Daniẹlụ 3:28 - Ika

²⁸ Ya Nebukadineza nọ yi, “Ịja mma y'a rịnị Chuku Shẹdrakị, Mishakị lẹ Abẹdnego, hụn zi mmọn-ozi ẹ d'a gbapụha idibo ẹ, idibo ẹ hụn gi ẹ dọn ẹnya, pa oku eze, kweri ọnwụn, hụn nkẹ w'e gi fe mọbụ gbaye mmọn ọwụlẹ wezụka Chuku wẹ.

Daniẹlụ 3:28 Iomraidhean Croise

Jẹnẹsisi 9:26

Nụa nọzị sị, “Ịja-mma ya rịnị Osolobuẹ, Chuku Shẹm! Kenaanị ya wụrụ igbọn Shẹm.

Ihiẹn Mẹni Nke Ibuzọ 5:20

E nwọnhẹnkẹ wẹ eyemẹka imẹ agha hụ, Chuku haịn wẹ gi mẹri ndị Hagi lẹ ndị ile wẹ lẹ ndị Hagri wị — makẹni wẹ kwanghọsị a imẹ agha ahụn. Ọ za wẹ ekpere makẹni wẹ gi ẹ dọn ẹnya.

Ihiẹn Mẹni Nke Ẹbụọ 20:20

O ru ụz'ụtụntụn biribiri, ndị-agha Juda nọ buli, shi Alị Ọkpọ-nkụn Tẹkụa. Hụn wẹ gi buli, Jehoshẹfatị nọ jẹnpụha, sị wẹ, “Gọn ni m ntịn, ụnụ ndị Juda lẹ Jerusalẹm: Gi ni Osolobuẹ wụ Chuku ụnụ dọn ẹnya, o k'e mẹ ụnụ turu ọhụnma; gi ni ihiẹn ndị-amụma a ku dọn, ihiẹn k'a ghanị ụnụ.”

Ihiẹn Mẹni Nke Ẹbụọ 32:21

Ya Osolobuẹ nọ zi mmọn-ozi ohu, mmọn-ozi hụ nọ gbuchanrịn ndị-agha ile lẹ ndị-ndu lẹ ndị-isi ile rị ebẹhụ ndị-agha eze ndị Asiria ziẹntọ. Ya Sẹnakẹribụ nọ gi ifẹnrẹn lashi alị a. Ogẹn o gi banye ụlọ-mmọn a d'a rụa a, ụmụ ẹfọ a nọ gi ọpịa-agha gbu ẹ.

Ẹzra 1:3

Onyẹ nke ẹ ọwụlẹ hụn rị imẹ ụnụ, Chuku ẹ ya nọyen'ẹ; ya lakin nwan Jerusalẹm rị Juda d'a tụn Ụlọ-nsọ Osolobuẹ wụ Chuku Izrẹlụ. Ịya wụ Chuku hụn rị imẹ Jerusalẹm.

Ẹzra 6:11

“M rịzịkwọ e yi uhini: onyẹ buche mọbụ wepụ ihiẹn ọwụlẹ iwuni, wẹ sepụha osisi wẹ gi dụnmịn ụlọ a, zumẹ ẹ alị, hogbu hụnyẹ elu ẹ. Wẹ gi ufiri njọnị tikpọchanrịn ụlọ onyẹ hụ, n'o họnrin ikpọnfin.

Ẹbụ-ọma 103:20

Ja nị Osolobuẹ mma, ụnụ ndị mmọn-ozi ẹ wụ ndị dikẹn, hụn e mẹ ihiẹn ọwụlẹ o ku, ihiẹn ọwụlẹ wẹ nụ ọnụ a.

Ẹbụ-ọma 147:11

Ihiẹn a sụọ Osolobuẹ wụ ndị hụn a tụ egun ẹ, ndị bu obi tụkwasị ihiẹn-ọsụsụọ a.

