Daniẹlụ 5:1 - Ika

¹ Ogẹn Bẹlụshaza gi wụ eze Babilọnụ, ọ nọ kpọnị ndị-isi ọgụn-iri kwasị nnụnaị (1,000) e sọn ẹ a kị oriri hi ogbe; ọ hụ e du wẹ a ra manya.

Daniẹlụ 5:1 Iomraidhean Croise

Jẹnẹsisi 40:20

Nke akp'ọhịn ẹtọ ahụn kẹ wẹ gi a nyanhan ụhụọhịn wẹ gi mụ Fẹro. Ya Fẹro nọ kpọ ịhaịmẹ ẹ lẹ ndị-ọrụn a oriri. Ọ nọ nọ idẹnya ndị-ọrụn a wepụha madụ ẹbụọ ahụn ọ kpọkinye: kẹ onyẹ-isi ndị e buye ẹ manya kẹ onyẹ-isi ndị e shin'ẹ brẹdi.

Ẹsta 1:3

Hụn mẹ ahụa ẹtọ ọ kịma, ọ nọ kpọ ndị-isi ẹ lẹ ndị-ọrụn a oriri; ndị wụ ikẹn Pẹshịa lẹ Mẹdịa lẹ ndị-isi lẹ ndị ọrụn kịsọnmẹ Azụụn ile ọ rị a kị bịazịkwọ oriri hụ ọ kpọ.

Azaya 22:12

Osolobuẹ, Onyẹ hụn nwọn ikẹn ile, a kpọghọ ọnụ oku ogẹn ahụn, sị ụnụ kwanma ẹkwan, gomẹ, sị ụnụ kọpụ ntutu rị ụnụ isi, yiri ẹkwa-achọ.

Azaya 22:14

Di-nwọnni-ẹnyi Osolobuẹ ihiẹn ile rị okpuru ẹ, e kugụọ a ye m ntịn, sị, “D'e ru ụhụọhịn ọnwụn ụnụ, onwọnni ẹjan w'e gi gbagharị ụnụ njọnị!” Ya kẹ Di-nwọnni-ẹnyi Osolobuẹ ihiẹn ile rị okpuru ẹ ku.

Jerimaya 50:35

Ọpịa-agha ya bunụmanị Babilọnụ! Ya bunụmanị ndị bi imẹ Babilọnụ; kẹ ịhaịmẹ wẹ kẹ ndị ọzọ ile alị gi oku wẹ e dọn.

Jerimaya 51:39

Ẹkpịrị ghọrị wẹ ụkọ, e mẹmẹni m wẹ oriri, mẹ wẹ ra, tụ, ẹhụ a tụma wẹ ọda-ọda, a ranhịn wẹ ranhịnchanrịn, etẹnhinkọzị wẹ.” Mmẹ wụ Osolobuẹ ku ẹ.

Jerimaya 51:57

M k'e mẹ ndị-isi Babilọnụ lẹ ndị marịn ihiẹn rịn'a ra, tụ, mẹzikwọ ndị-ọkịkị a lẹ ndị ndị-odogun agha a ra, tụ. Wẹ k'a ranhịn, ranhịnchanrịn, etẹnhinkọ wẹ.’ Ya kẹ Eze ku, Onyẹ hụn ẹfan a wụ Osolobuẹ ihiẹn ile rị okpuru ẹ.

Daniẹlụ 5:30

Uhinhin ahụn daị kẹ wẹ gbu Bẹlụshaza eze ndị Babilọnụ.

Nahum 1:10

Ndị iṅẹnrẹn ẹ k'a nọ kẹ ogun kụtọnị, a danhunmẹ kẹ ndị manya rị a tụ; ọkụn sikọ d'e rẹnpụ wẹ nọkẹ ẹfịfịa ọkpọ-nkụn.