Daniẹlụ 6:22 - Ika

²² Chuku m zi mmọn-ozi ẹ, ọ nọ kpumẹ ọnụ ẹwọrọ ndịnị. Onwọnni ihiẹn wẹ mẹ m, makẹni ọ hụngụọ nị emẹni m njọ, onwọnzikwọnị eje-ihiẹn m mẹ yụ wụ eze.”

Daniẹlụ 6:22 Iomraidhean Croise

Jẹnẹsisi 40:15

Makẹni ẹka-ikẹn kẹ wẹ gi gha alị ndị Hibru ẹnyi weri m; kẹ hụnnị m rịdẹ nwan ebeni, onwọnni ihiẹn-ngan m mẹ hụn m'e gi rị ebeni.”

Samuẹlụ Nke Ẹbụọ 22:7

A nọ m imẹ ụya kpọku Osolobuẹ; a kpọcheni m Chuku m. Ọ gha Ụlọ-NSỌ a nụ olu m, ẹkwan m e ru ẹ ntịn.

Ndị-nze Nke Ibuzọ 13:28

Onyẹ amụma hụ nọ jẹnmẹ, ọ nọ hụn ozun hụ k'ọ rị alị ọkpụzọ, anyịnyan-jaki hụ lẹ ẹwọrọ hu wuzohụkwọyeni ozun hụ. Ẹwọrọ hụ erini ozun hụ, ọ mayeni anyịnyan-jaki hụ.

Ihiẹn Mẹni Nke Ẹbụọ 32:21

Ya Osolobuẹ nọ zi mmọn-ozi ohu, mmọn-ozi hụ nọ gbuchanrịn ndị-agha ile lẹ ndị-ndu lẹ ndị-isi ile rị ebẹhụ ndị-agha eze ndị Asiria ziẹntọ. Ya Sẹnakẹribụ nọ gi ifẹnrẹn lashi alị a. Ogẹn o gi banye ụlọ-mmọn a d'a rụa a, ụmụ ẹfọ a nọ gi ọpịa-agha gbu ẹ.

Ẹbụ-ọma 118:28

Ịyụ wụ Chuku m, m k'a kpanmịn ị; Chuku m, m k'a ja ị mma.

Ẹbụ-ọma 26:6

A kwọpụ m ẹka ihiẹn m marịnlẹni, Osolobuẹ, e jẹnhunmẹ ukpo nchụn-ẹjan ị,

Ẹbụ-ọma 31:14

Kanị ịyụ kẹ m rị e lee ẹnya, Osolobuẹ; m hụ e ku ẹ nị “Ịyụ wụ Chuku m.”

Ẹbụ-ọma 34:7

Mmọn-ozi Osolobuẹ e fihunmẹ ndị hụn a tụ egun Osolobuẹ; ọ gbapụha wẹ a gbapụha.

Ẹbụ-ọma 38:21

Heuu Osolobuẹ, a gbakịtọkwọlẹ m azụụn, Dodo Chuku m, anọtekwọlẹ ebe m rị.

Ẹbụ-ọma 84:11

Makẹni, Osolobuẹ wụ Chuku ẹnyi wụ ẹnyanwụn lẹ akpaịn, ara gi ihiẹn ọwụlẹ rị mma jọ ndị obibi wẹ kụrụ ọtọ ẹfọ.

Azaya 3:10

Gwa ndị ezi-omumẹ n'o k'a masịnị wẹ, makẹni wẹ jẹnkọ d'e ri ihiẹn wẹ rụn.

Azaya 63:9

Ọ nị ihiẹn ile rị e mẹtụrụnị wẹ e mẹtụrụ ya nwẹn; ọ nọyeni wẹ nọkẹ mmọn-ozi, zụọpụha wẹ. Ọ nọ gi ihiẹn-ọsụsụọ lẹ omikẹn gbapụha wẹ; ọ bushi wẹ elu, parịdẹ wẹ aparị — hụn ahụn ile ogẹn mbụ ahụn.

Jerimaya 37:18

Jerimaya nọzị sị Zẹdikaya, “Elee njọ kẹ m mẹ ịyụ mọbụ idibo i mọbụ ndị Juda ụnụ gi kpọkin m ye?

Daniẹlụ 3:28

Ya Nebukadineza nọ yi, “Ịja mma y'a rịnị Chuku Shẹdrakị, Mishakị lẹ Abẹdnego, hụn zi mmọn-ozi ẹ d'a gbapụha idibo ẹ, idibo ẹ hụn gi ẹ dọn ẹnya, pa oku eze, kweri ọnwụn, hụn nkẹ w'e gi fe mọbụ gbaye mmọn ọwụlẹ wezụka Chuku wẹ.

Daniẹlụ 6:20

O ru ẹhụ olu hụ, ọ nọ gi uhue rị e huen'ẹ kpọcheni Daniẹlụ, sị, “Daniẹlụ-o, odibo Chuku ahụn rị ndụn, Chuku i, hụn y'e fe ogẹn ile a saghọ ẹka gbapụha ị ẹka ẹwọrọ?”

Daniẹlụ 6:23

Ẹfọ nọ sụọ eze ụsụọ ọda-ọda, ọ nọ zi wẹ d'a dọpụha Daniẹlụ imẹ olu hụ. A dọpụha wẹ Daniẹlụ, wẹ nọ hụn a n'o nwọnni ebe ọ rụ ẹhụ, makẹni o gi Chuku ẹ dọn ẹnya.

