Daniẹlụ 3:4 - Ika

⁴ Onyẹ a hịnị nọ gi okẹn oro sị, “Ụnụ ndị ile rị ichẹn-ichẹn, ndị alị ichẹn-ichẹn lẹ ndị asụsụ ichẹn-ichẹn! Lee ni ihiẹn wẹ sị ụnụ mẹ:

Daniẹlụ 3:4 Iomraidhean Croise

Ẹsta 8:9

Ịya kẹ wẹ nọ kpọ ndị akanwe eze ozigbo. Nke akpọhịn ẹtọ kwasị ọgụn imẹ ifọn nke ẹtọ, hụn wụ ọnwan Sivanị kẹ ihiẹnni mẹ. Wẹ nọ detu ihiẹn ile Mọdikaya sị ndị Ju mẹ lẹ hụn ọ sị ndị ọkịkị mẹ, kẹ ndị ile a nọkin ẹnya eze Azụụn ichẹn-ichẹn kẹ ndị gọvanọ kẹ ndị-isi ile rị Azụụn ẹsa kwasị ọgụn-isin eze rị a kị: gha Ndịa d'e rukwọrị Ẹtiopịa. Wẹ nọ gi mkpụrụ-ẹkụkwọ Azụụn ichẹn-ichẹn gi e de ihiẹn deni wẹ ya, gi asụsụ alị ichẹn-ichẹn deni wẹ ya, gizi asụsụ ndị Ju lẹ mkpụrụ-ẹkụkwọ wẹ gi e de deni wẹ ya.

Azaya 40:9

Ịyụ hụn wẹhẹni Zayọnụ ozi rị mma, nyinrin nwan ugu jẹn elu n'ị hị. Ịyụ hụn wẹhẹni Jerusalẹm ozi rị mma, weshi olu elu yikẹnmẹ oro! Weshi olu elu — atụlẹ egun; sị obodo ndị rị Juda: “Lee ni Chuku ụnụ!”

Azaya 58:1

Gi ẹ yi oro! Agbakwọlẹ nkịtịn! Yi ẹ n'ọ han — nọkẹ opi! Gwapụ ndị nke m nnupụ-isi wẹ, gwapụ ikpụlọ Jekọpụ njọ wẹ!

Daniẹlụ 3:10

Ịyụ wụ eze e tigụọ iwu — nị onyẹ nụ ukwere ọdụ (opi), ẹkpịrị, ụbọ-zita, ụbọ-layẹ, ụbọ-hapụ, ẹrere lẹ ụdị ihiẹn-egu ndị ọzọ ile, o sikọ d'a danrịrị nị ihiẹn hụ wẹ gi goru kpụ, gbaye ẹ;

Daniẹlụ 3:3

Ndị Nnọkin-ẹnya eze imẹ Ẹgbẹrẹ ile nọ zu ebahụn Eze wụ Nebukadineza k'a nọ kpupụ ihiẹn hụ ọ kpụ, uwẹ lẹ ndị-isi ọrụn ichẹn-ichẹn lẹ ndị gọvanọ; ndị ndụnmọdụn, ndị iho-aza kwọndọnsọnmẹ ẹkpa eze, ndị e dọnzi oku kanị, ndị e dọnzi oku nta lẹ ndị ọzọ ile gi ọkwa imẹ Ẹgbẹrẹ ile rị alị-eze ahụn; wẹ nọ wuzo ihun ihiẹn ahụn ọ kpụ.

Daniẹlụ 3:7

Hụn wẹ gihụ nụ nwan ukwere opi, ẹkpịrị, ụbọ-zita, ụbọ-layẹ, ụbọ-hapụ, ẹrere lẹ ụdị ihiẹn-egu ndị ọzọ ile, ndị ahụn ile rị ichẹn-ichẹn, ndị alị ichẹn-ichẹn lẹ asụsụ ichẹn-ichẹn, nọ dannị ihiẹn goru hụ eze wụ Nebukadineza kpụ alị, gbaye ẹ.

Daniẹlụ 4:1

Mmẹ wụ eze Nebukadineza rị e de ozini e jẹnni ndị ile rị ichẹn-ichẹn, ndị alị ile lẹ asụsụ ile, hụn bi ụwa ile: Ụwa ya rịwayeni ụnụ mma!!

Daniẹlụ 4:14

Ọ nọ gi okẹn olu yi, ‘Gbutu ni osisi hụ; kwapụchanrịn nị agalaba a; gbụpụchanrịn nị ẹhụhụọ a; zịzapụ nị mkpụrụ a. Anụmanụ ndị rị okpuru ẹ wẹ gbapụ, nnụnụ ndị rị agalaba a wẹ fepụ.

Daniẹlụ 6:25

Ya eze nọ de ẹkụkwọ jẹnni ndị ile rị ichẹn-ichẹn, ndị alị ile lẹ asụsụ ile rị alị-eze ahụn: “Ya masịnị ụnụ ọda-ọda!

Hosia 5:11

Wẹ rị a bịangbu Ifrem, e gi afụnfụn a zọkpụkpọ a, yeni mmọn ọ sị o k'e ferịrị.

Maịka 6:16

Makẹni ụnụ e sọngụọ ụzọ Omri lẹ ikpụlọ Ehabụ nẹdi ẹ, ụnụ e gigụọ ihiẹn wẹ kuzi ụnụ bi. M k'e gi ufiri ẹ tikpọchanrịn Jerusalẹm, ndị bi imẹ ẹ e họnrin ndị w'a mụ ẹmụ; yụ wụ Jerusalẹm k'e buru ifẹnrẹn ndị nke m.”

Rẹvẹleshọnụ 5:9

Ya wẹ nọ bụ ẹbụ ọhụn, sị, “Ịyụ furu hụn k'e weri ẹkụkwọ hụ, hụn k'a tọpụ eriri ndị hụ wẹ gi kẹnmẹ ẹ; makẹni wẹ gbu i, ị nọ gi ẹdeke i gbapụhanị Osolobuẹ ịhịan imẹ ebọn ile lẹ asụsụ ile lẹ ndị ile lẹ alị ile.