Daniẹlụ 7:1 - Ika

¹ Ahụa ibuzọ Bẹlụshaza wụ eze Babilọnụ kịma, Daniẹlụ rọ nrọ, hụnsọnmẹ ihiẹn ndị ọ hụn imẹ nrọ hụ ebe o dinẹ elu bẹdi ẹ. Ọ nọ be ihiẹn ndị hụ ọ rọhụn nkeke detu.

Daniẹlụ 7:1 Iomraidhean Croise

Jẹnẹsisi 15:1

Ihiẹn ndịnị e mẹgụ, Ebram nọ hụn ọhụn ebe Osolobuẹ nọ sị a, “Ebram, atụlẹ egun; mmẹ wụ akpaịn ị hụn e che i nche; m k'a kụ ị ụgwọ higbu enwẹn ẹ ogbe.”

Jẹnẹsisi 46:2

O ru imẹ abalị, Izrẹlụ nọ hụn ọhụn. Imẹ ọhụn ahụn, Chuku nọ hị a, “Jekọpụ! Jekọpụ!!” Jekọpụ nọ sị a, “Lee m ebeni.”

Jobu 4:13

Ebe nrọ m rọ rị e hue m uhue imẹ uhinhin, ogẹn hụ okẹn ụran gi e buru ịhịan,

Azaya 30:8

Jẹn nwan d'e de ẹ ye ihiẹn ụrụa idẹnya wẹ, y'e dezi ẹ ye imẹ ẹkụkwọ — kẹni, o ru ihun, ọ wụsọnmẹ ọshẹri.

Azaya 8:1

Ya kẹ Osolobuẹ nọ sị m, “Weri ibe ụrụa shịanị, n'i gi mkpịnsịn deye ẹ: ‘Gbukpọkẹnrin; Gbukwarị-ozigbo’.

Jerimaya 23:28

“Onyẹ-amụma rọ nrọ, ya ziẹn nrọ a; kanị onyẹ hụn nwọn oku m ya kuchanrịn a k'ọ nọ — makẹni ẹfịfịa-ọka lẹ akpụrụ-ọka ẹlẹ ihiẹn ohu.

Jerimaya 27:7

Alị ile jẹnkọ d'e humẹn'ẹ isi, humẹni nwa a isi, humẹzini nwa-nwa a isi d'e ru ogẹn m'e gi tikpọzịkwọ alị ya nwẹn wụ Babilọnụ. O ru ogẹn hụ, alị bu ọda lẹ ndị-nze bu ọda a kpazịkwọ ikẹn jẹnkọ d'e mẹri Babilọnụ, kịma a.

Jerimaya 36:32

Ya kẹ Jerimaya nọ weri ẹkụkwọ ọzọ, we ẹ yezi akanwe, Baruku nwa Nẹria. Jerimaya nọ kpọmazịnị Baruku oku Osolobuẹ hụ, Baruku hụ e de ẹ. Baruku nọ dechanrịnzị ihiẹn ndị ahụn ile te rị ẹkụkwọ hụ eze wụ Jehoyakim kpọ ọkụn. Wẹ nọ dezikwọ ihiẹn ndị ọzọ nọzị kẹ wẹ cheni wẹ.

Jerimaya 36:4

Ya kẹ Jerimaya nọ kpọ Baruku nwa Nẹria. Jerimaya nọ gwama Baruku ihiẹn ile Osolobuẹ gwa a gha ogẹn ahụn Osolobuẹ gwama a oku lala. Baruku nọ detuchanrịn wẹ ile imẹ ẹkụkwọ.

Izikẹlụ 1:1

Nke akpọhịn isẹn imẹ ifọn nke ẹnọ imẹ ahụa nke iri-kwasị-ọgụn, m rị mkpẹnrẹn Iyi Kẹba alị Babilọnụ, ebe wẹ kpụnjẹn mmẹ lẹ ndị Juda ibe m. Ya m nọ hụn ọhụn. Imẹ ọhụn ahụn, igwere nọ kpupụ, Chuku nọ ghọsị m ihiẹn.

Izikẹlụ 40:2

Imẹ ọhụn hụ gha ẹka Osolobuẹ bịa, Osolobuẹ nọ we m shi alị Izrẹlụ, bu m che elu-ugu jẹngbu enwẹn ẹ elu. O nwọn ebe nọ kẹ obodo elu ẹ ebẹhụ, ẹbamịn ndịdan.

Daniẹlụ 1:17

Chuku ye ikorọbịa ẹnọnị ikẹn wẹ gi a mụ ihiẹn lẹ hụn wẹ gi a ghọta ẹkụkwọ ile lẹ ihiẹn ile w'a mụ a mụ. Daniẹlụ nkẹ a ghọta ọhụn ile lẹ nrọ ile.

Daniẹlụ 2:1

Hụn mẹ ẹ ahụa ẹbụọ eze wụ Nebukadineza kịma, o nwọn nrọ ọ rọ, obi eruzin'ẹ alị, ụran e buruzin'ẹ.

Daniẹlụ 2:26

Eze nọ sị Daniẹlụ hụn ẹfan a wụzị Bẹlụtẹshaza, “N'ị s'ẹka gwa m ihiẹn m rọhụn lẹ nkọwa a?”

