Daniẹlụ 5:20 - Ika

²⁰ Kanị, ogẹn o gi họnrọnma, kpọkin obi ẹ ebe ọ rị a pache, wẹ nọ wepụ a ukpo-eze ẹ, napụ a ọghọ a,

Daniẹlụ 5:20 Iomraidhean Croise

Ndị-nze Nke Ẹbụọ 17:14

Kanị Izrẹlụ Ẹbamịn ugu lẹ Juda egọnni ntịn; e busọnmẹ wẹ isi-ikẹn nọkẹ ndị nẹdi wẹ, hụn gilẹni Osolobuẹ wụ Chuku wẹ dọn ẹnya.

Ihiẹn Mẹni Nke Ẹbụọ 32:25

Kanị Hezikaya nọ họnrọnma, onwọndẹni ihiẹn ọ kpọ ẹfọma Chuku mẹn'ẹ. Ya ize ya lẹ ndị Juda lẹ Jerusalẹm nọ ban Osolobuẹ.

Ihiẹn Mẹni Nke Ẹbụọ 36:13

Ọ pazịkwọ oku eze wụ Nebukadineza hụn mẹgụ a kunn'ẹ ẹfan Osolobuẹ n'o k'e humẹn'ẹ isi. O bumẹ isi-ikẹn, kpọkin obi, n'ọ rohutọkọ mẹ uche Osolobuẹ wụ Chuku Izrẹlụ.

Ọpụpụ 18:11

A marịngụọ m nwan nị Osolobuẹ ka mmọn ile w'e fe efee, makẹni imẹ ihiẹn ndị ahụn te rị e bu wẹ isi k'ọ nọ nwan karị wẹ ẹka.”

Ọpụpụ 9:17

Echẹn kẹ ị rịkwọ e mẹni ndị nke m bugan-bugan, jụ nị y'a hatukọ wẹ nị wẹ la.

Ọpụpụ 9:7

Eze nọ zi ndị ọrụn a d'e lee k'o mẹ; ọ nọ hụn a n'o nwọnni akpụ anụ ohu nwụnnị imẹ nke ndị Izrẹlụ. Kanị obi anịn'a gbehutọ; ọ jụ n'ọ hatukọ ndị Izrẹlụ.

Itẹn 16:18

Mpache bịaọlẹ, ihiẹn e sọnn'ẹ wụ ntikpọ; enwẹn ịhịan junmẹ ẹ ẹfọ, o d'a dan.

Itẹn 16:5

Ndị ile a pacheni e ze Osolobuẹ ize. Ya wekwọ ị ẹnya nị alakọ wẹ mmaka.

Azaya 47:1

Osolobuẹ sị, “Hidan n'ị nọdị akpakalị, Nwagbọọ wụ obodo Babilọnụ; nọdị akpakalị nị ukpo-eze arịzịa, ịyụ, nwagbọọ ndị Babilọnụ. Akpọkọzị wẹ i onyẹ-alụlụa mọbụ onyẹ w'a pụpọma.

Jerimaya 13:18

“Osolobuẹ sị m, Sị eze rị a kịnị lẹ nnẹ ẹ, ‘Hidan nị ukpo-eze ụnụ, makẹni okpu-eze ụnụ ma mma jẹnkọ d'a gha ụnụ isi danpụ.’

Jerimaya 19:15

“Osolobuẹ ihiẹn ile rị okpuru ẹ hụn wụ Chuku Izrẹlụ sị, ‘Gọn ni ntịn! M jẹnkọ nwan d'e buhẹni obodoni lẹ mmụ alị ile fihunmẹn'ẹ nsọngbu ile m ku oku ẹ, makẹni e bugụọ wẹ isi-ikẹn, jụ n'e gọnkọ wẹ ntịn oku m.’ ”

Jerimaya 48:18

“Ụnụ enwọnkọzị ọghọ hụ ụnụ te nwọn, shi ni akpak'alị d'a nọdị, ụnụ ndị bi Dibọnụ rị Mụabụ — makẹni onyẹ hụn k'e tikpọ Mụabụ k'e ru azụụn nke ụnụ imẹ Mụabụ. O jẹnkọ d'e tikpọchanrịn ebe ile ụnụ a gbaban.