Ẹbụ-ọma 33:18

Kanị ẹnya Osolobuẹ rị ebe ndị a tụ egun ẹ rị, ndị gi ihiẹn-ọsụsụọ a e dọn ẹnya,

Ẹbụ-ọma 33:21

Imẹ ẹ kẹ obi ẹnyi nọ a ghọghọ, makẹni ẹnyi gi ẹfan nsọ a e dọn ẹnya.

Ẹbụ-ọma 34:22

Osolobuẹ a gbapụha idibo ẹ; onwọnni onyẹ gbaburun'ẹ ikpe k'a ma.

Ẹbụ-ọma 62:8

Ndị nke ẹnyi, e gi ni Chuku e dọn ẹnya ogẹn ile, a gwaghọsịchanrịn n'a k'ọ rị ụnụ, makẹni ịya kẹ ẹnyi gbọnni. Sẹla

Ọpụpụ 20:5

akpọkwọlẹni ni wẹ isi alị mọbụ fe wẹ; makẹni mmẹ, hụn wụ Osolobuẹ, Chuku ụnụ, wụ Chuku ẹnya a fụ omẹni wẹ ye onyẹ ọzọ ihiẹn runi m. M'e gi njọ ndị ize m e ze e sọn ụmụ wẹ d'e rudẹ agbọ nke ẹtọ lẹ nke ẹnọ.

Azaya 12:2

Eziẹ, Chuku wụ onyẹ a zụọpụhanị m. M k'e gi i dọn ẹnya, egun atụkọ m. Osolobuẹ — Osolobuẹ, wụ ikẹn m lẹ ẹbụ m, ọ zụọpụhagụọ m.”

Azaya 37:36

Ya Mmọn ozi Osolobuẹ nọ jẹn ebe ndị-agha Asiria ziẹntọ, gbupụ ndị-agha nnụ-uku isẹn-kwasị-ọgụn-itenẹi (185,000). Eki e fọn, ndị alị a hụn ozun ndị hụ ile kẹ wẹ jun ụzọ ile!

Azaya 50:10

Onyẹ imẹ ụnụ ile a tụ egun Osolobuẹ, e mẹ ihiẹn odibo Osolobuẹ sị a mẹ? Onyẹ hụn rị a gha imẹ ishi, onyẹ hụn nwọnlẹni ukpẹ, hụnyẹ ya gi ẹfan Osolobuẹ dọn ẹnya, ya tụkwasị Chuku ẹ obi.

Daniẹlụ 2:47

Eze nọ sị Daniẹlụ, “Eziẹ, Chuku i ka mmọn ile; ịya a kị ndị-nze; ịya e wepụha ihiẹn-omimi ifọn, makẹni y'a sagụọ nwan ẹka wepụha ihiẹn-omimini ifọn.”

Daniẹlụ 3:25

Ọ nọ sị, “Lee n'ẹ, m rị a hụn ikẹnnyẹ ẹnọ rị e jẹnhunmẹ imẹ ọkụn — ekẹnmẹni wẹ wẹ, onwọnni ihiẹn mẹni wẹ; hụn mẹ wẹ ẹnọ nọ kẹ mmọn.”

Daniẹlụ 4:34

Ogẹn hụ e zugụ, mmẹ wụ Nebukadineza nọ bu ẹnya zinmẹ elu-igwee, ẹnya nọ dọn m. M nọ ja Onyẹ Hụ kachanrịnnị mma; a gbaye m onyẹ hụ rị ndụn jẹnrin ejẹn, ye ẹ ọghọ. Ọkịkị a wụ ọkịkị itẹbitẹ; alị-eze ẹ k'a rị agbọ ile.

Daniẹlụ 6:16

Ya eze nọ zi wẹ, wẹ nọ wẹhẹ Daniẹlụ, tụ a ye imẹ olu ẹwọrọ. Eze sị Daniẹlụ, “Chuku i, hụn y'e fe ogẹn ile ya dodo gbapụha ị!”

