Daniẹlụ 5:23 - Ika

²³ Ị nọ bushimẹdẹ enwẹn i elu ebe Onyẹ nwọn elu-igwee rị, sị wẹ kịhanị ị mkpu ndị wẹ weri imẹ Ụlọ-nsọ a, ịyụ lẹ ndị-isi lẹ inyẹnmẹ i lẹ ndị mgba ị nọ gi wẹ ra manya; ị nọ jama mmọn ichẹn-ichẹn mma — kẹ nke goru kẹ nke siliva kẹ nke igwe-bronzu kẹ nke igwe-mmaka kẹ nke osisi kẹ nke ọmụma — mmọn ndị hụn ghalẹni e legha ụzọ mọbụ a nụ ihiẹn mọbụ a ghọta ihiẹn. Bụ y'e yeni Chuku ọghọ — Chuku, hụn gi ndụn ị lẹ ọpụpụ ị lẹ ọbanhan i.

Daniẹlụ 5:23 Iomraidhean Croise

Jẹnẹsisi 14:19

Ọ nọ gọzi Ebram, sị, “Chuku kachanrịnnị hụn ke elu-igwee lẹ ụwa ya gọzi Ebram;

Jẹnẹsisi 2:7

Ya kẹ Osolobuẹ wụ Chuku nọ gi ẹjan rị alị kpụ ịhịan, ọ nị kwọn uzun wẹ gi a rị ndụn ye ẹ imi, ịhịan nọ wụrụ onyẹ rị ndụn.

Ndị-nze Nke Ẹbụọ 14:10

Eziẹ rọ nị y'e mẹrighọ alị Ẹdọm, ọ hụ e bu i isi. Ṅanmakwọ nị ị mẹri emẹri; ka nọdịkwọ iwe i! K'ị rị a chọnị oku jẹnkọ d'e budann'ị, budanzị Juda ị rị a kị?”

Jobu 12:10

Ẹka a kẹ ndụn ihiẹn ile wẹ ke lẹ uzun ịhịan ile rị.

Jobu 31:4

Chuku arị a hụndẹ kẹ m dọn rị e bi? Ara gụndẹ ụkụ ile m'a han?

Ẹbụ-ọma 104:29

I bupụ wẹ ẹnya, obi e feri wẹ! Ị napụ wẹ uzun wẹ rị e kun, a nwụnhụn wẹ; a lashi wẹ ẹjan wẹ gha bịa.

Ẹbụ-ọma 115:16

Elu-igwee wụ nke Osolobuẹ; kanị, o wegụọ elu-ụwa ye ịhịan.

Ẹbụ-ọma 139:3

Kẹ m pụkọ apụkọ kẹ dinẹ edinẹ, y'a marịnghọ; y'a marịnghọ ihiẹn ile m'e mẹ.

Ẹbụ-ọma 146:4

Makẹni, mmọn ịhịan pụhụ, ịhịan e họnrinzi ẹjan, ihiẹn ile o romẹ a la iwi.

Itẹn 20:24

Osolobuẹ e ku ebe ịhịan a hanye ụkụ. Nanị kẹ ịhịan a dọn nwan ghọtachanrịn ụzọ hụ ọ ghakọ?

Azaya 13:11

Osolobuẹ sị, “M k'e ye ụwa afụnfụn eje-ihiẹn o mẹ, ye ndị eje-omumẹ afụnfụn njọ wẹ. M k'a napụ ndị rị e mẹkarị enwẹn wẹ nhọnrọn wẹ, e welụa m ndị ẹfọ-njọ rị e mẹkarị enwẹn wẹ alị.

Azaya 14:13

I te sị enwẹn i, “M k'e shi elu-igwee; m k'e bushi ukpo m elu ghafe kokisẹ Chuku ile; m k'a nọ elu ugu ozuzu mmọn ndị wẹ e fe kị, mkpọnụnụ ugu ahụn rị nsọ.