Daniẹlụ 6:4

Ya kẹ ndị-nkịkwama ẹbụọ hụ họdụnị lẹ ndị-ọkịkị ile nọ chọma ihiẹn alị-eze hụn Daniẹlụ rụnlẹni ọhụnma, kanị ahụnnị wẹ ihiẹn wẹ e gi kpe ẹ, a hụnnị wẹ nkọrịanị. Ahụnnị wẹ eje-ihiẹn ọwụlẹ ẹka a, makẹni ọ wụ ịhịan esi, ahụnnị wẹ ebe ọ nọ la azụụn mọbụ rụn ọrụn a zizizi.

Daniẹlụ 6:7

Ẹnyi ndị-nkịkwama lẹ ndị e lepụsọnmẹ ọrụn ichẹn-ichẹn ẹnya lẹ ndị-ọkịkị lẹ ịhaịmẹ lẹ ndị gọvanọ e kwerigbamagụọ nị eze ti iwu, hụn a nị ịhịan ile dọnmẹ ya wụ iwi. Iwu hụ wụ nị onyẹ kpọku mmọn ọwụlẹ mọbụ onyẹ ọwụlẹ mmanị ịyụ wụ eze gha kikẹnni d'e ru ifọn ohu, wẹ tụ hụnyẹ ye imẹ olu ẹwọrọ.

Maịka 7:7

Kanị, mmẹ nwẹn, Osolobuẹ kẹ m'e lee; m k'e cheri Chuku hụn a zụọpụhanị m; Chuku m jẹnkọ d'a za m.

Ọgụngụn 20:16

kanị mgbe ẹnyi gi kwanghọsị Osolobuẹ, ọ nọ nụ ẹkwan ẹnyi, zihẹni ẹnyi mmọn-ozi, onyẹ-ozi ẹ, d'e wepụha ẹnyi imẹ Ijiptu. Ẹnyi rị nwan alị Kadẹshi ebeni mkpẹnrẹn alị ụnụ.

Matiu 27:46

Ibẹka ọkụrọkụ ẹtọ, Jizọsị nọ gi okẹn olu yi, sị, “Ẹlaị! Ẹlaị!! Lama Sabakitani?!” Ya wụ, “Osolobuẹ m! Osolobuẹ m!! Kị haịn i gi la m tọ?!”

Ọrụn Ndị-ozi 12:11

Ogẹnni kẹ ẹnya gi fọn Pita, ọ nọ sị, “Kikẹnni k'o we m ẹnya: Di-nwọnni-ẹnyi zi mmọn-ozi ẹ d'a zụọpụha m ẹka Hẹrọdụ lẹ ihiẹn ile ndị Ju te rị a tụ ẹnya a.”

Ọrụn Ndị-ozi 24:16

Ufiri ẹ kẹ m gi a lịlịma ogẹn ile, kẹni m hụn a nị obi m rị ọchan ebe Osolobuẹ lẹ ịhịan rị.

Ọrụn Ndị-ozi 27:23

Makẹni mmọn-ozi hụn Chuku nwọnni m m rị a rụnnị ọrụn zihẹ a bịaghọ hụn uhinhin d'e kunrun m.

Ndị Kọrẹntị Nke Ẹbụọ 1:12

Ihiẹn ẹnyi gi a nyan isi wụ ọnwan: nị ịhọrị ẹnyi rị a shịanị ẹnyi ẹri nị ẹnyi gi obi rị ọchan lẹ ezioku Osolobuẹ bi obibi ẹnyi imẹ ụwa, tụmadụ ẹgbata ẹnyi lẹ ụnụ; nị ẹnyi egini amamihiẹn ụwa bi, kanị eyemẹka Osolobuẹ.

Timoti Nke Ẹbụọ 4:17

Kanị Di-nwọnni-ẹnyi nọyeni m anọyeni; ọ nọ ye m ikẹn, kẹni m hụn ụzọ ziru oziọma alị, zi ẹ nị ndị alị ndị ọzọ ile wụlẹni ndị Ju nụ a. Ọ zụọpụha m ọnụ ẹwọrọ ahụn.

Hibru 1:14

Ẹlẹ mmọn e jẹn ozi kẹ ndị mmọn-ozi wụhụ? Ẹlẹ mmọn Osolobuẹ zihẹ d'e yeni ndị jẹnkọ d'e nwọn nzụọpụha ẹka kẹ wẹ wụ?

Hibru 11:33

ndịnị ile gi okukwe mẹri alị rị ichẹn-ichẹn, gi ẹ kị ọkịkị rị mma; gi ẹ nwọnhẹn ihiẹn Osolobuẹ kwe wẹ nkwa a, gi okukwe kpukinsọnmẹ ọnụ ẹwọrọ;

Samuẹlụ Nke Ibuzọ 17:37

Osolobuẹ hụ hụn zụọpụha m ẹka ẹwọrọ lẹ ẹka biẹ k'a zụọpụha m ẹka onyẹ Filistia-nị!” Ya Sọlụ nọ kweyen'ẹ, sị, “Jẹnmẹ nwan; Osolobuẹ ya nọyen'i.”

Samuẹlụ Nke Ibuzọ 26:18

Ọ nọzị sị Sọlụ, “Kị di-nwọnni m chụkọnị odibo ẹ? Kịnị kẹ m mẹ? Elee njọ kẹ m mẹ?