Daniẹlụ 4:27 - Ika

²⁷ Eze-Agụ, dodo weri nwan ọdụn m k'a dụn ị: mẹbehi njọ, mẹmẹ ezi-omumẹ; la ẹfọ-njọ tọ n'i mẹmẹni ndị rị e ri ụya ẹfọma. Ikẹnkwọ y'a ghasọnmẹ ihun.”

Daniẹlụ 4:27 Iomraidhean Croise

Jẹnẹsisi 11:4

Ya wẹ nọ sị, “Bịa nị nị ẹnyi rụnrụn nị obodo lẹ okẹn ụlọ-elu jẹn elu ru igwere, kẹni ẹnyi gi ẹ nwọnrin ẹfan, makẹ ẹnyi gha a kpayịya imẹ ụwa ile.”

Ndị-nze Nke Ibuzọ 21:29

“Y'a hụnghọ kẹ Ehabụ welụa enwẹn ẹ alị ihun m? Makẹni o welụa enwẹn ẹ alị, emẹkọ m'a ihiẹn m ku ogẹn nke ẹ, kama, ogẹn nwa a kẹ m'e gi mẹ ẹ.”

Ẹbụ-ọma 119:46

A gwama m ndị-nze oku hụn i ku, ifẹnrẹn emẹkọ m;

Itẹn 11:2

Nhọnrọn bịa, ịfa a bịa, kanị onyẹ welụa enwẹn ẹ alị, o nwọnrin uche.

Itẹn 16:6

Ihiẹn-ọsụsụọ lẹ ezioku kẹ ịhịan gi e mẹ wẹ a gbagharị a njọ; egun Osolobuẹ kẹ ịhịan gi a gbanị eje-ihiẹn ọsọ.

Itẹn 28:13

Ara masịnị onyẹ hụn e kpumẹ njọ a, kanị onyẹ hụn e kupụha njọ a, e bihutọ ẹka, kẹ wẹ e mẹni omikẹn.

Azaya 10:13

Makẹni eze Asiria sị, ‘Ẹka m mẹ ihiẹnni, ya lẹ amamihiẹn m — makẹni m nwọn nghọta. E wepụsọnmẹgụọ m ihiẹn-okẹn alị ichẹn-ichẹn, kwarị ihiẹn rị mkpa wẹ dọnmẹ; e mẹrisọnmẹ m ndị-nze wẹ rịkẹ dikẹn.

Azaya 47:10

Y'e gigụọ eje-omumẹ i dọn ẹnya, a sị enwẹn i, ‘Onwọnni onyẹ a hụnnị m.’ Uche lẹ amamihiẹn i nwọn e dufiegụọ ị — ebe i nọ sị enwẹn i, ‘Mmẹ rọ, onyẹ ọzọ arịa.’

Azaya 47:8

Gọn nwan ntịn, yụ wụ Babilọnụ, okpoho hụn e mẹsọnmẹ ihiẹn o gi a la ẹnya, ị hụ a danchanpụ makẹni ẹhụ fu i, a sị enwẹn i, ‘Mmẹ rọ, onyẹ ọzọ arịa. Di anwụnnahịnkọ m, ụmụ anwụnhịnkọ m.’

Jerimaya 29:7

A chọzịkwọ nị aghamihun obodo m kpụnjẹn ụnụ. A rịọnị n'a Osolobuẹ; makẹni, ọ rịnị obodo hụ mma, ọ rịnị ụnụ nwẹn mma.’

Jerimaya 38:20

Jerimaya nọ sị a, “Ewekọ wẹ i ye wẹ. Dodo gọn ntịn ihiẹn Osolobuẹ ku, hụn m rị a gwa ị. Mẹ ẹ kẹni ọ rịn'ị mma, y'a hụn isi.

Izikẹlụ 18:7

omẹni ara mẹgbu ịhịan, kanị o wekinni ịhịan ihiẹn wẹ gi gbama ibe ẹka a; omẹni ara zun ohin, kanị o ye ndị ẹgụn rị a gụn ihiẹn-oriri, e ye ndị gba-ọtọ ẹkwa;

Izikẹlụ 29:3

Sị: Osolobuẹ Nwọn Ihiẹn Ile sị: ‘Mmẹ lẹ yụ rọ, Fẹro eze Ijiptu, ẹregede eje-anụ hụn dinẹ ebẹhụ Iyi Naịlị rị, hụn sị, “Iyi Naịlị wụ nke m; ẹka m mẹni m'ẹ.”

Izikẹlụ 29:9

Ijiptu k'e họnrin alị ịhịan bilẹni lẹ alị la iwi, e gi w'ẹ marịn nị m wụ Osolobuẹ. “ ‘Makẹni ị sị, “Iyi Naịlị wụ nke m, ẹka ọrụn m rọ,”

Juwẹlụ 2:14

Onyẹ ma? Ikẹnkwọ o rohutọ, mẹ omikẹn, gọzidẹ ụnụ — ụnụ a hụn ọka lẹ manya ụnụ e gi ye Osolobuẹ wụ Chuku ụnụ oyiye.

Emọsụ 6:13

ụnụ ndị gi alị Lo-Dẹba wụlẹni alị a ghọghọ, a sị “Ẹlẹ ikẹn hi ogbe ẹnyi nwọn kẹ ẹnyi gi mẹri alị Kanaịm a kpa ikẹn?”

