Daniẹlụ 5:21 - Ika

²¹ mẹ ẹ pụ ebe ịhịan rị, we uche anụmanụ ye ẹ; o sọn jaki-ọfịa biri, ri irurue kẹ efin; igirigi igwere e ziẹnkpu ẹ, d'e ru ebe ọ nọ we ẹ ẹnya nị alị-eze ile ịhịan pumẹ rị Chuku Hụn Kachanrịnnị ẹka, lẹni Chuku e tumẹ onyẹ ọwụlẹ ọ chọ n'ọ kị wẹ.

Daniẹlụ 5:21 Iomraidhean Croise

Jobu 39:5

Onyẹ mẹ jaki-ọfịa a kpahunmẹ? Onyẹ tọpụ a eriri?

Izikẹlụ 17:24

Osisi ile rị ọfịa k'e gi ẹ marịn nị mmẹ wụ Osolobuẹ e welụa okẹn-osisi alị, e mẹ hụn mẹ ẹkẹrẹ e sueshi elu; m'e mẹ osisi ndụn a kpọ nkụn, e mẹ osisi ọkpọ-nkụn e du. Mmẹ wụ Osolobuẹ e kuọl'a; m k'e m'ẹ.’ ”

Daniẹlụ 4:14

Ọ nọ gi okẹn olu yi, ‘Gbutu ni osisi hụ; kwapụchanrịn nị agalaba a; gbụpụchanrịn nị ẹhụhụọ a; zịzapụ nị mkpụrụ a. Anụmanụ ndị rị okpuru ẹ wẹ gbapụ, nnụnụ ndị rị agalaba a wẹ fepụ.

Daniẹlụ 4:17

“ ‘Ndị-ozi hị ihiẹnni; ndị-nsọ sị ihiẹnni mẹ, kẹni ịhịan ile rị ụwa marịn nị alị-eze ile ịhịan pumẹ rịchanrịn okpuru Onyẹ hụ Kachanrịnnị, nị o we wẹ e ye onyẹ ọwụlẹ ọ chọ, e wedẹ wẹ e ye onyẹ kachanrịn ntịn a kị.’

Daniẹlụ 4:22

Eze-Agụ, ịyụ wụ osisi hụ! Y'e họnringụọ okẹn-ịhịan zeni — y'e mẹkẹnmẹkẹ okẹn-ịhịan nọkẹ kẹ okẹn osisi hụ dọn sụntụ igwere; ọkịkị ị a ghagbarịgụọ ụwa ile.

Daniẹlụ 4:25

wẹ k'a chụpụ ị ebe ịhịan rị d'e sọn anụmanụ biri; i jẹnkọ d'e ri irurue kẹ efin, igirigi a gha elu-igwere ziẹnkpu i. Ahụa ẹsa k'i k'a rị ọnọdị hụ, d'e ru nị o we i ẹnya nị alị-eze ile ịhịan pumẹ rịchanrịn okpuru Onyẹ Hụ Kachanrịnnị, lẹni o we wẹ e ye onyẹ ọ chọ.

Daniẹlụ 4:26

Hụn ahụn ọ gwa wẹ hatu ukun osisi hụ lẹ mkpọgụn a ghọsị nị alị-eze i k'e mẹzi nke i o wegụ ị ẹnya nị Elu-igwee rị a kị.

Daniẹlụ 4:34

Ogẹn hụ e zugụ, mmẹ wụ Nebukadineza nọ bu ẹnya zinmẹ elu-igwee, ẹnya nọ dọn m. M nọ ja Onyẹ Hụ kachanrịnnị mma; a gbaye m onyẹ hụ rị ndụn jẹnrin ejẹn, ye ẹ ọghọ. Ọkịkị a wụ ọkịkị itẹbitẹ; alị-eze ẹ k'a rị agbọ ile.

Daniẹlụ 4:35

Ndị ile bi elu-ụwa enwọn kẹ wẹ han ebe ọ rị. Ihiẹn sụọn'a k'o mẹ — kẹ ebe ikẹn ndị rị elu-igwee rị kẹ ebe ndị rị elu-ụwa rị. Onwọnni onyẹ a sa ẹka e gbọndọn ẹ mọbụ sị a: “K'i mẹni ihiẹnni?”

Daniẹlụ 4:37

Mmẹ wụ Nebukadineza rị nwan a ja Eze elu-igwee mma, e bushi ẹ elu, e ye ẹ ọghọ makẹni ihiẹn ile o mẹ rị mma; ụzọ a ile zinrin ezinrin. Ọ sa ẹka e wetu ndị hụn e bọnmẹni alị.

Daniẹlụ 5:18

“Eze-Agụ, Chuku Hụn Kachanrịnnị ye nẹdi i wụ Nebukadineza ọkịkị, mẹ ẹ wụrụ okẹn ịhịan, ye ẹ ọghọ lẹ ikpẹn.