Azaya 2:12

Osolobuẹ ihiẹn ile rị okpuru ẹ a kayegụọ ụhụọhịn, ụhụọhịn o k'e gi mẹshi ndị mpache ile lẹ ndị ile kpọ enwẹn wẹ ihiẹn ikẹn, ndị ile e bọnmẹni; wẹ jẹnkọ d'e budan wẹ;

Azaya 33:10

Kanị, Osolobuẹ sị, “M jẹnkọ nwan d'e lihi; m jẹnkọ nwan d'a ghọsị ikẹn m, gi ẹ nwọnrin ọghọ; ụnụ jẹnkọ nwan d'a gbaye m.

Azaya 37:19

tụ mmọn wẹ ile ye imẹ ọkụn — makẹni ẹlẹ wẹ ezigbo ẹ, mkp'osisi lẹ ọmụma hụn ịhịan gi ẹka mẹmẹ kẹ wẹ wụhụ.

Azaya 37:23

Onyẹ k'i kpari hụnnị ile, e kuja oku ẹ? Onyẹ k'ị gan hụnnị ile? Onyẹ k'ị rị e bọnmẹni? Onyẹ-nsọ Izrẹlụ rọ!

Azaya 42:5

Lee ihiẹn Chuku wụ Osolobuẹ ku — Chuku hụn ke igwere ile, gbama wẹ; hụn gbama elu-ụwa lẹ ihiẹn ile a gha imẹ ẹ a pụha, Chuku hụn e ye ndị rị elu-ụwa uzun, e ye ndị ile rịn'a ndụn:

Jerimaya 10:23

Osolobuẹ, a marịnghọ m nị ẹlẹ ịhịan nwọn enwẹn ẹ; ẹlẹ ịhịan e ku ebe o k'e jẹn.

Jerimaya 48:26

“Ye Mụabụ afụnfụn ra n'ọ tụ a kẹ manya, makẹni ọ kpọ Osolobuẹ mgba; Mụabụ ya kperemẹ imẹ ẹgbọ a kẹni ya nwẹn wụrụzịkwọ ihiẹn w'a mụ ẹmụ.

Jerimaya 50:28

Gọn ni ntịn, ihiẹn ndị hụn isi gha Babilọnụ gbapụha rị e ku imẹ Zayọnụ: wẹ rị e ku kẹ Osolobuẹ wụ Chuku ẹnyi dọn mẹgwarị ndị Babilọnụ, mẹgwarị wẹ ihiẹn wẹ mẹ Ụlọ-NSỌ a.

Jerimaya 50:29

Kpọ nị ndị-ụta, ndị ile a gba ụta, nị wẹ kehunmẹ Babilọnụ; anịkwọlẹ ni onyẹ ọwụlẹ la! Mẹgwarị n'a ihiẹn o mẹ; mẹgwarị n'a ihiẹn ile o mẹ, makẹni ọ kpọgụọ Osolobuẹ mgba, Osolobuẹ, Onyẹ-nsọ Izrẹlụ.

Izikẹlụ 28:17

Ị hụ a pache makẹni i ma mma-ẹhụ, ị nọ wiwi amamihiẹn i ebe ị rị e mẹ oku ọghọ ị. Ya m nọ tụ ị ye alị; bu i tọ kẹni ndị-nze a gba ị ile.

Izikẹlụ 28:2

“Nwa-ịhịan, gwa onyẹ rị a kị Taya, sị a: Lee ihiẹn Osolobuẹ Nwọn Ikẹn Ile ku: Makẹni ị rị a pache, a sị, ‘Mmọn kẹ m wụ; m rị ukpo mmọn etintin ohimin ebeni a kị,’ bụ ịhịan k'ị wụ, y'ẹlẹ mmọn, ọsụọn'a n'ị rị a sị enwẹn i n'ị wụ mmọn.

Izikẹlụ 28:5

Y'e gigụọdẹ ẹnya afịa ị marịn hikẹnmẹ ọdanfịn, gi akụ-lẹ-ụba ị hụ pachemẹ.

Izikẹlụ 31:10

“ ‘Osolobuẹ Nwọn Ihiẹn Ile sị: Makẹni Ijiptu pụ-ẹka, suenahịn osisi ile, ọ nọ bọnmẹmẹ.

