Daniẹlụ 7:11 - Ika

¹¹ “M hụkwọ e lee makẹ oku ile mpịn ahụn rị e gi a nyan isi. M hụ e lee ẹ d'e runi e gbu wẹ eje-anụ hụ, tikpọ a, tụ ozun ẹ ye imẹ ọkụn ahụn rị e nwunni.

Daniẹlụ 7:11 Iomraidhean Croise

Daniẹlụ 11:45

O k'a rụn obi-eze o k'e bi ẹkẹrẹ ogẹn ye ẹgbata Ohimin lẹ Ugu nsọ hụ ma mma. Kanị ọnwụn k'e gbu ẹ, onwọnni onyẹ k'e yen'ẹ ẹka.

Daniẹlụ 7:12

(E te napụgụọlẹ wẹ eje-anụ ndị hụn bu ụzọ pụha ikẹn wẹ, kanị a nịghọ wẹ wẹ biyezi ẹkẹrẹ.)

Daniẹlụ 7:8

“Ebe m rị e lekpọ mpịn iri ahụn, e lezi mpịn ọzọ gha imẹ wẹ pụha: hụnnị mẹ ẹkẹrẹ; mpịn ẹtọ imẹ ndị ibuzọ hụ nọ huepụn'a. Mpịnnị nwọn ẹnya nọ kẹ nke ịhịan lẹ ọnụ o gi rị a nyan isi. Ihiẹn Chuku Mẹ Eje-anụ Ndị Ahụn.

Daniẹlụ 8:25

O k'e gi ndufie gha ihun ọhụnma-ọhụnma, weri ẹ n'o nwọnni onyẹ hankẹ ya. Ogẹn wẹ gi e ro nị nsọngbu arịa kẹ o k'e gi gbu ndị bu ọda, bunụmanị Onyẹ a kị ndị-ọkịkị. Wẹ k'e gbu ẹ, kanị ẹlẹ ẹka ịhịan k'e gbu ẹ.

Ndị Tẹsalonika Nke Ẹbụọ 2:8

Ogẹn hụ, Eje-ịhịan hụ a pụha. Di-nwọnni-ẹnyi wụ Jizọsị k'e gi uzun k'a gha a ọnụ pụha lẹ ọghọ Di-nwọnni-ẹnyi k'e gi bịa, gbu Eje-ịhịan hụ la iwi.

Pita Nke Ẹbụọ 2:18

Ị nụ oku-ọnụ wẹ, y'e gbuni wẹ osekpu! Kanị oku wẹ enwẹn isi. W'e gi ihiẹn a la ẹnya a dọrị ndị hụnhụ isi gbapụha imẹ ndị-mmẹfie.

Judu 1:16

Ogẹn ile kẹ ndịnị gi e dẹnnwịnnwịn, a kọrịanị ịhịan, e mẹ ihiẹn gụnnị wẹ; w'e kukarị enwẹn wẹ, e gi ọnụ-ọma a tụnarịn ịhịan ihiẹn wẹ.

Rẹvẹleshọnụ 18:8

Afụnfụn ile furun'ẹ k'e gi akpọhịn ohu bịachanrịn — kẹ ọnwụn, kẹ ihiẹn-ẹkwan, kẹ ụnwụn. Wẹ k'a kpọ a ọkụn. Ẹghẹẹ, makẹni Chuku-nwọnni-ẹnyi hụn rị e ye afụnfụn wụ dikẹn.”

Rẹvẹleshọnụ 19:20

Kanị wẹ nọ nwụndọn eje-anụ hụ lẹ onyẹ amụma-ntụ ahụn te rị a rụndọnni eje-anụ hụ ọrụn-atụmẹnya, onyẹ-amụma hụ gi ọrụn-atụmẹnya ndị hụ dufie ndị narịn ahịma eje-anụ hụ lẹ ndị fe hụn wẹ leri ẹ kpụ. Wẹ nọ tụ eje-anụ hụ lẹ onyẹ amụma-ntụ ahụn lẹ ndụn ye imẹ odiyiri ọkụn nsịn-ẹnyanwụn;

Rẹvẹleshọnụ 20:10

Wẹ nọ tụ Ekwensụ hụn dufieni wẹ ye imẹ odiyiri ọkụn lẹ nsịn-ẹnyanwụn, ebẹhụ eje-anụ hụ lẹ onyẹ amụma-ntụ hụ rị. Wẹ k'e ye wẹ afụnfụn uhinhin lẹ efinnaị jẹnrin ejẹn.

Rẹvẹleshọnụ 20:12

M nọ hụn ndị nwụnhụnnị kẹ wẹ turu nwan ihun ukpo-eze hụ, kẹ onyẹ-uku kẹ onyẹ-nta. E kpupụsọnmẹ wẹ ẹhụhụọ bu ọda; ya wẹ nọzị kpupụ ẹhụhụọ ọzọ, hụn wụ ẹkụkwọ ndụn-itẹbitẹ. Wẹ nọ gi ihiẹn wẹ detọsọnmẹ imẹ ẹhụhụọ ndị hụ kin onyẹ-onyẹ ikpe ihiẹn o mẹ.

Rẹvẹleshọnụ 20:4

Ya m nọ hụn ukpo-eze ndị rị ebẹhụ. Wẹ nọ tumẹ ndị rịsọnmẹ ukpo ndị hụ ndị ọkịkị. M nọ hụnzịkwọ umẹ-ndụn ndị wẹ gi ufiri ozi Jizọsị lẹ oku Osolobuẹ bepụ isi. Ndịnị jụ nị efekọ wẹ eje-anụ hụ lẹ enwẹn ẹ mọbụ hụn wẹ leri ẹ kpụ, jụzị nị anarịnkọ wẹ ahịma eje-anụ hụ ezimezi ihun wẹ mọbụ ẹka wẹ. Wẹ nọ nwan gha ọnwụn lihi, rịzị ndụn, sọn Kraịstị kị ahụa nnụ-uku hụ.