Daniẹlụ 7:10 - Ika

¹⁰ Iyi nọ kẹ ọkụn hụ e hu — a gha ebe onyẹ hụ dịnọ ukpo hụ rị a pụha. Mmadụ nnụ-uku ole-lẹ-ole hụ e jẹnn'ẹ ozi; ijẹri ole-lẹ-ole rị ihun ẹ e che. Ọgwa e zugụọ nị wẹ kinmẹ ikpe, wẹ nọ shịapụsọnmẹ ẹkụkwọ.

Daniẹlụ 7:10 Iomraidhean Croise

Ndị-nze Nke Ibuzọ 22:19

Ya Maịkaya nọ kumẹzi, sị, “Gọn nwan ntịn n'ị nụ ihiẹn Osolobuẹ ku. M hụn kẹ Osolobuẹ nọdị elu ukpo eze ẹ, ndị mmọn-ozi ile rị elu-igwee turuhunmẹ ẹ ẹka-ihiẹn lẹ ẹka-ekpẹn.

Ihiẹn Mẹni Nke Ẹbụọ 18:18

Maịkaya nkẹ nọzị sị, “Gọn nwan ntịn n'ị nụ ihiẹn Osolobuẹ ku: M hụn kẹ Osolobuẹ nọdị elu ukpo-eze ẹ, ndị mmọn-ozi ile rị elu-igwee turu azụụn ẹka-ihiẹn ẹ lẹ azụụn ẹka-ekpẹn ẹ.

Jobu 25:3

Nị wẹ s'ẹka gụngụ ndị-agha a? Onyẹ kẹ ukpẹ ẹ ghalẹni e nwunkpu?

Ẹbụ-ọma 103:21

Ja nị Osolobuẹ mma, ụnụ ndị-agha a ile, ụnụ ndị-idibo ẹ hụn e mẹ uche ẹ!

Ẹbụ-ọma 18:8

Ẹnwụnrụn hụ a gha a oghoro imi a lọpụha; ọkụn hụn a dụnnị hụ a gha a ọnụ a pụha; ikeke-ọkụn hụ a gha a tụpụha.

Ẹbụ-ọma 50:3

Osolobuẹ ẹnyi lala, kanị o tukọ udọn: ọkụn e bu ihiẹn e ri rị a ihun, okẹn ẹbi rị a kpọnị fihunmẹ ẹ!

Ẹbụ-ọma 68:17

Chuku gi ụgbọ-ẹshin ẹ nnụ-uku ole-lẹ-ole gha Ugu Saịnaị banhan Ụlọ-nsọ a.

Azaya 30:27

Lee n'ẹ, Osolobuẹ gi ẹfan a gha ebe teni lala, o gi eje-olulu rị a dụn kẹ ọkụn lala lẹ ẹnwụnrụn lọtọnị; ọnụma jun ẹ ụgb'ọnụ, ọkụn a dụnnị rị a ire.

Azaya 30:33

O tekẹmẹkẹ wẹ kwademẹ Tofẹtị ebe wẹ nọ a dụn ihiẹn ọkụn; a kwademẹgụọ w'a tọnị eze. E mẹgụọ wẹ mgbugbu ọkụn a miwaye, shịawaye, ọkụn lẹ nkụn e jun ẹ; umẹrẹn Osolobuẹ hụn rị e hupụha lekẹ nsịn-ẹnyanwụn rị e nwun ọkụn, e d'a mụ ọkụn ye ẹ.

Daniẹlụ 12:1

“O ru ogẹn hụ, Maịkẹlụ onyẹ-isi ndị mmọn-ozi, onyẹ hụn e che ndị nke ụnụ nche, k'a pụha. Ogẹn nsọngbu k'a rị, ụdị hụn rịtulẹni kete anị ichẹn-ichẹn e bidọnlẹ. Kanị, o ru ogẹn hụ, wẹ k'a gbapụha ndị nke ụnụ, wẹ ile ẹfan wẹ rị imẹ ẹkụkwọ hụ.

