Daniẹlụ 6:8 - Ika

⁸ Eze-Agụ, dodo, ti nwan iwu hụ, y'e detu ẹ n'ọ wụrụ hụn wẹ ghalẹni e gbehutọ — n'ọ wụrụ iwu ndị Mẹdịa-lẹ-Pẹshịa wẹ ghalẹni e gbehutọ.”

Daniẹlụ 6:8 Iomraidhean Croise

Ẹsta 1:19

“O mẹ nwan n'ọ sụọghọ eze, ya ti iwu, e de wẹ ẹ ye iwu Pẹshịa lẹ Mẹdịa ẹnyi hụn wẹ ghalẹni e gbehutọ, nị Vashiti abịakọzị ihun Eze wụ Ahazẹrusu. Eze ya weri ọkwa Alasị ye okpoho ọzọ hụn ka Vashiti mma.

Ẹsta 3:12

Nke akp'ọhịn mmẹtọ imẹ ifọn ibuzọ hụ, wẹ nọ kpọ ndị akanwe eze. Wẹ nọ de ihiẹn Hamanị sị ndị ọkịkị ile mẹ — kẹ ndị a nọkin ẹnya eze Azụụn ichẹn-ichẹn kẹ ndị gọvanọ Azụụn ichẹn-ichẹn kẹ ndị-isi kị ndị alị ichẹn-ichẹn. Hamanị sị wẹ gi mkpụrụ-ẹkụkwọ Azụụn ichẹn-ichẹn gi e de ihiẹn deni wẹ ịya, gizi asụsụ alị ichẹn-ichẹn rị azụụn hụ deni ndị ọwụlẹ ya. Ẹfan eze wụ Ahazẹrusu kẹ wẹ gi de ihiẹn hụ, gi ọla mkpịnsịn ẹka o gi e biye ihiẹn ẹka biye ẹ ẹka.

Ẹsta 8:10

Ẹfan eze wụ Ahazẹrusu kẹ Mọdikaya gi de ẹkụkwọ ndị hụ o zipụ, gi ọla mkpịnsịn ẹka eze gi e biye ihiẹn ẹka biye wẹ ẹka; ọ nọ we wẹ ye ndị ozi gi ẹshin ndị a gba okẹn-ọsọ hụn wẹ zụntọnị eze wejẹnsọnmẹ Azụụn ichẹn-ichẹn.

Ẹsta 8:3

Ẹsta nọzị rịọma eze, ọ dan alị ụkụ eze, a kwan. Ọ rịọ a ya kagbu eje-ihiẹn ahụn Hamanị onyẹ Agagị romẹ, hụn ọ chọ n'o mẹ ndị Ju.

Ẹsta 8:8

Ụnụ nwẹn, de ni nwan iwu ọzọ hụn jẹnkọ d'e yeni ndị Ju ẹka; de n'ẹ k'ọ dọn rị mma ẹnya ụnụ. Gi ni ẹfan eze de ẹ, ọnụ e gi ọla mkpịnsịn ẹka eze gi e biye ẹka biye ẹ. Makẹni, w'ara saẹka kagbu ihiẹn wẹ gi ẹfan eze de, gi ọla mkpịnsịn ẹka eze biye ẹ ẹka.”

Ẹbụ-ọma 94:21

W'e zuni ndị ezi-omumẹ umẹ, a ma ndị nwọnlẹni ihiẹn wẹ mẹ ikpe-ọnwụn.

Azaya 10:1

Nsọngbu rị e che ndị hụn e ti iwu mmẹgbu, ndị e tumẹ iwu wẹ gi a bịangbu ibe wẹ,

Daniẹlụ 5:28

“FASINI wụ: E kebegụọ wẹ alị-eze i, we ẹ ye ndị Mẹdịa-lẹ-Pẹshịa.”

Daniẹlụ 6:12

Wẹ nọ buru eze d'a gwa a oku iwu ahụn o ti, sị, “Eze-Agụ, ẹlẹ i ti iwu, ma ọkwa a, nị onyẹ kpọku mmọn ọwụlẹ mọbụ onyẹ ọwụlẹ manị ịyụ wụ eze gha kikẹnni d'e ru ifọn ohu, wẹ tụ a ye imẹ olu ẹwọrọ?”

Daniẹlụ 6:15

Ya wẹ nọ zuzi buruzi eze, sị a, “Eze-Agụ, nyanhankwọ kẹ iwu Mẹdịa-lẹ-Pẹshịa nọ, n'o nwọnni iwu mọbụ uhi eze biye ẹka hụn w'e hutọ.”

Matiu 24:35

Igwere lẹ ụwa k'a gụ, kanị oku m k'a bụnrịrị.