẹnrin-ejẹn! Zayọnụ, Chuku i k'a kịsọnmẹ gha agbọ pụ agbọ! Ja nị Osolobuẹ mma!

Ẹbụ-ọma 45:6

Chuku, ukpo i k'a rị jẹnrin ejẹn; ọkpọ ọkịkị kụrụ ọtọ k'i gi a kị alị-eze i;

Ẹbụ-ọma 72:11

Ndị-nze ile wẹ kpọn'a isi alị; alị ile wẹ fe ẹ.

Ẹbụ-ọma 72:17

Ẹfan eze ya agụlẹ kaka jẹnrin ejẹn; ẹfan a ya rịsọnmẹ, ẹnyanwụn e we gụ. Alị ile wẹ gi ẹ e nwọnrin ngọzi; alị ile wẹ kpọma a onyẹ wẹ gọzi.

Ẹbụ-ọma 8:6

Y'e tumẹgụọ a n'ọ kị ihiẹn ile i ke — y'e bugụọ ihiẹn ile che ẹ okpuru ụkụ —

Azaya 16:5

Ukpo ohu hụn k'e gi ihiẹn-ọsụsụọ turu k'a gbọrị; onyẹ furu wẹ gi e dọn ẹnya k'a nọ a kị: onyẹ ikpụlọ Defidi, onyẹ k'a han ezigbo eṅẹn, a kwadọn ezi-omumẹ.

Azaya 60:12

Ẹghẹẹ, alị mọbụ alị-eze ọwụlẹ hụn jụ n'o fekọ ụnụ k'a la iwi — wẹ k'e gbuchanrịn ndị rịn'a.

Azaya 9:6

Makẹni a mụgụọnị wẹ ẹnyi nwa, e yegụọ wẹ ẹnyi nwa-okẹnnyẹ; ịya jẹnkọ d'a kị. Wẹ k'a kpọ a Onyẹ-ndụnmọdụn Hụn Pụ-ichẹn, Chuku Hụn wụ Dikẹn, Nẹdi Itẹbitẹ, Eze-Udọn.

Azaya 9:7

Ọkịkị a lẹ Ọrịrịmma o k'e wẹhẹ agụkọ. O k'a nọ ukpo-eze Defidi kị alị-eze Defidi, e gi ezigbo-eṅẹn lẹ ezi-omumẹ a kwadọn ẹ, e kwọndọn ẹ — gha ogẹn ahụn jẹnmẹ, jẹnrin ejẹn. Adụdụ Osolobuẹ Onyẹ nwọn ikẹn ile k'a han ihiẹnni mẹ.

Daniẹlụ 2:35

Wẹ ile, kẹ igwe-mmaka kẹ ụrụa kẹ igwe-bronzu kẹ siliva kẹ goru nọ kụkpọpụ, nọchanrịn kẹ ẹfịfịa-ọka rị alị ebe wẹ nọ a kụkpọ ọka imẹ ọhọhị; ya kẹ ufere nọ fepụ wẹ, kaka akpụ-ohu ahọdụnị. Kanị ọmụma nwẹn ti ihiẹn ahụn wẹ kpụ nọ họnrin ẹregede ugu, shịagbarị ụwa ile.

Daniẹlụ 2:37

Agụ, ịyụ wụ eze hụn rị a kị ndị-nze. Chuku hụn rị elu-igwee e yegụọ ị ọkịkị lẹ ikẹn lẹ ndị-agha lẹ ọghọ;

Daniẹlụ 2:44

“Ogẹn ndị-nze ndịnị k'e gi rị a kị, Chuku hụn rị elu-igwee k'e pumẹ alị-eze hụn wẹ jẹnkọlẹni d'e tikpọ mọbụ latọnị ndị ọzọ. O k'e tipịpịa alị-eze ndị hụ ile — arịkọzị wẹ; kanị ya nwẹn sikọ d'a rị jẹnrin ejẹn.

Daniẹlụ 3:4

Onyẹ a hịnị nọ gi okẹn oro sị, “Ụnụ ndị ile rị ichẹn-ichẹn, ndị alị ichẹn-ichẹn lẹ ndị asụsụ ichẹn-ichẹn! Lee ni ihiẹn wẹ sị ụnụ mẹ:

Daniẹlụ 4:3

Ọ ghọsịkakwọ ẹka-o! Ọ rụnkakwọ ihiẹn a tu ẹnya!! Alị-eze ẹ wụ alị-eze itẹbitẹ; ọkịkị a k'e ru agbọ ile.

Daniẹlụ 6:26

“M rị e ti iwu nị ndị ile rị Ẹgbẹrẹ ọwụlẹ imẹ alị-eze m jẹnkọ d'a tụ egun Chuku Daniẹlụ, a gbaye ẹ. Makẹni ịya wụ Chuku hụn rị ndụn; o k'a rị jẹnrin ejẹn; etikpọkọ wẹ alị-eze ẹ; ọkịkị a agụkọ.

Daniẹlụ 7:18

Kanị omẹgụ, ọkịkị lẹ alị-eze jẹnkọ d'a ban ndị-nsọ Onyẹ hụ Kachanrịnnị ẹka, ọ wụrụ nke wẹ, wụrụchanrịn, jẹnrin ejẹn.’