Daniẹlụ 7:22

d'e ru mgbe Onyẹ hụ Nwọnlẹni Mbidọn gi bịa d'a hanyeni ndị-nsọ Onyẹ hụ kachanrịnnị eṅẹn, ogẹn nọ ru hụn wẹ gi nwọnrin ọkịkị lẹ alị-eze.

Daniẹlụ 7:26

“ ‘Kanị ọgwa Onyẹ hụ Nwọnlẹni Mbidọn k'e zu, kin ẹ ikpe, a napụ w'a ikẹn ẹ, tikpọchanrịn a jẹnrin ejẹn.

Zẹkaraya 14:5

ụnụ a gha ọdanmgbugbu ahụn pụhanị gbapụ, makẹni ọdanmgbugbu hụ k'e rukwọrị Azalụ. Ọsọ ụnụ k'a gba ụhụọhịn ahụn sikọ k'a nọ kẹ hụn ndị nke ụnụ gba kẹ alị mẹhunmẹ ogẹn Uzịa eze Juda. Ogẹn hụ kẹ Osolobuẹ wụ Chuku m k'e gi bịa — ịya lẹ ndị-nsọ a.

Matiu 25:31

“Ogẹn Nwa nke Ịhịan jẹnkọ d'e gi gi ọghọ-nze ẹ bịa, ya lẹ ndị mmọn-ozi ile, o sikọ d'e weri oche okẹn ukpo ẹ.

Ditrọnọmi 33:2

Ọ sị: “Osolobuẹ gha Ugu Saịnaị bịa; Ugu Sẹẹ k'ọ gha tikpu ndị nke ẹ rịkẹ ebe eki nọ fọn; Ugu-Paranị kẹ ọghọ a gha nwunpụha. Ịya lẹ ndị-nsọ a nnụ ole-lẹ-ole wị gha azụụn ndịdan-mirin bịa; nkpọtu ugu Osolobuẹ kẹ wẹ gha bịa.

Hibru 1:14

Ẹlẹ mmọn e jẹn ozi kẹ ndị mmọn-ozi wụhụ? Ẹlẹ mmọn Osolobuẹ zihẹ d'e yeni ndị jẹnkọ d'e nwọn nzụọpụha ẹka kẹ wẹ wụ?

Hibru 12:22

Kanị, Ugu Zayọnụ kẹ ụnụ bịa, obodo uku Osolobuẹ rị ndụn, Jerusalẹm hụn rị elu-igwee; ụnụ bịa d'e kunrun ndị mmọn-ozi oripiti-oripiti rị e mẹ mmẹmmẹ.

Judu 1:14

Ẹnọkụ, hụn rị agbọ nke ẹsa, wẹ gha ẹka Adam gụnma, e bugụọ amụma tọnị wẹ: ọ sị, “Lee ẹ, Di-nwọnni-ẹnyi lala, ya lẹ ndị nsọ a nnụ ole-lẹ-ole.

Rẹvẹleshọnụ 11:18

Alị ile e te kpọghọ ọnụma; kanị y'e gigụọ iwe-lẹ-ọnụma ị mẹ wẹ ihiẹn. Ogẹn y'e gi kin ndị nwụnhụnnị ikpe e rugụọ. Ogẹn y'e gi kụ idibo i ụgwọ e rugụọ nwan — idibo i ndị-amụma — lẹ ndị-nsọ lẹ ndị a tụ egun i — kẹ ndị uku kẹ ndị nta. Ogẹn y'e gi tikpọ ndị rị e tikpọ ụwa e rugụọzị!”

Rẹvẹleshọnụ 5:11

E lezi m ẹnya, m nọ nụ olu ndị mmọn-ozi bugbu enwẹn wẹ ọda! Wẹ fihunmẹ ukpo hụ lẹ ihiẹn ndị hụ rị ndụn lẹ ndị-isi hụ. Wẹ rị ijẹri ijẹri, nnụ-uku nnụ-uku.