Daniẹlụ 5:2 - Ika

² Ogẹn manya gi tụma a ẹkẹrẹ-ẹkẹrẹ, ọ nọ sị wẹ wẹhẹ mkpu goru lẹ siliva ndị hụn nẹdi ẹ wụ Nebukadineza weri imẹ Ụlọ-nsọ rị Jerusalẹm. Bẹlụshaza sị wẹ kịha wẹ kẹni ya nwẹn wụ eze lẹ ndị-isi ẹ lẹ inyẹnmẹ ẹ lẹ ndị mgba a hụn ụzọ gi wẹ ra manya.

Daniẹlụ 5:2 Iomraidhean Croise

Samuẹlụ Nke Ẹbụọ 9:7

Defidi nọ sị a, “Atụlẹ egun, m jẹnkọ d'e mẹ i kẹ onyẹ nke m makẹ Jonatanị nẹdi i. M k'e yekinchanrịn ị alị nẹdi i kanị wụ Sọlụ; ị k'a gha e sọn m e ri ihiẹn ogẹn ile.”

Ndị-nze Nke Ẹbụọ 24:13

Kẹ Osolobuẹ dọn ku ẹ mbụ-mbụ, Nebukadineza nọ buruchanrịn ihiẹn ile wẹ dọnmẹ imẹ Ụlọ-NSỌ Osolobuẹ lẹ imẹ obi-eze, ọ kwarị ihiẹn goru ile Solomọnụ eze Izrẹlụ mbụ-mbụ mẹmẹ wẹ gi e mẹ ihiẹn imẹ Ụlọ-nsọ Osolobuẹ.

Ndị-nze Nke Ẹbụọ 25:15

Onyẹ-isi ahụn kị ndị nche Nebukadineza a kwarịzịghọ sẹnsa wẹ gi a mụ nsẹnsi lẹ afẹrẹ ndị wẹ e huye ihiẹn ndị w'e fekpu. O buru ihiẹn goru ile lẹ ihiẹn siliva ile.

Ihiẹn Mẹni Nke Ẹbụọ 11:20

O mẹgụ, Rehobụam nọ lụrụ Maaka nwa Absalọm, Maaka nọ mụn'a Abija, Ataị, Ziza lẹ Shẹlomiti.

Ihiẹn Mẹni Nke Ẹbụọ 15:16

Asa wụ eze a napụzịghọ nnẹ-ẹ-kanị wụ Maaka ọkwa nnẹ-eze, makẹni o zumẹ osisi wẹ gi a rụa Ashẹra. Asa nọ gbutu osisi hụ, wakịka a, nọ Ọdanmgbugbu-Kidrọnụ dụn a ọkụn.

Ihiẹn Mẹni Nke Ẹbụọ 36:10

Mbidọn ahụa e ru, eze Babilọnụ wụ Nebukadineza nọ zi wẹ d'e wẹhẹ ẹ Babilọnụ — ịya lẹ ihiẹn ndị rị mkpa rị imẹ Ụlọ-nsọ Osolobuẹ; Nebukadineza nọ kin Zẹdikaya nwẹnẹ-nẹdi Jehoyakini eze Juda lẹ Jerusalẹm.

Ihiẹn Mẹni Nke Ẹbụọ 36:18

Nebukadineza a kwarịchanrịn ihiẹn ile rị imẹ Ụlọ-nsọ Chuku, kẹ ihiẹn-uku kẹ ihiẹn-nta, kwarịzịkwọ ihiẹn ndị rị mkpa wẹ dọnmẹ imẹ Ụlọ-nsọ Osolobuẹ lẹ ihiẹn ndị rị mkpa eze lẹ ịhaịmẹ ẹ dọnmẹ, kpọnla Babilọnụ.

Ẹzra 5:14

Ọ ghadẹ ụnọ-mmọn Babilọnụ kwapụha ihiẹn goru lẹ ihiẹn siliva Ụlọ Chuku, hụn Nebukadineza gha Ụlọ-nsọ rị Jerusalẹm kwashi ụlọ-mmọn Babilọnụ. “Saịrọsị e bupụha wẹ, we wẹ ye okẹnnyẹ w'a kpọ Shẹshibaza hụn o tumẹ gọvanọ Ẹgbẹrẹ Nfetu Iyi-Yufretisini,

Jerimaya 27:7

Alị ile jẹnkọ d'e humẹn'ẹ isi, humẹni nwa a isi, humẹzini nwa-nwa a isi d'e ru ogẹn m'e gi tikpọzịkwọ alị ya nwẹn wụ Babilọnụ. O ru ogẹn hụ, alị bu ọda lẹ ndị-nze bu ọda a kpazịkwọ ikẹn jẹnkọ d'e mẹri Babilọnụ, kịma a.