Daniẹlụ 11:12

Eze alị rị ẹbamịn-ndịdan kpụnrụngụ ndị-agha hụ, ẹhụ k'a tụma a ọda-ọda, o gbu mmadụ nnụ-uku bu ọda; kanị, o mẹrisọnmẹkọ.

Daniẹlụ 4:37

Mmẹ wụ Nebukadineza rị nwan a ja Eze elu-igwee mma, e bushi ẹ elu, e ye ẹ ọghọ makẹni ihiẹn ile o mẹ rị mma; ụzọ a ile zinrin ezinrin. Ọ sa ẹka e wetu ndị hụn e bọnmẹni alị.

Daniẹlụ 8:11

O bushi enwẹn ẹ elu, bunụmadẹni Onyẹ kị ndị-agha elu-igwee; gbọndọn wẹ achụyelẹn'ẹ ẹjan w'a chụsọnmẹ ụhụọhịn-ụhụọhịn, welụa Ụlọ-nsọ a alị.

Habakọkụ 2:4

Ndị Babilọnụ rị e mẹkarị enwẹn wẹ, obi wẹ ezinrinni; kanị, onyẹ ezi-omumẹ k'e gi okukwe ẹ rị ndụn.

Ọrụn Ndị-ozi 17:25

w'a ra gi ihiẹn gha ẹka ịhịan bịa fe ẹ nọkẹ sị ihiẹn rị a kọ a. Mba, ịya e yedẹ ịhịan ndụn lẹ uzun lẹ ihiẹn ile.

Ndị Kọrẹntị Ibuzọ 8:4

O mẹ nwan nke iri ihiẹn-oriri wẹ gi rụa mmọn, ẹnyi a marịnghọ nị imẹ ụwa ile, onwọnni ihiẹn mmọn wẹ kpụ akpụ wụ, ẹnyi a marịnzịghọ nị Chuku ohu sụọ rị — ọzọ arịa.

Timoti Ibuzọ 3:6

Ọ wụkọ onyẹ sọnmẹ Kraịstị nke ọhụn, amamgbe isi e bumẹ ẹ, ikpe ma Ekwensụ a ma ya nwẹn.

Hibru 4:13

Ẹnya Osolobuẹ, onwọnni ihiẹn zuerini. Ẹghẹẹ, ihiẹn ile gba ọtọ, rị oghe, ẹnya onyẹ hụ ẹnyi jẹnkọ d'e ye mgbakọ.

Rẹvẹleshọnụ 9:20

Ndị họdụ elu ụwa ihiẹn ndịnị gbulẹni ebihutọkwọnị mẹbehi eje-ihiẹn wẹ rị e mẹ — efebehini wẹ eje-mmọn lẹ mmọn goru lẹ siliva lẹ igwe-bronzu lẹ mmọn wẹ gi ọmụma lẹ osisi pịn ghalẹni e legha ụzọ mọbụ a nụ ihiẹn mọbụ e jẹn ijẹn,

Ndị Han Eṅẹn 16:23

Omẹgụ, ndị-isi Filistia nọ zu nị wẹ d'a chụnyeni mmọn wẹ wụ Dagọnụ ẹjan hi ogbe lẹni wẹ ri oriri makẹni wẹ rị a sị, “Mmọn ẹnyi e wegụọ eṅẹnrẹn ẹnyi wụ Samsịn ye ẹnyi mẹri.”

Samuẹlụ Nke Ibuzọ 17:26

Defidi hụzị a jụ ndị wuzo ebe ọ rị, “Kịnị kẹ wẹ jẹnkọ d'e ye onyẹ gbu onyẹ Filistia-nị, wepụnị Izrẹlụ ifẹnrẹnni? Onyẹ wụdẹ nwan onyẹ Filistia-nị kwalẹni ugun, o gi a kpọ ndị-agha Chuku mgba, Chuku hụn rị ndụn?”

Samuẹlụ Nke Ibuzọ 17:36

Mmẹ odibo i e gbugụọ kẹ ẹwọrọ kẹ biẹ; onyẹ Filistia-nị kwalẹni ugun k'a nọ kẹ wẹ, makẹni ọ kpariọlẹ ndị-agha Chuku, Chuku hụn rị ndụn!