Daniẹlụ 4:13

“Imẹ nrọ hụ m rọ elu bẹdi m, e lee m ẹnya, e lee onyẹ-ozi ohu hụn wụ mmọn-ozi nsọ k'ọ gha elu-igwee lala.

Daniẹlụ 4:5

M nọ rọ nrọ hụn tụ m egun; ihiẹn ndị m hụn imẹ nrọ ebe m dinẹ elu bẹdi m a ranhịn tụ m egun ọda-ọda.

Daniẹlụ 5:1

Ogẹn Bẹlụshaza gi wụ eze Babilọnụ, ọ nọ kpọnị ndị-isi ọgụn-iri kwasị nnụnaị (1,000) e sọn ẹ a kị oriri hi ogbe; ọ hụ e du wẹ a ra manya.

Daniẹlụ 5:22

“Kanị, ịyụ nwẹn wụ Bẹlụshaza nwa a ewelụanị enwẹn i alị, ọ sụọn'a nị y'a marịngụọ ihiẹnni ile.

Daniẹlụ 5:30

Uhinhin ahụn daị kẹ wẹ gbu Bẹlụshaza eze ndị Babilọnụ.

Daniẹlụ 7:13

“Imẹ nrọ m uhinhin hụ, e lee m ẹnya, m nọ hụn onyẹ nọ kẹ ịhịan, ‘nwa nke ịhịan’, k'ọ rị orukpu igwere lala. Ọ nọ buru Onyẹ hụ Nwọnlẹni Mbidọn, wẹ nọ du ẹ shi ihun ẹ.

Daniẹlụ 7:15

“Obi eruzini mmẹ wụ Daniẹlụ alị, makẹni ihiẹn m rọhụn rị e sọngbu m.

Daniẹlụ 7:7

“Ọhụn e mẹgụ, imẹ nrọ ahụn m rọ imẹ uhinhin, e lee m ẹnya ihun m ebahụn, e lee eje-anụ hụn mẹ wẹ ẹnọ; hụnnị wụ ihiẹn-egun; ndụn a rịka a! Eze igwe hi ogbe k'o nwọn; ọ dọkịka ihiẹn danban a ẹka, e ripụ, a zọkpụkpọ hụn ọwụlẹ họdụnị. Ọ rị ichẹn ebe eje-anụ ndị hụ bu ẹ ụzọ pụha rị; mpịn iri k'o nwọn.

Daniẹlụ 8:1

Imẹ ahụa nke ẹtọ Eze wụ Bẹlụshaza kịma, mmẹ wụ Daniẹlụ nọ hụn ọhụn. Ẹlẹkwọ nke ibuzọnẹi m hụn.

Juwẹlụ 2:28

“Ọnwan mẹgụ, m k'e hu Mmọn m kpu ịhịan ile: ụmụ ụnụ ikẹnnyẹ lẹ ikpoho k'e bu amụma; ikẹnnyẹ-ọba ụnụ k'a rọ nrọ; ikoro ụnụ k'a hụn ọhụn.

Emọsụ 3:7

Ezioku-ezioku, Di-nwọnni-ẹnyi wụ Osolobuẹ ara mẹ ihiẹn-anaị bụ ọ ghọsịgụnị idibo ẹ ndị-amụma ihiẹn o bu obi.

Habakọkụ 2:2

Ya kẹ Osolobuẹ nọ za m, sị m, “Detu ihiẹnni m k'a gwa ị, bụtọ; depụha a ọhụnma ye elu ihiẹn, hụn w'a saẹka a gụn a gba ọsọ.

Ọgụngụn 12:6

ọ nọ sị wẹ, “Gọn ni nwan ntịn ihiẹn m jẹnkọ d'e ku: Omẹni onyẹ-amụma m rị igunrun ụnụ, imẹ ọhụn kẹ m'a nọ e we enwẹn a ghọsị a; imẹ nrọ kẹ m nọ a gwa a oku.

Ndị Rom 15:4

Wẹ de ihiẹn ile wẹ de imẹ Ẹkụkwọ-nsọ ẹdẹi kẹni wẹ gi ẹ kuzi ẹnyi, kẹni ẹnyi hụn ụzọ e din ndidin, e gi ya lẹ nkasị-obi Ẹkụkwọ-nsọ e ye nwọnsọnmẹ olilẹnya ẹnyi.

Ndị Kọrẹntị Nke Ẹbụọ 12:1

Ọ rị mkpa nị m nyansọnmẹ isini — ọsụọn'a n'o nwọnni erere ọ ban. Nị m ku nwan oku ọhụn ndị m hụn lẹ ihiẹn Di-nwọnni-ẹnyi ghọsịsọnmẹ m.

Rẹvẹleshọnụ 1:19

“Detu nwan ihiẹn ị rị a hụn: ihiẹn rị ogẹnni lẹ ihiẹn jẹnkọ d'e mẹ ihun.

Rẹvẹleshọnụ 10:4

Akpara ẹsa ahụn a hangụ, m te nọ chọ nị m demẹ, kanị m nọ nụ olu gha elu-igwee sị, “Zuemẹ ihiẹn akpara ẹsa hụ ku, edetulẹ ẹ!”