Jona 3:9

Onyẹ marịn? Ikẹnkwọ Osolobuẹ e gharị, ikẹnkwọ olulu ẹ a rọ, ẹnyi a hụn isi.”

Habakọkụ 1:11

a kpọghafe wẹ nọkẹ ufere! Ikẹnnyẹ njọ wẹ ma ikpe, ndị gi ikẹn wẹ họnrin Chuku wẹ!!

Zẹfanaya 2:15

Ọnwan wụ obodo Ninivẹ nwẹn te rị a ṅannị, hụn nwọnlẹni ihiẹn ọ tụ egun ẹ! Ninivẹ hụn e te sị enwẹn ẹ, “Mmẹ rọ! Onwọnni onyẹ han kẹ mmẹ!” Lee k'o gba nwan okpokoro! O họnringụọ nwan ebe anụ ọfịa e bi! Onyẹ pụha ebe Ninivẹ te rị, ọ ma ọsụọ, o be ọrịọ.

Matiu 3:8

Mịkwọ nị mkpụrụ ghọsị nị ụnụ e rogharịgụọ;

Luku 11:41

Ka we ni nwan ihiẹn rị imẹ ẹ ye ndị igbẹnnyẹ, ogẹn ahụn ihiẹn ile a rịchanrịnnị ụnụ ọchan.

Ọrụn Ndị-ozi 24:25

K'o dọn rị e ku oku ezi-omumẹ lẹ ikwọndọn-enwẹn ịhịan lẹ Okinkin-ikpe lalanị, egun nọ tụma Fẹlisi. Ọ nọ sị, “I k'e jẹnmẹgụ, m k'a chọ efe kpọzị ị.”

Ọrụn Ndị-ozi 26:20

Kama, e zimẹ m ozi hụ imẹ Damaskọsụ ebẹhụ. E zigụ m ndị rị Damaskọsụ ozi hụ, m nọzị zi ẹ imẹ Jerusalẹm lẹ ẹgbẹrẹ Judia ile, zizikwọ ndị alị ndị ọzọ ya, a sị wẹ rogharị buru Osolobuẹ, bimẹ kẹ ndị rogharịnị.

Ọrụn Ndị-ozi 8:22

Rogharịkwọ nwan eje-ihiẹnni i mẹ, y'e mẹ ekpere, rịọ Di-nwọnni-ẹnyi; ikẹnkwọ ọ gbagharị ị iroroni.

Ndị Kọrẹntị Nke Ẹbụọ 5:11

Egun Di-nwọnni-ẹnyi haịnkwọ ẹnyi gi a rịọ ịhịan ile sọnmẹ ẹ. Osolobuẹ a marịnghọ ẹnyi ọhụnma-ọhụnma; e gighọ m'a dọn nị ụnụ nwẹn a marịnzịghọ ẹnyi imẹ obi ụnụ.

Ndị Galeshịa 5:13

Ụnụ nwẹn, Osolobuẹ kpọ ụnụ d'e weri enwẹn ụnụ, umunẹ m, ka egikwọlẹ ni nị ụnụ nwọn enwẹn ụnụ mẹmẹ k'ọ rị ụnụ; ka gi ni ihiẹn-ọsụsụọ e fetarị ibe ụnụ.

Ndị Galeshịa 5:22

Kanị, mkpụrụ Mmọn-nsọ a mịpụha wụ: ihiẹn-ọsụsụọ, ịghọghọ, udọn, ndidin, ẹfọma, imẹ-mma, ịwụ onyẹ wẹ gi e dọn ẹnya,

Ndị Galeshịa 5:6

Makẹni, imẹ Kraịstị wụ Jizọsị, ịkwa-ugun lẹ akwanị-ugun enwọnni ihiẹn ọ wụ. Ihiẹn rị mkpa wụ okukwe rị e gi ihiẹn-ọsụsụọ a ghọsị enwẹn ẹ.

Ndị Ẹfẹsọsụ 4:28

Onyẹ e zun ohin y'e zunzilẹ. Ya gi ẹka a lụrụ ihiẹn o gi e bi, e gi ẹka a a rụn ihiẹn rị mma, kẹni ọ hụn ihiẹn o gi e yezini ndị ihiẹn rị a fụ ọrụn ẹka.

Ditrọnọmi 24:13

Anwụn rọ, y'e wekinn'ẹ ẹkwa a n'ọ hụn ụzọ gi ẹ ranhịn. Ogẹn ahụn, ọ sikọ d'a kpanmịn ị, ihiẹn i mẹ a wụrụ ihiẹn rị mma ẹnya Osolobuẹ wụ Chuku ụnụ.

Ditrọnọmi 32:27

Kanị egun ẹmụ ndị-iṅẹnrẹn anịnị m, amamgbe ndị iwe a ghọtafie, sị, ‘Ẹka ẹnyi e mẹriọlẹ, ẹlẹkwọ Osolobuẹ mẹ hụnnị ile.’ ”

Ditrọnọmi 8:17

Ikẹnkwọ y'a sị enwẹn i, “Ẹka m mẹni m.”

Pita Ibuzọ 4:8

Hụn kachanrịn mkpa, e nwọn ni ihiẹn-ọsụsụọ ibe ụnụ ọda-ọda, makẹni ihiẹn-ọsụsụọ e kpumẹ njọ bu ọda.