Izikẹlụ 30:6

Osolobuẹ sị: Ndị rị a kwadọn Ijiptu k'a dan, ikẹn hụn o gi a họnrọn a danru alị. Ọpịa-agha k'e gbu ndị rịn'a, ghakwọrị Mig'dọlụ d'e ru Swẹne wụ Aswanị. Ya kẹ Osolobuẹ Nwọn Ihiẹn Ile ku.

Izikẹlụ 31:10

“ ‘Osolobuẹ Nwọn Ihiẹn Ile sị: Makẹni Ijiptu pụ-ẹka, suenahịn osisi ile, ọ nọ bọnmẹmẹ.

Daniẹlụ 11:36

“Eze alị rị ẹbamịn-ugu k'e mẹ k'ọ sụọn'a. O k'a sị ya ka mmọn ile lẹ ihiẹn ile w'e fe, kujama oku Chuku hụn ka mmọn ile. Ihiẹn k'a rị a ghan'a d'e ru mgbe Osolobuẹ e gi ghọsịgụ ọnụma a hụn ọ rị e gi ẹ a ghọsị, makẹni ihiẹn Osolobuẹ kutọgụ sikọ d'e mẹrịrị.

Daniẹlụ 4:26

Hụn ahụn ọ gwa wẹ hatu ukun osisi hụ lẹ mkpọgụn a ghọsị nị alị-eze i k'e mẹzi nke i o wegụ ị ẹnya nị Elu-igwee rị a kị.

Daniẹlụ 4:28

Kanị ihiẹnni ile mẹchanrịn Eze wụ Nebukadineza.

Daniẹlụ 4:37

Mmẹ wụ Nebukadineza rị nwan a ja Eze elu-igwee mma, e bushi ẹ elu, e ye ẹ ọghọ makẹni ihiẹn ile o mẹ rị mma; ụzọ a ile zinrin ezinrin. Ọ sa ẹka e wetu ndị hụn e bọnmẹni alị.

Daniẹlụ 8:8

Mkpịn hụ nọ bushimẹ enwẹn ẹ elu, kanị k'o dọn rị e kẹnrẹn, mpịn a hụn kanị nọ kpagipụ, okẹn mpịn ẹnọ nọ gha ọnọdị hụn ahụn kpagini pụha, sueshisọnmẹ azụụn ẹnọ ufere igwere gha e fe.

Luku 18:14

“Jesu nọ sị: M rị a gwa ụnụ nị onyẹ ụgwọ-isi hụ kẹ Osolobuẹ kuni ọhụnma n'o d'a lama iwe ẹ, ẹlẹ onyẹ Itu-Farisi hụ. Makẹni, onyẹ bushi enwẹn ẹ elu, e welụa w'ẹ alị; onyẹ welụa enwẹn ẹ alị, e bushi wẹ ẹ elu.”

Hibru 3:13

Kama, e gi ni oku-Chuku a kasị ibe ụnụ obi ụhụọhịn-ụhụọhịn, hụnnị “tannị” ahụn wẹ ku oku ẹ imẹ Ẹkụkwọ-nsọ kelẹni ghafe, amamgbe ọ gha e nwọn onyẹ njọ dufie, mẹ ẹ kpọkin obi.

Samuẹlụ Nke Ibuzọ 6:6

Kị ụnụ rị a kpọkinni obi kẹ ndị Ijiptu lẹ Fẹro dọn mẹ? Ogẹn o gi gi ẹka ikẹn sọn wẹ, ahatuni wẹ ndị Izrẹlụ nị wẹ jẹnmẹ ebe wẹ jẹnkọ?