Daniẹlụ 7:27

Ogẹn ahụn kẹ wẹ jẹnkọ d'e gi we ọkịkị ile lẹ ikẹn lẹ ọghọ alị-eze ile rị okpuru igwere ye ndị-nsọ, ya wụ, ndị nke Onyẹ hụ Kachanrịnnị. Anị-eze lẹ ọkịkị a k'a tọ jẹnrin ejẹn, ndị ọkịkị ile k'e fe ẹ, e mẹ ihiẹn o ku.’

Obadaya 1:21

Ndị mgbapụha jẹnkọ e shi Ugu Zayọnụ d'a nọ a kị Ugu-Ịsọ wụ alị Ẹdọm. Ogẹn ahụn, Osolobuẹ lẹ enwẹn ẹ k'a wụ eze.

Maịka 4:7

E gi m ndị te wụ ngụrọ pumẹzi alị wẹ, gi ndị nwẹn m te jụ họnrin okẹn alị; mmẹ wụ Osolobuẹ a nọ Ugu Zayọnụ kị wẹ jẹnrin ejẹn.”

Matiu 11:27

Nẹdi m e bugụọ ihiẹn ile che m ẹka. Onwọnni onyẹ marịn Nwa mmanị Chuku-Nẹdi sụọ; onwọnzikwọnị onyẹ marịn Chuku-Nẹdi wezụka Nwa lẹzi onyẹ ọwụlẹ Nwa chọ n'o mẹ ẹ marịn Chuku-Nẹdi.

Matiu 28:18

Jizọsị nọ jẹnzụnhan, sị wẹ, “E yeọlẹ wẹ m ikẹn ile rị elu-igwee lẹ elu-ụwa.

Luku 1:33

o k'a kị ikpụlọ Jekọpụ jẹnrin ejẹn; alị-eze ẹ agụkọ!”

Luku 10:22

Nẹdi m e bugụọ ihiẹn ile che m ẹka. Onwọnni onyẹ marịn onyẹ Nwa-Chuku wụ wezụka Chuku-Nẹdi; onwọnzikwọnị onyẹ marịn Chuku-Nẹdi wezụka Nwa a lẹ onyẹ ọwụlẹ Nwa a chọ n'o mẹ ẹ marịn a.”

Jọnụ 12:34

Ya kẹ igunrun hụ nọ sị a, “Iwu ẹnyi gwa ẹnyi nị Kraịstị jẹnkọ d'a rị ndụn jẹnrin ejẹn. Kị ị rị a sịnị nị wẹ sikọ d'e weshi Nwa nke Ịhịan elu? Onyẹ wụdẹ nwan Nwa nke Ịhịannị?”

Jọnụ 3:35

Chuku-Nẹdi nwọn ihiẹn-ọsụsụọ Nwa a wụ Kraịstị, o bugụọ ihiẹn ile che ẹ ẹka.

Hibru 12:28

Ebe o mẹ nwan nị ẹnyi rị e nwọnhẹn alị-eze wẹ ghalẹni a saẹka e zinzinpụ, nị ẹnyi kpanmịn nị Osolobuẹ, gi egun Osolobuẹ lẹ mgbaye fe Osolobuẹ ofufe ọ k'a nabanhan;

Pita Ibuzọ 3:22

Jesu rị nwan ẹka-nni Osolobuẹ imẹ elu-igwee ebe ọ lashi; ndị mmọn-ozi ile lẹ ọkịkị ile lẹ ikẹn ile rị nwan okpuru ẹ.

Rẹvẹleshọnụ 1:6

ọ nọ nwan mẹ ẹnyi wụrụ alị-eze, mẹ ẹnyi wụrụ ndị nchụn-ẹjan Osolobuẹ ẹ hụn wụ Nẹdi ẹ. Ọghọ lẹ ọkịkị ya wụrụ nke ẹ jẹnrin ejẹn! Isẹẹ.

Rẹvẹleshọnụ 11:15

Ya mmọn-ozi nke ẹsa nọ gbu opi ẹ, m nọ nụ okẹn olu rịsọnmẹ elu-igwee rị a sị, “Alị-eze ụwa a wụrụọlẹ nke Di-nwọnni-ẹnyi lẹ Kraịstị a; o k'a kị jẹnrin ejẹn!”

Rẹvẹleshọnụ 17:14

Wẹ k'a lụsọn Nwa-ebulu hụ agha, kanị Nwa-ebulu hụ k'e mẹri wẹ, makẹni ịya wụ Nna ndị wụ nna lẹ Eze ndị-nze lẹzi makẹni ndị ya lẹ wẹ wị wụ ndị ọ kpọ oku, ndị ọ họrị, ndị furu wẹ gi e dọn ẹnya.”

Rẹvẹleshọnụ 3:21

Onyẹ mẹri, a nị m'a sọn m nọdị ukpo-eze m, kẹ mmẹ nwẹn dọn mẹri, sọn Nẹdi m nọdị ukpo-eze ẹ.