Jerimaya 50:35

Ọpịa-agha ya bunụmanị Babilọnụ! Ya bunụmanị ndị bi imẹ Babilọnụ; kẹ ịhaịmẹ wẹ kẹ ndị ọzọ ile alị gi oku wẹ e dọn.

Jerimaya 52:19

Onyẹ-isi ndị-nche Nebukadineza a kwarịzịghọ ihiẹn w'e kpọnye nsẹnsi mụye lẹ afẹrẹ ndị w'e huye ihiẹn w'e fekpu lẹ obu-ukpẹ — ihiẹn ile wẹ gichanrịn goru mọbụ siliva mẹmẹ.

Daniẹlụ 1:2

Osolobuẹ nọ bu Jehoyakim eze Juda che ẹ ẹka, nịzị a kịrị arịa ndị ọ kịrị imẹ Ụlọ-nsọ Chuku, ọ nọ buru ihiẹn ndịnị shi ụnọ-mmọn a rị Babilọnụ, bu wẹ che ebe w'e dọnmẹ ihiẹn rị mkpa imẹ ụlọ-mmọn a.

Daniẹlụ 5:11

O nwọnghọ okẹnnyẹ rị alị-eze i hụn nwọn mmọn rị nsọ imẹ ẹ. Ogẹn nẹdi i gi a kị, wẹ hụn a n'o nwọn nghọta, nwọn uche, nwọn amamihiẹn — nọkẹ mmọn. Eze wụ Nebukadineza hụn wụ nẹdi i, nẹdi i ebe oche-eze rị — tumẹ ẹ onyẹ-isi ndị-ihẹnrẹn lẹ ndị a gwọ ọgụn lẹ ndị ile a hụn ụzọ lẹ ndị a gba ẹfa; ẹghẹẹ nẹdi i tumẹ ẹ.

Daniẹlụ 5:13

Ya wẹ nọ wẹhẹ Daniẹlụ ihun eze. Eze nọ sị a, “Ịyụ wụ Daniẹlụ, onyẹ ohu imẹ ndị hụ eze nẹdi m gha Juda kpụnhan?

Daniẹlụ 5:18

“Eze-Agụ, Chuku Hụn Kachanrịnnị ye nẹdi i wụ Nebukadineza ọkịkị, mẹ ẹ wụrụ okẹn ịhịan, ye ẹ ọghọ lẹ ikpẹn.

Daniẹlụ 5:23

Ị nọ bushimẹdẹ enwẹn i elu ebe Onyẹ nwọn elu-igwee rị, sị wẹ kịhanị ị mkpu ndị wẹ weri imẹ Ụlọ-nsọ a, ịyụ lẹ ndị-isi lẹ inyẹnmẹ i lẹ ndị mgba ị nọ gi wẹ ra manya; ị nọ jama mmọn ichẹn-ichẹn mma — kẹ nke goru kẹ nke siliva kẹ nke igwe-bronzu kẹ nke igwe-mmaka kẹ nke osisi kẹ nke ọmụma — mmọn ndị hụn ghalẹni e legha ụzọ mọbụ a nụ ihiẹn mọbụ a ghọta ihiẹn. Bụ y'e yeni Chuku ọghọ — Chuku, hụn gi ndụn ị lẹ ọpụpụ ị lẹ ọbanhan i.

Daniẹlụ 5:3

Ya wẹ nọ kịha mkpu goru ndị hụ wẹ weri imẹ Ụlọ-nsọ Chuku imẹ Jerusalẹm, eze lẹ ndị-isi lẹ inyẹnmẹ eze lẹ ndị mgba a nọ gi wẹ ra manya.

Daniẹlụ 5:30

Uhinhin ahụn daị kẹ wẹ gbu Bẹlụshaza eze ndị Babilọnụ.

Daniẹlụ 5:4

Wẹ hụ a ra manya hụ, wẹ hụ a ja mmọn rị ichẹn-ichẹn mma — kẹ nke goru kẹ nke siliva kẹ nke igwe-bronzu kẹ nke igwe-mmaka kẹ nke osisi kẹ nke ọmụma.

Ọgụngụn 7:79

Ihiẹn o wẹhẹ wụ mgbadọn ohu wẹ gi akpụrụ siliva iri kwasị ọgụn-isin kpụ lẹ afẹrẹ wẹ gi akpụrụ siliva iri kwasị ọgụn-ẹtọ kpụ wẹ gi e fekpu ihiẹn. Ihiẹn wẹ gi a ma siliva Ọdụ-nsọ kẹ wẹ gi ma wẹ ẹbụbụọ; ọka wẹ gweriẹn gi ofugbọn-olivu gwọ a jun wẹ ẹbụbụọ;