Daniẹlụ 6:26

“M rị e ti iwu nị ndị ile rị Ẹgbẹrẹ ọwụlẹ imẹ alị-eze m jẹnkọ d'a tụ egun Chuku Daniẹlụ, a gbaye ẹ. Makẹni ịya wụ Chuku hụn rị ndụn; o k'a rị jẹnrin ejẹn; etikpọkọ wẹ alị-eze ẹ; ọkịkị a agụkọ.

Matiu 4:10

Ya kẹ Jizọsị nọ sị a, “Ekwensụ, pụ ebeni! Makẹni, e degụọ w'a imẹ Ẹkụkwọ-nsọ, sị, ‘Osolobuẹ wụ Chuku i k'i k'a kụnị isi-alị; ịya sụọ k'i k'e fe.’ ”

Ọrụn Ndị-ozi 4:19

Kanị Pita lẹ Jọnụ nọ shịarị wẹ, sị, “Ku ni nwan o mẹni ọ hụghọ mma ẹnya Osolobuẹ nị ẹnyi gọn ụnụ ntịn karị Osolobuẹ;

Ọrụn Ndị-ozi 5:19

Kanị, uhinhin hụ, mmọn-ozi Di-nwọnni-ẹnyi nọ kpọpụ ụzọ ụlọ-ngan, dupụha wẹ, sị wẹ,

Ndị Rom 12:1

Umunẹ m, m rị nwan a rịọ ụnụ makẹni Osolobuẹ e mẹgụọnị ẹnyi omikẹn: gi ni ẹhụ ụnụ chụnyeni Osolobuẹ ẹjan rị ndụn, hụn rị nsọ, hụn k'a sụọn'a, nị ịya wụ ofufe furu ụnụ k'e fe ẹ.

Ndị Kọrẹntị Ibuzọ 13:3

Ọsụọn'a nị m wechanrịn ihiẹn ile m nwọn ye ndị igbẹnnyẹ, ọ sụọkwọn'a nị e kweridẹ m nị wẹ kpọ m ọkụn yeni okukwe m kẹni m gi ẹ nyan isi, omẹni enwọn m ihiẹn-ọsụsụọ, onwọnni erere o bannị m!

Ndị Filipi 1:20

M nwọn olilẹnya ọda-ọda nị egikọ m egun mẹ ihiẹn ifẹnrẹn e gi mẹ m; kama, nị m k'e kuzi oku Kraịstị kikẹnni, kushi ẹ ikẹn kẹ m dọn e ku ẹ mbụ, gi ẹhụ m buli Kraịstị elu, omẹni ịrịn'a ndụn rọ, omẹni ịnwụnn'a ọnwụn rọ.

Hibru 1:14

Ẹlẹ mmọn e jẹn ozi kẹ ndị mmọn-ozi wụhụ? Ẹlẹ mmọn Osolobuẹ zihẹ d'e yeni ndị jẹnkọ d'e nwọn nzụọpụha ẹka kẹ wẹ wụ?

Hibru 11:37

e gi wẹ ọmụma magbu ụfọdụ; a kpọwa wẹ ụfọdụ ẹbụọ; e gi wẹ ọpịa-agha gbu ụfọdụ. Wẹ hụ a wahunmẹ, wẹ lẹ akpụkpọ atụnrụn lẹ ewu wẹ hụn yiri, e ye wẹ wẹ ụya ri; e kpokpo wẹ wẹ; e mẹja wẹ wẹ!

Pita Ibuzọ 1:21

Ụnụ a ghagụọ nwan ẹka Kraịstị kwerini Osolobuẹ hụn gha ọnwụn weli Kraịstị, ye Kraịstị ọghọ. Ya wụ nị Osolobuẹ kẹ ụnụ kwerini; Osolobuẹ kẹ ụnụ gi dọn ẹnya.

Rẹvẹleshọnụ 12:11

“Kanị e gi wẹ ẹdeke Nwa-ebulu hụ lẹ oku wẹ gi shịan'a ẹri mẹri ẹ; ndụn wẹ a danị wẹ, e kweridẹ wẹ nị wẹ gbu wẹ.