Daniẹlụ 6:10 - Ika

¹⁰ Mgbe Daniẹlụ gi nwan marịn nị e tigụọ wẹ iwu hụ, de ẹ, ma ọkwa a, ọ nọ lashi iwe ẹ. Mgbe ẹtọ imẹ ụhụọhịn ọ hụ e jẹn mmughẹ ẹ rị ibe elu hụn windo ẹ bu ihun zinmẹ ibẹka Jerusalẹm, e gbu osekpu, e mẹ ekpere, a kpanmịn Chuku ẹ, k'o dọn e mẹ mbụ.

Daniẹlụ 6:10 Iomraidhean Croise

Ndị-nze Nke Ibuzọ 8:30

Nụ arịrịọ odibo i lẹ ndị nke i wụ Izrẹlụ wẹ bu ihun zinmẹ ebeni mẹ ekpere. Gha elu-igwee ebe-obibi i nụ ekpere wẹ; ị nụ a, y'a gbagharị wẹ njọ.

Ndị-nze Nke Ibuzọ 8:38

nị onyẹ ohu mọbụ Izrẹlụ ndị nke ile a bịa d'e mẹ ekpere mọbụ rịọ ị, kị ẹka zinmẹ Ụlọ-nsọnị — omẹkwọnị njọ wẹ mẹ hụ a fụ onyẹ-onyẹ imẹ obi —

Ndị-nze Nke Ibuzọ 8:44

“Ndị nke i jẹn d'a lụsọn ndị iṅẹnrẹn wẹ agha, ebe ọwụlẹ ọ wụ hụn i zijẹn wẹ, nị e bu wẹ ihun zinmẹ Jerusalẹm, obodoni ị họrị, lẹ Ụlọ-nsọnị m tụn makẹ Ẹfan ị, mẹ ekpere,

Ndị-nze Nke Ibuzọ 8:54

Ogẹn Solomọnụ gi mẹgụ ekpere ndịnị ile, rịọgụ Osolobuẹ ihiẹn ndịnị, ọ nọ lihi ọtọ ihun ukpo nchụn-ẹjan Osolobuẹ ebẹhụ o sekpu bu ẹka zinmẹ elu-igwee e mẹ ekpere hụ.

Ihiẹn Mẹni Nke Ẹbụọ 6:13

Solomọnụ rụntọ mgbankpo igwe-bronzu o k'e wuzo. Usue ẹ lẹ ụshịa a wụsọnmẹ ọb'ụkụ ẹsa lẹ mkpikpi, ojijẹn-elu ẹ ọb'ụkụ ẹnọ lẹ mkpikpi. Ahanmahan ezi-ọgwa k'o butọ a. Elu ẹ k'o wuzo nwan. O gbu osekpu idẹnya Izrẹlụ ile, ya lẹ ẹka ẹbụbụọ ọ shịapụ buzinmẹ elu-igwere.

Ihiẹn Mẹni Nke Ẹbụọ 6:38

e gi wẹ obi wẹ ile lẹ umẹ-ndụn wẹ ile gbehutọ buruhẹ i ebẹhụ wẹ rị imẹ alị wẹ nwụnjẹn wẹ, bu ihun zinmẹ alị i ye ndị nẹdi wẹ lẹ obodoni ị họrị lẹ ụnọ-nsọ m tụn makẹ Ẹfan ị;

Ẹzra 9:5

O ru ogẹn wẹ gi a chụn ẹjan ẹnyasị, m nọ gha ebẹhụ m bu enwẹn m gbama alị lihi, mmẹ lẹ nkanka ẹkwa ndị hụ m dọkaye enwẹn m olu; m nọ gbu osekpu, shịapụ ẹka m ẹbụbụọ zinmẹ Osolobuẹ wụ Chuku m,

Nehemiah 6:11

Kanị m nọ sị, “Nị onyẹ nọ kẹ mmẹ gbapụ? Nị onyẹ nọ kẹ mmẹ warị imẹ Ụlọ-NSỌ nị m rị e ghe isi? Ejẹnkọ m!”

Ẹbụ-ọma 34:1

M k'a kpanmịn Osolobuẹ ogẹn ile; ọnụ m ajabehikọ a mma.

Ẹbụ-ọma 5:7

Kanị mmẹ nwẹn, makẹni y'e mẹyeni onyẹ nke i, m k'a s'ẹka banhan imẹ Ụlọ ị; m k'e bu ihun zinmẹ Ụlọ-NSỌ ị, kụn'ị isi-alị.

