Daniẹlụ 4:7 - Ika

⁷ Mgbe ndị-ihẹnrẹn ile lẹ ndị a gwọ ọgụn lẹ ndị a hụn ụzọ lẹ ndị a gba ẹfa gi bịa, m nọ ziẹnni wẹ nrọ hụ, kanị asanị wẹ ẹka kọwanị m ihiẹn ọ wụ.

Daniẹlụ 4:7 Iomraidhean Croise

Jẹnẹsisi 41:24

Ọhịọ ọka ndị nwẹn mẹ wiri-wiri nọ luepụ ọhịọ ẹsa ahụn rị mma. “E ziẹngụọnị m ndị ile a gba ẹfa ya, onwọnni onyẹ s'ẹka kọwanị m ihiẹn ọ wụ.”

Jẹnẹsisi 41:8

Eki e fọn, obi eruni Fẹro alị; ọ nọ zi wẹ d'a kpọhan'a ndị ile a gbanị wẹ ẹfa imẹ alị Ijiptu, kẹ ndị dibiẹ kẹ ndị marịn ihiẹn. Ya Fẹro nọ ziẹnni wẹ nrọ ndị ahụn ọ rọ, kanị onwọnni onyẹ sa ẹka kọwan'a nrọ ndị ahụn.

Ẹbụ-ọma 37:35

A hụnghọ m eje-ịhịan hụn ghalẹni e mẹ omikẹn ịhịan kẹ ọ rị e mẹ wokowoko kẹ osisi rị alị ọ nọ e sue ọhụnma,

Azaya 44:25

Mmẹ haịn ndị-amụma ntụ gi e ku ọzọ, ọzọ e mẹ, e mẹ ndị a hụn-ụzọ a nọ kẹ ndị ẹwobi; mmẹ haịn o gi arụnahịn ndị marịn ihiẹn, ihiẹn wẹ marịn e họnrin ihiẹn nwọnlẹni isi.

Izikẹlụ 31:3

Ka nyanhankwọ Asiria, hụn te wụ okẹn-osisi sida ẹgboko Lẹbanọnụ; ọ wa agalaba ndị magbu enwẹn wẹ mma, nkewụnị ẹgboko nwẹn hụdẹ igungun ẹ; ọ pụ ẹka ọhụnma-ọhụnma, suenahịn osisi ile.

Daniẹlụ 1:4

ikorọbịa ndị ẹhụ zu oke, ma mma ẹhụ, ndị ghọsị nị wẹ k'a saẹka mụ ụdị ihiẹn ọwụlẹ wẹ kuzi wẹ, ndị marịn ihiẹn rị e mẹni, ndị a ghọtakẹnrinni, ndị furu hụn a rụn ọrụn imẹ obi-eze. Nebukadineza sị a kuzi wẹ ẹkụkwọ lẹ asụsụ ndị Kal'di, ndị Babilọnụ.

Daniẹlụ 2:10

Ndị ahụn a hụn ụzọ nọ sị eze, “Onwọnni onyẹ rị elu-ụwa k'a s'ẹka mẹ ihiẹn eze rị a sị ẹnyi mẹ. Onwọntuni eze ọwụlẹ — k'o mẹlẹ okẹn ịhịan, k'ọ kpalẹ ikẹn — sịtu ohẹnrẹn mọbụ onyẹ a gwọ ọgụn mọbụ onyẹ a hụn ụzọ ya mẹ ihiẹn nọ ẹnịna.

Daniẹlụ 2:27

Daniẹlụ nọ sị eze, “Onwọnni onyẹ a hụn ụzọ mọbụ onyẹ a gwọ ọgụn mọbụ ohẹnrẹn mọbụ onyẹ a gba ẹfa hụn k'a s'ẹka kọwanị eze ihiẹn-omimini ọ rị a chọ n'ọ marịn;

Daniẹlụ 2:7

Wẹ nọ sịzị eze, “Eze y'a dodo ziẹnni idibo ẹ nrọ a, nị ẹnyi kọwan'a ihiẹn ọ wụ.”

Daniẹlụ 3:8

Ogẹn hụ kẹ ụfọdụ ndị itu ndị a hụn ụzọ nọ pụha d'e kpe ndị Ju.

Daniẹlụ 4:18

Ịya wụ nrọ hụn mmẹ wụ eze Nebukadineza, rọ. Bẹlụtẹshaza, kọwanị m nwan ihiẹn ọ wụ, makẹni onwọnni kaka akpụ onyẹ ohu imẹ ndị a hụn ụzọ imẹ alị-eze m hụn s'ẹka kọwanị m ihiẹn o wụ. Kanị, ị k'a saẹka, makẹni mmọn ahụn rị nsọ rị imẹ i.”

Daniẹlụ 5:7

Eze nọ yi wẹ kpọha ndị a gwọ ọgụn lẹ ndị ile a hụn ụzọ ozigbo, wẹ lẹ ndị a gba-ẹfa. Ọ nọ sị ndị ahụn ile a hụn ụzọ imẹ Babilọnụ, “Onyẹ ọwụlẹ hụn k'a sa ẹka gụn ihiẹnni wẹ de, kọwanị m ihiẹn ọ wụ, wẹ k'e yimẹ ẹ okẹn ẹwuru pọpụ, yimẹ ẹ ihiẹn-olu goru, ọ wụrụ ube-ẹtọ imẹ alị-ezeni.”

Daniẹlụ 5:8

Ya ndị ile a hụnnị eze ụzọ nọ banhan, kanị asanị wẹ ẹka gụn ihiẹn hụ wẹ de, asanị wẹ ẹka gwa eze ihiẹn ọ wụ.