Daniẹlụ 4:21 - Ika

²¹ osisi ahụn ẹhụhụọ a shịa, mkpụrụ jun, hụn rị a mịpụhanị ịhịan ile ihiẹn w'e ri, anụmanụ hụ e bi okpuru ẹ, nnụnụ hụ a kụ ẹkụ e ye agalaba a —

Daniẹlụ 4:21 Iomraidhean Croise

Ẹbụ-ọma 104:17

Nnụnụ ichẹn-ichẹn a kụ ẹkụ e ye elu osisi ndị ahụn; nnụnụ wụ stọkụ a kụzị ẹkụ e ye elu osisi-fẹ ebẹhụ.

Izikẹlụ 17:23

Mkpọnụnụ ugu Izrẹlụ kẹ m k'a gbọye ẹ; o k'a wa ẹka, mị mkpụrụ; o k'e họnrin okẹn-osisi sida a la ẹnya. Ụdị nnụnụ ile k'a kụ ẹkụ ye elu ẹ; wẹ ile e fe imẹ elu k'e biri igungun agalaba a.

Izikẹlụ 31:6

Nnụnụ ile a kụ ẹkụ yesọnmẹ agalaba a, anụ ile rị ọfịa a nọ igungun ẹ a mụ ụmụ; okẹn alị ile e biri igungun ẹ.

Daniẹlụ 2:38

o bugụọ kẹ ịhịan kẹ anụmanụ kẹ nnụnụ che ị ẹka — ebe-lẹ-ebe wẹ a rịlẹ; o tumẹgụọ ị onyẹ-ọkịkị wẹ ile. Ịyụ wụ isi hụ wẹ gi goru kpụ.

Daniẹlụ 4:11

Osisi hụ e sue họnrin okẹn-osisi, ze, ọnụnụ a sụntụ igwere; ndị ile rịdẹ ebe ụwa ru hụ e legha a.

Daniẹlụ 4:20

“O mẹ nke osisi ahụn ị hụn, osisi ahụn sueni, họnrin okẹn-osisi zeni, ọnụnụ a rị a sụntụ igwere, osisi ahụn ụwa ile rị e legha —

Daniẹlụ 4:22

Eze-Agụ, ịyụ wụ osisi hụ! Y'e họnringụọ okẹn-ịhịan zeni — y'e mẹkẹnmẹkẹ okẹn-ịhịan nọkẹ kẹ okẹn osisi hụ dọn sụntụ igwere; ọkịkị ị a ghagbarịgụọ ụwa ile.

Luku 13:19

Ọ nọ kẹ ebe onyẹ ohu nọ weri mkpụrụ mọstadị, kụn a ye ugbo-nta a, o sue, han kẹ osisi, nnụnụ a bịa d'a kụ ẹkụụ e ye agalaba a.”