Ẹbụ-ọma 55:17

Kẹ uhinhin kẹ ụtụntụn kẹ efinnaị, m hụ a gwaghọsị a nsọngbu m, a sụn udẹn; ọ k'a nụ olu m.

Ẹbụ-ọma 86:3

Dodo Di-nwọnni-ẹnyi, mẹni m omikẹn, makẹni m'a kpọku i uhinhin lẹ efinnaị.

Ẹbụ-ọma 95:6

Bịa nị nị ẹnyi kpọ isi alị fe ẹ; nị ẹnyi gbuni ni Osolobuẹ keni ẹnyi osekpu!

Daniẹlụ 6:13

Ya wẹ nọ sị eze, “Eze-Agụ, Daniẹlụ, hụn wụ onyẹ ohu imẹ ndị wẹ gha Juda kpụnhan, ara gọn i ntịn; o dọnmẹzikwọnị nwan iwuni i ti detu. Echẹn k'o mẹ ekpere mgbe ẹtọ ụhụọhịn k'o dọn e mẹ.”

Daniẹlụ 9:4

M nọ mẹ ekpere jẹnni Osolobuẹ wụ Chuku m, e kupụha njọ ẹnyi, sị, “Dodo, Di-nwọnni-ẹnyi, Chuku uku, hụn w'a tụ egun ẹ, hụn e nwọnsọnmẹ ihiẹn-ọsụsụọ ndị ihiẹn ẹ a sụọ hụn rị e mẹ ihiẹn o ku,

Jona 2:4

Ya m nọ sị, ‘Euu, y'a chụpụọlẹ m ebe ọ rị kanị m k'e leghazị Ụnọ-NSỌ!’

Makị 3:3

Ya ọ nọ sị okẹnnyẹ hụ ẹka nwụnhụn, “Pụha ihun ebeni.”

Luku 14:26

“Onyẹ bịa d'e kunrunni m bụ ihiẹn m asụọn'a karị ihiẹn nẹdi ẹ lẹ nnẹ ẹ lẹ nwunyẹ ẹ lẹ ụmụ a lẹ umunẹ-ẹ-ikẹnnyẹ lẹ umunẹ-ẹ-ikpoho, ẹghẹẹ, karịdẹ ndụn a, ọ sakọ ẹka wụrụ onyẹ nsọnmazụụn m;

Luku 22:41

Ya ọ nọ jẹnshi ihun ẹkẹrẹ, ihiẹn rịkẹ ebe mbụrụ e ru, gbu osekpu, mẹ ekpere,

Ọrụn Ndị-ozi 10:9

Eki e fọn, ibẹka ọkụrọkụ mmẹbụọ efinnaị anwụn gi a rị isi, ikẹnnyẹ ahụn e rumẹ obodo hụ. Ogẹn hụ kẹ Pita nkẹ gi shi elu ụlọ d'e mẹ ekpere.

Ọrụn Ndị-ozi 2:15

Manya arị a tụ ndịnị kẹ ụnụ dọn rị e ro, kaka — o mẹkẹdẹ nwan ụtụntụn, ọkụrọkụ itenẹi sụọ rọhụ.

Ọrụn Ndị-ozi 20:24

Kanị onwọnni ihiẹn m kpọ ndụn m, kasị m gbagụ ọsọ Osolobuẹ, rụngụ ọrụn Di-nwọnni-ẹnyi wụ Jesu buche m ẹka: ọrụn izisọnmẹ oziọma banyeni ọhụnma Osolobuẹ mẹ.

Ọrụn Ndị-ozi 20:36

Ogẹn Pọlụ gi kugụ, ya lẹ wẹ nọ sekpu alị, ọ nọ mẹ ekpere.

Ọrụn Ndị-ozi 21:5

Kanị, ogẹn ẹnyi lẹ wẹ gi nọgụ, ẹnyi nọ pụ, jẹnmẹzi ebe ẹnyi jẹnkọ. Wẹ ile lẹ inyẹnmẹ wẹ lẹ ụmụ wẹ nọ gha imẹ obodo hụ dupụha ẹnyi, durukwọrị ẹnyi mkpẹnrẹn ohimin. Ya ẹnyi ile nọ sekpu alị mkpẹnrẹn mirin ebẹhụ mẹ ekpere,

Ọrụn Ndị-ozi 3:1

Ụhụọhịn ohu, Pita lẹ Jọnụ jẹn Ụlọ-nsọ ogẹn ekpere ọkụrọkụ ẹtọ efinnaị.

Ọrụn Ndị-ozi 4:29

Di-nwọnni-ẹnyi, lee nwan egun wẹ rị e rọn ndị idibo i; dodo ye idibo i obi kushi oku i ikẹn,

Ọrụn Ndị-ozi 5:20

“Jẹn ni Ụlọ-nsọ, ụnụ e wuzo ebẹhụ gwachanrịn ịhịan ile oku ndụn ọhụnnị.”

Ọrụn Ndị-ozi 5:29

Pita lẹ Ndị-ozi ahụn pụ-ichẹn ibe ẹ nọ za wẹ, sị, “Chuku kẹ ẹnyi jẹnkọ d'e humẹni isi, ẹlẹ ịhịan.

Ọrụn Ndị-ozi 7:60

Ya ọ nọ gbu osekpu, weshi olu elu, yi, “Di-nwọnni-ẹnyi, agụnkwọlẹ njọnị yeni wẹ!” O kugụ a, ọ nọ nwụnhụn.

Ọrụn Ndị-ozi 9:40

Pita nọ sị wẹ ile pụ; ọ nọ gbu osekpu, mẹ ekpere. Ya ọ nọ gbehutọ, bu ihun zimẹ ozun hụ, sị, “Tabita, lihi.” Ya Tabita nọ shịapụ ẹnya; ọ hụn Pita, ọ nọ nọdị alị.

Ndị Ẹfẹsọsụ 3:14

M rị nwan e gi ufiri ẹ e gbuni Nẹdi ẹnyi osekpu,

Ndị Filipi 1:14

Ngannị wẹ tụ m e mẹgụọzị obi rukẹnmẹ ndị itu-Kraịstị ibe ẹnyi bu ọda alị imẹ Di-nwọnni-ẹnyi, w'e kushi nwan oku-Osolobuẹ ikẹn karị kẹ w'e ku ẹ mbụ — egun arịzị wẹ ẹnya.

Ndị Filipi 1:20

M nwọn olilẹnya ọda-ọda nị egikọ m egun mẹ ihiẹn ifẹnrẹn e gi mẹ m; kama, nị m k'e kuzi oku Kraịstị kikẹnni, kushi ẹ ikẹn kẹ m dọn e ku ẹ mbụ, gi ẹhụ m buli Kraịstị elu, omẹni ịrịn'a ndụn rọ, omẹni ịnwụnn'a ọnwụn rọ.

Ndị Filipi 4:6

Ehuelẹ ni uhue ihiẹn ọwụlẹ; imẹ ihiẹn ile, e gi ni ekpere lẹ arịrịọ lẹ iye-ekele a gwa Osolobuẹ ihiẹn rị ụnụ mkpa.

Ndị Kolosị 3:17

Ihiẹn ile ụnụ e mẹ, kẹ omumẹ kẹ oku-ọnụ, e gi ni ẹfan Di-nwọnni-ẹnyi wụ Jizọsị e mẹ ẹ, a gha ẹka a e ye Chuku Nẹdi ekele.

Hibru 13:15

Nị ẹnyi ghama nị nwan ẹka Kraịstị a chụnyeni Osolobuẹ ẹjan hụn wụ ọjịja-mma, hụn wụ mkpụrụ ọ rị ghọrị ọnụ ndị rị a kpọku ẹfan a.

Hibru 4:16

Nị ẹnyi wepụ nwan egun, bịa ukpo ẹfọma Osolobuẹ, kẹni ẹnyi nwọnhẹn omikẹn, nwọnhẹnzikwọ ẹfọma k'e yeni ẹnyi ẹka ogẹn o k'a rị ẹnyi mkpa.

Rẹvẹleshọnụ 2:10

Atụlẹ ni egun afụnfụn ụnụ jẹnkọ nwan d'a ta. Lee ẹ, Ekwensụ e d'a tụ ụfọdụ imẹ ụnụ ngan kẹni wẹ gi ẹ lele ụnụ. Ụnụ k'a ta afụnfụn akpọhịn iri. Kwọnkẹnmẹ ni okukwe ụnụ d'e ru ọnwụn, e gi m ndụn wụ ndụn tu ụnụ ugọn.

Rẹvẹleshọnụ 2:13

A marịnghọ m ebe i bi, ebẹhụ ukpo Ekwensụ lẹ enwẹn ẹ rị, kanị i kwọndọnhụkwọ ẹfan m; y'a jụnị ihiẹn m sị ụnụ kweri, kẹ hụn ahụn wẹ gbudẹ ezigbo ọshẹri m wụ Antipasị, hụn wẹ gbu imẹ igunrun ụnụ imẹ obodo hụ Ekwensụ bi.